Vaheveru 5:1 - Xitsonga (Bibele)

¹ Hikuva muprista lonkulu, hambi a ri mani na mani, leswi a tekiwaka exikarhi ka vanhu, a vekeriwa ta Xikwembu hikwalaho ka vanhu, leswaku a ta humesa mihlengo ni magandzelo hikwalaho ka swidyoho,

BIBELE Mahungu Lamanene

¹ Muprista un'wana ni un'wana Lonkulu, leswi a hlawuriweke exikarhi ka vanhu, ú vekiwile leswaku a ta yimela vanhu eku hlanganeni ka vona ni Xikwembu, ni leswaku a humesa tinyiko ni magandzelo hikwalaho ka swidyoho swa vona.

Testamente Leyimpsha Xichangana

¹ Muprista lwenkulu mun'wana ni mun'wana, lesvi ahlawuliweke xikarhi ka vanhu, avekiwile lesvaku atayimela vanhu kuhlanganeni ka vona ni Xikwembu, ni lesvaku ahumesa tinyiko ni timhamba hikolaho ka svijoho sva vona.

Vaheveru 5:1 Referans Kwoze

Vaheveru 8:3

Hikuva muprista lonkulu un'wana ni un'wana u vekiwe ku humesa mihlengo ni magandzelo; hikwalaho swa fanela leswaku, na yena yeloyi, a va ni lexi a nga humesaka xona.

Vaheveru 10:11

Loko a ri muprista un'wana ni un'wana, a ri karhi a yima hi masiku hinkwawo, a tirhela Xikwembu, a humesa kanyingi magandzelo ma ri man'we lama nga tiviki, ni siku ni rin'we, ku susa swidyoho;

Vaheveru 11:4

Hi ku pfumela, Avele u humesele Xikwembu magandzelo lama tlulaka ya Kayini, kutani hakona u kumile vumbhoni leswaku u lulamile, Xikwembu xi ri karhi xi vula vumbhoni bya magandzelo ya yena; kambe hakona wa ha vulavula, hambi a file.

Vaheveru 9:9

xi nga xifaniso lexi endleriweke mikarhi ya sweswi, leyi ka ha humesiwaka ha yona mihlengo ni magandzelo lama tsandzekaka ku hetisisa hitlhelo ra ripfalo ra loyi a tirhaka ntirho;

Vaheveru 7:27

la nga faneriki hi masiku hinkwawo kukotisa vaprista lavakulu, ku rhanga a humesa magandzelo hikwalaho ka vudyoho bya yena, a tlhela a humesa ni ya vudyoho bya tiko, hikuva leswi, u swi endlile kan'we, a ri yena mhamba.

Vaheveru 2:17

Hikwalaho-ke, a swi fanela leswaku a fanisiwa hinkwako ni vamakwavo, leswaku a ta va muprista lonkulu la nga ni ku tsetselela, ni ku tshembeka ka hinkwaswo swa Xikwembu, a ko a kutsula tiko eku dyoheni ka rona.

Levhitika 9:7

Muxe a ku eka Aroni: “Tshinela ekusuhi ni alitari, u humesa gandzelo ra nandzu, ni holokosta, u tiphahlela mhamba ya wena ni ya tiko; u ta humesa ni nhlengo wa tiko, u va phahlela mhamba hilaha Yehovha a leriseke hakona.”

Levhitika 8:2

“Teka Aroni ni vana va yena, ni tinguvu, ni mafurha yo tola, ni nkunzi ya gandzelo ra nandzu, ni makhuna mambirhi, ni xirhundzu xa swinkwa leswi nga riki na comela,

Varhoma 15:17

Hikwalaho ndzi ni nkarhi wa ku tidzunisa ha Yesu Kriste etimhakeni ta Xikwembu;

1 Vakorinto 15:3

Hikuva emahlweni ka swilo hinkwaswo, ndzi mi nyikile lexi: ndzi xi amukeleke na mina, hileswaku Yesu u fele swidyoho swa hina hilaha Matsalwa ma vulaka hakona,

Vaheveru 8:4

Hikuva loko ingi a ri la emisaveni, a a nga ti va muprista, hikuva vaprista va kona lava humesaka nhlengo hi nawu;

Vaheveru 10:12

kambe yena, kuteloko a humesile mhamba yi ri yin'we hikwalaho ka vudyoho, u titshamele evokweni ra xinene ra Xikwembu hilaha ku nga heriki,