Vaheveru 5:12 - Xitsonga (Bibele)

¹² Hikuva a swi mi fanele khale ku va vafundhisi, kasi ni sweswi, ma ha fanela ku tivisiwa masungulo ya timhaka ta Xikwembu; kutani mi hundzukile vanhu lava faneriwaka hi ntswamba, ku nga ri hi swakudya leswi tiyeke.

BIBELE Mahungu Lamanene

¹² Hikuva hambileswi sweswi a mi fanele ku va vadyondzisi, ma ha lava ku dyondzisiwa na kambe tidyondzo to sungula ta Rito ra Xikwembu, hi munhu un'wana. Ma ha lava ntswamba, ku nga ri swakudya leswi tiyeke.

Testamente Leyimpsha Xichangana

¹² Hikuva hambilesvi svosvi amifanela kuva vajondzisi, mahalava kujondzisiwa, atijondzo tosungula mayelanu ni Rito ra Xikwembu, hi munhu mun'wana. Mahalava ntswamba, kungali svakuja lesvitiyeke.

Vaheveru 5:12 Referans Kwoze

Vaheveru 6:1

Hikwalaho, a hi tshikeni tidyondzo ta masungulo ta rito ra Kriste, hi kongoma eku hetisekeni, hi nga tlheli hi veka kambe masungulo ya ku tshika mitirho leyi feke, ni ya ku pfumela eka Xikwembu,

1 Petro 2:2

kutani mi lava ngopfu, kukota vana lava ha ku tswariwaka, ntswamba lowunene wa Rito, leswaku mi kula ha wona eku hlayisekeni;

Vaheveru 5:13

Hikuva un'wana ni un'wana la wundliwaka hi ntswamba, u ta kohliwa hi rito ra ku lulama, hikuva a a ri n'wana;

Vakolosa 3:16

Rito ra Kriste a ri tshame eka n'wina, ri andza. Dyondzisanani hi vutlhari hinkwabyo, mi khongotelana hi tipisalema, ni ku yimbelela, ni tinsimu ta Moya, mi ri karhi mi yimbelelela Hosi hi timbilu ta n'wina hi ku khensa.

Pisalema 34:11

Tanani vana, mi ndzi yingisela, Ndzi ta mi dyondzisa xichavo xa Yehovha.

Matewu 17:17

Yesu a hlamula, a ku: “Rixaka leri nga pfumeriki, lero homboloka, ndzi ta va na n'wina ku yisa kwihi xana? Ndzi ta mi lehisela mbilu ku yisa kwihi xana? N'wi neheni laha ka mina.”

Esaya 55:1

“N'wina hinkwenu lava nga ni torha, tanani ematini hambi n'wina lava pfumalaka mali! Tanani, mi ta xava, mi dya; tanani, mi xava vhinyo ni ntswamba, hambi mi nga ri na mali, a mi nga hakeri!

Ezra 7:10

Hikuva Ezra a a vekile mbilu ya yena ku lava milawu ya Yehovha, ni ku tirha ha yona, ni ku dyondzisa Vaisraele milawu, ni ku lerisa.

2 SAMIELE 16:23

Hi masiku lawa, timhaka leti vuriwaka hi Ahitofele a ti ringanisiwa ni rito ra Xikwembu. A swi ri tano ni makungu hinkwawo ya Ahitofele, hambi ku ri eka Davhida, hambi eka Abixalomu.

1 Petro 4:11

Loko un'wana a vulavula, a a landze marito ya Xikwembu; loko un'wana a tirha ekerekeni, a a tirhe hi matimba lawa Xikwembu xi n'wi nyikaka, leswaku Xikwembu xi dzunisiwa eka hinkwaswo ha Yesu Kriste, loyi a nga ni ku kwetsima ni matimba, hilaha ku nga heriki. Amen!

1 Vakorinto 14:19

kambe, enhlengeletanweni, ndzi nga rhandza ku vula marito ya ntlhanu ntsena hi ku twisisa ka mina, ndzi ta dyondzisa ni van'wana, ku tlurisa marito ya khume ra madzana ya tindzimi tin'wana.

Varhoma 3:2

Kumbe ku yimba ku pfuna yini? Ka pfuna ngopfu hi matlhelo hinkwawo, ngopfungopfu hi leswi marito ya Xikwembu ma vekiweke eka vona.

Timhaka 7:38

Hi yena la nga yima enhlengeletanweni le mananga, kun'we ni ntsumi leyi nga vulavula na yena eNtshaveni ya Sinayi, a ri ni vakokwa wa hina; hi yena la amukeleke marito ya ku hanya ku hi nyika wona.

Marka 9:19

Yesu a n'wi hlamula, a ku: “Ha! Rixaka leri nga pfumeriki, ndzi ta va na n'wina ku yisa kwihi? Ndzi ta mi lehisela mbilu ku yisa kwihi-ke? N'wi tiseni eka mina.”

Vafilipiya 3:1

Loko swi ri tano, vamakwerhu, titsakeleni eHosini, A ndzi karhali ku mi tsalela timhaka ti ri tin'we, hikuva mi tiyisiwa ha tona.

Esaya 28:13

Hikwalaho rito ra Yehovha ri ta va eka vona nawu ehenhla ka nawu, ni nawu ehenhla ka nawu, ku lerisa ehenhla ka ku lerisa, ni ku lerisa ehenhla ka ku lerisa, mhaka yin'wana sweswi ni mhaka yin'wanyana endzhaku leswaku loko va famba, va wa hi le ndzhaku va tshoveka, va phasiwa, va khomiwa!

1 Vakorinto 14:20

Vamakwerhu, mi nga tshuki mi va swihlangi eku twisiseni, kambe mi va swihlangi elunyeni, loko ku ri ku twisiseni mi va lava hetisekeke.

Vagalatiya 4:3

A swi ri tano na hina, loko ha ha ri vana, a hi ri ku fumiweni hi timhaka to rhanga ta misava.

Vaheveru 5:11

Emhakeni leyi, hi ni leswo tala leswi hi nga swi vulaka, kambe swa nonon'hwa ku swi hlamusela, hikuva mi hundzukile lava lolohaka eku yingiseni.

Vaheveru 10:32

Kambe anakanyani mikarhi leyo sungula, leyi kungakuloko mi voningiwile, mi nga tiyela ku lwa lokukulu ka ku vaviseka: