Vaheveru 7:21 - Xitsonga (Bibele)

²¹ hikuva loko van'wana va vekiwile vaprista ku hlambanya ku nga ri kona, yena u vekiwile hi ku hlambanya, hi la u nga te eka yena: “Hosi yi hlambanyile kutani yi nga ka yi nga tlheri: U muprista hilaha ku nga heriki hi mukhuva wa Melkisedeke.”

BIBELE Mahungu Lamanene

²¹ kambe Yesu ú vekiwile muprista hi ku hlambanya ka Xikwembu, lexi nga te ka yena: “Hosi yi hlambanyile, kutani a yi nga tlheleli ndzhaku; yi te: ‘U muprista hilaha ku nga heriki.’ ”

Testamente Leyimpsha Xichangana

²¹ kambe Yesu avekiwile kuva Muprista hi kuhlambanya ka Xikwembu, lexingate ka yena: “Hosi yihlambanyile, kutani ayingatlheleli ndzhaku; yite: ‘U muprista hilaha kungaheliki.’”

Vaheveru 7:21 Referans Kwoze

Pisalema 110:4

Yehovha u hlambanyile a nga ka a nga hundzuki, U te: “U muprista hi laha ku nga heriki, Hi mukhuva wa Melkisedeke.”

Vaheveru 7:17

Hikuva ku endliwile vumbhoni leswaku: “U muprista hilaha ku nga heriki, hi mukhuva wa Melkisedeke.”

1 SAMIELE 15:29

Loyi a nga ku tshemba loku tiyeke ka Israele a nga hembi ni ku tilandzula, hikuva a hi munhu leswaku a nga tilandzula.”

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

Varhoma 11:29

hikuva ku nyika ka Xikwembu, ni ku vitana ka xona, a ku na ku hundzuka.

Vaheveru 5:6

kukotisa leswi a n'wi byelaka kun'wana, a ku: “U muprista hilaha ku nga heriki hi mukhuva wa Melkisedeke.”

Vaheveru 7:20

Kutani, na swona, a ku pfumalekanga ku hlambanya,

Vaheveru 7:23

Kutani na swona van'wana va vekiwile vaprista va ri karhi va tele, hikuva a va tsandzeka hi rifu ku tshama;

Vaheveru 7:28

Hikuva nawu wu veka vaprista vanhu lava nga ni ku tsana, kambe rito ra ku hlambanya leri tlhandlamaka nawu, ri vekile N'wana la hetisekeke hilaha ku nga heriki.