Vaheveru 6:1 - Xitsonga (Bibele)

¹ Hikwalaho, a hi tshikeni tidyondzo ta masungulo ta rito ra Kriste, hi kongoma eku hetisekeni, hi nga tlheli hi veka kambe masungulo ya ku tshika mitirho leyi feke, ni ya ku pfumela eka Xikwembu,

BIBELE Mahungu Lamanene

¹ Hikokwalaho, a hi tshikeni ku yima eka tidyondzo leto sungula ta vukriste, kutani hi kongoma eku hetisekeni. Hi nga ha tlheli hi dyondzisa nakambe hi ta masungulo, ti nga ta ku hundzuka eka mintirho leyi nga pfuniki nchumu, ni ta ku pfumela eka Xikwembu,

Testamente Leyimpsha Xichangana

¹ Hikolaho, ahitshikeni kuyima ka tijondzo letosungula ta vukriste, kambe hikongoma kuhetisekeni, hingahatlheleni hijondzisa hi ta masungulu, tinga ta kuhundzuka ka mintirho leyifeke, ni ta kupfumela ka Xikwembu,

Vaheveru 6:1 Referans Kwoze

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

2 Vakorinto 7:1

Sweswi, varhandziwa, loko hi ri ni ku tshembisiwa kuloko, a hi tihlantsweni thyaka hinkwaro ra miri ni ra moya, hi ri karhi hi hetisa ku hlawuleka ka hina exichabyeni xa Xikwembu.

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Vaheveru 12:13

mi endlela milenge ya n'wina tindlela leti lulameke, leswaku leswi khwitaka swi nga tshuki swi hambuka ndlela, kambe swi hola.

Matewu 21:32

Hikuva Yohane u tile eka n'wina hi ndlela leyo lulama, a mi n'wi pfumelanga; kasi valuvisi ni vavasati va vuoswi va pfumerile eka yena; kambe n'wina, hambi mi vona sweswo a mi tisolanga mi va mi pfumela eka yena.

Vaheveru 7:11

Loko ngi ku hetiseka a ku ri kona evupristeni bya Levhi (vuprista byolebyo tiko ri tiyisiweke ha byona), xana swi fanela ha yini leswaku ka ha pfukelela muprista un'wana loyi a vuriwaka hi mukhuva wa Melkisedeke, ku nga ri hi mukhuva wa a Aroni xana?

Vaefesa 4:12

va ta hetisa vakwetsimi, va endla ntirho wa vurisi, va akisa miri wa Kriste,

Yohane 12:44

Kutani Yesu a huwelela, a ku: “La pfumelaka eka mina, a nga pfumeri eka mina, kambe u pfumela eka la ndzi rhumeke;

Yohane 5:24

Ndzi vurisile ndzi ri eka n'wina: La yingisaka rito ra mina, a va a pfumela eka la ndzi rhumeke, u ni vutomi lebyi nga heriki, kutani a nga ka a nga ti eku avanyisiweni, kambe u sukile eku feni ku nghena evutomini.

Matewu 3:2

“Hundzukani, hikuva ku fuma ka matilo ku tshinele.”

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

2 Vakorinto 7:10

Hikuva ku khomiwa hi tingana hi mukhuva lowu rhandziwaka hi Xikwembu ku humesa ku tisola loku nga ni ku hanya ku nga loku nga soriwiki; kambe ku khomiwa hi tingana hi mukhuva wa misava, ku humesa rifu.

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

Timhaka 20:21

ndzi ri karhi ndzi vula eka Vayuda ni ka Vagriki, vumbhoni bya ku hundzukela eka Xikwembu, ni ku pfumela eka Yesu Kriste, Hosi ya hina.

Timhaka 11:18

Kuteloko va twile timhaka teto, va miyela; kutani va dzunisa Xikwembu, va ku: “Kunene, Xikwembu xi nyikile ni vamatiko ku hundzuka leswaku va vona vutomi!”

Timhaka 3:19

“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Yohane 14:1

“Timbilu ta n'wina ti nga kanakani; pfumelani eka Xikwembu, ni ka mina mi pfumela.

Marka 6:12

Kuteloko va sukile va famba va ri karhi va dyondzisa vanhu leswaku va hundzuka.

Marka 1:1

Masungulo ya Evhangeli ya Yesu Kriste.

Matewu 4:17

Enkarhini wolowo, Yesu a sungula ku dyondzisa, a ku: “Hundzukani, hikuva ku fuma ka matilo ku kusuhi.”

1 Yohane 4:12

A ku na munhu la tshamaka a vona Xikwembu, ni siku ni rin'we; loko hi rhandzana, Xikwembu xi tshama eka hina, kutani rirhandzu ra xona ri hetisekile eka hina.

1 Petro 1:21

lava pfumeleke ha yena eka Xikwembu, lexi n'wi pfuxeke eku feni, xi va xi n'wi nyika ku kwetsima, leswaku ku pfumela ka n'wina ni ku tshemba ka n'wina ku va ka Xikwembu.

Yakobo 1:4

kambe ku tiyisela ku fanele ku va ni ntirho lowu hetisekeke leswaku mi va lava hetisekeke ni lavanene ematlhelweni hinkwawo, mi nga kiyeri ha nchumu.

Vaheveru 11:6

Kambe ku pfumela, loko ku nga ri kona, a ku na laha Xikwembu xi nga tsakisiwaka hakona; hikuva la tshinelelaka Xikwembu, u fanele ku pfumela leswaku hi yena muhakeri wa lava xi lavaka.

Vakolosa 4:12

Epafra, warikwenu, ni nandza wa Kriste, wa mi rungula; a karhi a mi lwela hi masiku emikhongelweni ya yena, leswaku mi va lava hetisekeke, ni lava kholwaka eku rhandzeni hinkwako ka Xikwembu.

Vakolosa 1:28

Hi yena yeloyi hi n'wi vulaka, hi ri karhi hi pfuxa vanhu hinkwavo, hi dyondzisa vanhu hinkwavo eku tlhariheni hinkwako, hi ta humelerisa vanhu hinkwavo va nga lava hetisekeke eka Kriste.

Vaefesa 2:5

loko hi tifele emilandzwini ya hina, ndzi ri, xi hi hanyisile swin'we na Kriste,

1 Petro 5:10

Kambe Xikwembu xa tintswalo hinkwato, lexi hi vitaneleke eku kwetsimeni ka xona loku nga heriki ha Yesu Kriste, kutakuloko mi twile ku vaviseka hi mikarhinyana, xi ta mi endla lava hetisekeke, xi mi tiyisa, xi mi nyika matimba, mi nga tsekatseki;

Vaefesa 2:1

Na n'wina, a mi file emilandzwini ya n'wina ni le eku dyoheni ka n'wina,

1 Vakorinto 13:10

kambe siku ku fikaka ku hetiseka, hilaha leswi nga swa tlhelo rin'we swi nga ta herisiwa.

Timhaka 17:30

Kambe Xikwembu xi tshikile masiku leswaku ma hundza walawo ya ku pfumala ku tiva, kutani sweswi, xi lerisa vanhu hinkwavo, ematikweni hinkwawo, leswaku va hundzuka.

Timhaka 2:38

Petro a ku eka vona: “Hundzukani, kutani un'wana ni un'wana a khuvuriwa hi vito ra Yesu Kriste, eku khomeriweni ka swidyoho; kutani mi ta amukela nyiko wu nga Moya lowo Kwetsima.

Matewu 7:25

Kutani mpfula yi na, maboboma ma ta, ni mimoya yi hunga, yi ba yindlu yoleyo; kambe a yi wanga hikuva masungulo ya yona a ma le ribyeni.

Matewu 5:48

Sweswo-ke, na n'wina, mi hamba mi hetiseka, kukotisa Tata wa n'wina la nga etilweni a hetisekeke.

Swivuriso 4:18

Ndlela ya lavo lulama yi kotisa ku vonakala, Ku hatima ka kona ku engeteleka ku fikela nhlekanhi lowukulu.

1 Timotiya 6:19

va tihlengeletela mikarhi leyi taka rifuwo leri nga ni masungulo lamanene, va ta kuma vutomi lebyi nga heriki.

Luka 6:48

U fana ni munhu la akaka yindlu; yindlu leyi, ku nga te loko a ake masungulo, a cele khele, a yi sungula etambeni; kutani, kakuloko xihuhuri xi ta, ni loko boboma ri ba yindlu leyi, a yi tsekatsekanga, hikuva yi akiwile swinene.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Matewu 21:29

Yeloyi a hlamula, a ku: ‘Ndza ala,’ kambe ndzhaku a tisola, a ya kona.

1 Vakorinto 2:6

Kambe hi vula vutlhari exikarhi ka lava hetisekeke, byi nga riki vutlhari bya misava leyi, ni bya tihosi ta misava leyi, leti helaka;

Vakolosa 3:14

Kutani ehenhla ka sweswo hinkwaswo, mi funengela rirhandzu, ku nga ku boha ka ku hetiseka.