Vaheveru 7:14 - Xitsonga (Bibele)

¹⁴ Hikuva ku tiviwa leswaku Hosi ya hina yi hume erixakeni ra Yuda, ri nga leri Muxe a nga ri lerisangiki nchumu ehenhla ka magandzelo.

BIBELE Mahungu Lamanene

¹⁴ Hikuva swi le rivaleni leswaku Hosi ya hina yi humile erixakeni ra va ka Yuda, kutani Muxe a nga vulanga nchumu ehenhla ka rona hi tlhelo ra vaprista.

Testamente Leyimpsha Xichangana

¹⁴ Hikuva svi le rivaleni lesvaku Hosi ya hina yihumile rixakeni ra va ka Yuda, kutani Moxe angavulanga nchumu henhla ka rona hi tlhelo ra vaprista.

Vaheveru 7:14 Referans Kwoze

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

Esaya 11:1

Kutani rhavi ri ta huma ensinyeni wa Yese, hluke ri ta huma etimitswini ta wona, ri veka mihandzu.

Nhlavutelo 5:5

Kutani un'wana wa vakulukumba a ku eka mina: “U nga rili, vona, nghala ya rixaka ra Yuda, rimitsu ra Davhida yi hlurile leswaku yi ta pfula buku ni ku lemula ku tiyisa kantlhanu na kambirhi ka yona.”

Luka 3:33

wa Aminadaba, wa Arni, wa Esromo, wa Faresi, wa Yuda,

Nhlavutelo 22:16

“Mina Yesu, ndzi rhumile ntsumi ya mina ku vula vumbhoni bya timhaka teto etikerekeni. Hi mina rimitsu ni rixaka ra Davhida, ni nyeleti leyi voningaka ya mixo.”

Varhoma 1:3

loko xi ringanisa hi n'wana wa xona, Yesu Kriste, Hosi ya hina, la nga huma erixakeni ra Davhida, hitlhelo ra nyama,

Vaefesa 1:3

A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Varhoma 2:3

Kutani wena munhu la avanyisaka lava endlaka leswo tano kasi wa swi endla na wena, xana u anakanya leswaku u ta pona eku avanyiseni ka Xikwembu xana?

Yohane 20:28

Tomasi a hlamula, a ku eka yena: “Hosi yanga ni Xikwembu xanga!”

Yohane 20:13

Ti ku eka yena: “Wansati, u rilela yini?” Yena a ku eka tona: “Hikuva va susile Hosi yanga, kambe a ndzi tivi laha va n'wi vekeke kona.”

Luka 1:43

Swi endlise ku yini leswaku mana wa Hosi yanga a ta eka mina xana?

Tinhlayo 24:17

Ndzi n'wi vona, kambe a hi sweswi, Ndza n'wi hlalela, kambe ku nga ri kusuhi. Nyeleti yi hume eka Yakobo, Nhonga ya vuhosi yi hume eIsraeleni. Yi tlhava matsheve ya Mowabu, Yi heta vana hinkwavo va dzolonga.

Genesa 46:12

Vana va Yuda: Ere, na Onani, na Xela, na Perese na Zera; kambe Ere na Onani a va fele etikweni ra Kanana. Vana va Perese a a ri Hesironi na Hamula.

Vafilipiya 3:8

Kunene ndzi ringanisa leswaku hinkwaswo i swahava, loko swi nga fanisiwa ni vukulukumba bya ku tiva Yesu Kriste, Hosi ya mina, yeloyi ndzi cukumeteke hinkwaswo hikwalaho ka yena, ndzi swi ringanisa ni ntshuri leswaku ndzi fuwa Kriste,

Matewu 2:6

‘Na wena Betlehema, tiko ra Yuda, a ku ntsongo exikarhi ka tihosi ta Yuda, hikuva ku ta huma eka wena mufambisi la nga ta risa tiko ra mina ra Israele.’ ”

Vaheveru 7:13

Hikuva loyi timhaka teto ti vuriwaka ehenhla ka yena, i wa rixaka rimbe leri nga riki na munhu loyi a nga ekusuhi ni alitari.

Vaheveru 7:15

Kambe swa vonaka ku tlurisisa loko ku tumbuluka muprista un'wana la ringanaka na Melkisedeke,