Vaheveru 4:4 - Xitsonga (Bibele)

⁴ Hikuva ku vuriwile kun'wana ehenhla ka siku ra ntlhanu na mambirhi leswaku: “Kutani Xikwembu xi phyuphya hi siku ra ntlhanu na mambirhi emitirhweni hinkwayo ya xona.”

BIBELE Mahungu Lamanene

⁴ Hikuva kun'wana eMatsalweni ku vulavuriwa hi ta siku ra vu-7 hi ndlela leyi, va ku: “Hi siku ra vu-7, Xikwembu xi wisile emintirhweni ya xona hinkwayo.”

Testamente Leyimpsha Xichangana

⁴ Hikuva kun'wana Matsalweni kuvulavuliwa hi ta siku ra vuntlhanu ni mambirhi hi ndlela leyi: “Hi siku ra vuntlhanu ni mambirhi, Xikwembu xiwisile mintirhweni ya xona hinkwayu.”

Vaheveru 4:4 Referans Kwoze

Eksoda 20:11

Hikuva hi masiku ya ntlhanu na rin'we, Yehovha u endle tilo ni misava, ni lwandle, ni swilo hinkwaswo leswi nga eka swona; kambe u wisile hi siku ra vuntlhanu na mambirhi. Hikwalaho Yehovha a nga katekisa siku ra ku wisa, a va a ri hlawulekisa.

Eksoda 31:17

I xikombiso lexi nga heriki xikarhi ka mina ni vana va Israele, hikuva hi masiku ya ntlhanu na rin'we, Yehovha u endlile matilo ni misava, kutani hi siku ra ntlhanu na mambirhi u tshike ntirho, a wisa.’ ”

Vaheveru 2:6

kambe mbhoni yin'wana yi vurile kun'wana, yi te: “Munhu i yini, leswaku u ta n'wi anakanya; kumbe n'wana wa munhu i yini, leswaku u ta n'wi endzela?

Duteronoma 5:14

kambe siku ra ntlhanu na mambirhi, i siku ro wisa ra Yehovha, Xikwembu xa wena, U nga tshuki u tirha ntirho ni wun'we, hambi u ri wena, ni n'wana wa wena wa xinuna, ni wa xisati, ni nandza wa wena wa wanuna ni wa wansati, hambi yi ri homu ya wena, ni mbhongolo ya wena, hambi xi ri xifuwo xin'wana xa wena, hambi a ri muendzi wa wena la nga emitini ya wena, leswaku nandza wa wena wa wanuna ni wa wansati a wisa kukotisa wena.

Vaheveru 4:10

Hikuva la ngheneke eku wiseni ka Xikwembu, na yena u phyuphya emitirhweni ya yena, a kota xona Xikwembu xi phyuphyaka emitirhweni ya xona.