Vaheveru 6:7 - Xitsonga (Bibele)

⁷ Hikuva misava leyi nwaka mati ya mpfula leyi yi yi nelaka kanyingi, yi tlhela yi mirisa swo mila leswinene, leswi pfunaka lava tirimelaka, yona yi kuma ku katekisiwa hi Xikwembu;

BIBELE Mahungu Lamanene

⁷ Loko misava yi nwile mati ya mpfula leyi talaka ku na ehenhla ka yona, ni loko yi mirisa swimila leswi pfunaka lava va yi rimaka, yi kuma minkateko leyi humaka eka Xikwembu.

Testamente Leyimpsha Xichangana

⁷ Loko misava yinwile mati ya mpfula leyitalaka ku na henhla ka yona, ni loko yimilisa svimilwa lesvipfunaka lava vayirimaka, yikuma minkateko leyihumaka ka Xikwembu.

Vaheveru 6:7 Referans Kwoze

Hosiya 10:12

Mi tibyalela hi ku lulama, mi tshovela hi vunene; mi tirimela vuhalulo lebyintshwa; hikuva i nkarhi wa ku lava Yehovha, a kondza a ta, a mi nisela ku lulama.

Esaya 44:3

Hikuva ndzi ta chela mati emisaveni leyi nga ni torha, ni swinambyana emisaveni leyi omeke: ndzi ta chela moya wa mina erixakeni ra wena, ni ku kateka ka mina ehenhla ka hluke ra wena.

Pisalema 126:6

Va famba va ri karhi va rila loko va hlwanya mbewu, Va vuya va yimbelela tinsimu loko va rhwala tinyandza ta vona.

Yakobo 5:7

Loko swi ri tano, vamakwerhu, lehisani timbilu, Hosi yi ko yi ta. Vonani, murimi u langutela mihandzu leyi pfumariwaka ya misava, a ri karhi a lehisa mbilu ya yena, a ko a nyikiwa mpfula ya ku sungula ni leya makumu.

Ezekiele 34:26

Vona ni va le matlhelweni ya xintshabyana xa mina, ndzi ta va endlela ku kateka; ndzi ta nisa mpfula hi nkarhi wa yona; ku ta va ni ku tsakama ka ku kateka kona.

Pisalema 24:5

U ta vona ku kateka ka Yehovha, Ni ku lulama ka Xikwembu xa ku hlayiseka ka yena.

Levhitika 25:21

Ndzi ta katekisa ngopfu lembe ra ntlhanu na rin'we, ri va ri mi nyika swakudya leswi ringanaka malembe manharhu;

Malakiya 3:10

Tisani endlwini ya vuhlayiselo ku avanyisa ka vukhume ka hinkwaswo leswi mi swi fuweke, swakudya swi va kona endlwini ya mina; mi ndzi ringa hakona, ku vula Yehovha wa mavandla, kutani mi ta vona xana ndzi nga ka ndzi nga mi pfuleri mafasitere ya tilo, ndzi va ndzi mi chululela ku kateka hi mpimo lowu tlurisaka!

Genesa 27:27

Kutani a tshinela, a n'wi ntswontswa. Kutani Isaka a twa ku nun'hwela ka tinguvu ta yena, a n'wi katekisa, a ku: “Kunene, ku nun'hwela ka n'wananga ku ni ku nun'hwela ka nsimu leyi nga katekisiwa hi Yehovha.

Genesa 1:11

Xikwembu xi ku: “Misava a yi mirise byanyi, ni matsavu lama vekaka mbewu, ni mirhi leyi nga ni mihandzu, leyi tswalaka vana lava nga ni timbewu ta vona, hi tinxaka ta yona ehenhla ka misava.” Kutani swi va tano.

Matewu 7:8

Hikuva un'wana ni un'wana la kombelaka, wa nyikiwa; la lavaka, wa swi kuma; ku ta pfuleriwa la gongondzaka.

2 Timotiya 2:6

La rimaka, u fanela ku tirha eku sunguleni ku va kona a nga ta tshovela swakudya.