Vaheveru 4:2 - Xitsonga (Bibele)

² Hikuva na hina hi byeriwile Evhangeli kukotisa vona; kambe valavo, rito leri va ri yingiseke a ri va pfunanga nchumu, hikuva a ri pfangananga ni ku pfumela etimbilwini ta lava yingiseke.

BIBELE Mahungu Lamanene

² Hikuva Mahungu Lamanene ma tile eka hina ku fana swinene ni leswi ma nga ta eka vona; kambe Mahungu lawa va ma tweke a ma va pfunanga nchumu, hikuva a ma kumananga ni ku pfumela eka vona lava va ma tweke.

Testamente Leyimpsha Xichangana

² Hikuva Evhangeli yitile ka hina kufana svinene ni lesvi yingata ka vona; kambe Evhangeli leyi vayitweke ayivapfunanga nchumu, hikuva ayikumananga ni kupfumela ka vona lava vayitweke.

Vaheveru 4:2 Referans Kwoze

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

Vaheveru 11:6

Kambe ku pfumela, loko ku nga ri kona, a ku na laha Xikwembu xi nga tsakisiwaka hakona; hikuva la tshinelelaka Xikwembu, u fanele ku pfumela leswaku hi yena muhakeri wa lava xi lavaka.

Vaheveru 3:12

Tivoneleni, vamakwerhu, leswaku ku nga tshuki ku va na un'we exikarhi ka n'wina loyi mbilu ya yena yi nga leyo biha, yi tiarisaka, yi fularhela Xikwembu lexi hanyaka,

1 Timotiya 4:8

Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.

Varhoma 2:25

Kunene ku yimba ka pfuna loko u hlayisa nawu, kambe loko u ri mutluri wa nawu, ku yimba ka wena ku ta va ku hundzukile vukhuna.

Timhaka 13:46

Kutani Pawulo na Barnaba va va byela, va tiyisa, va ku: “A swi fanela leswaku rito ra Xikwembu ri byeriwa n'wina eku sunguleni; kambe leswi mi ri alaka, mi tiavanyisile lava nga fanekelangiki hi vutomi lebyi nga heriki, maswivo, hi hundzukela eka vamatiko.

Yakobo 1:21

Hikwalaho, cukumetani thyaka hinkwaro, ni hinkwaswo swa lunya, mi amukela hi ku olova rito leri byariweke etimbilwini ta n'wina, leri kotaka ku londzovota mimoya ya n'wina.

Vaheveru 4:6

Hikwalaho, leswi mhaka leyi, yi tiyeke, leswaku van'wana va nghena kona, kasi lava dyondzisiweke eku sunguleni, a va nghenanga hikwalaho ka ku tiarisa ka vona,

1 Vakorinto 13:3

Hambi ndzi avela rifuwo ra mina hinkwaro, ndzi phamela swisiwana, kumbe ndzi nyiketa miri wa mina leswaku wu hisiwa, kambe ndzi nga ri na rirhandzu, leswo a swi ndzi pfuni nchumu.

1 Petro 1:12

Kutani va kombisiwile leswaku a va titirhelanga, kambe va tirhele hina, etimhakeni leti mi ti byeriweke sweswi, hi lava mi dyondziseke hi Moya lowo Kwetsima lowu rhumiweke, wu huma etilweni, ti nga timhaka leti tintsumi ti navelaka ngopfu ku ti hlometela.

1 Vatesalonika 1:5

Hikuva Evhangeli ya hina a yi tangi eka n'wina hi marito ntsena, kambe yi tile hi matimba ni Moya lowo Kwetsima, ni ku khorwisa lokukulu, hi laha mi tivaka hakona mahanyelo ya hina eka rikwenu hikwalaho ka n'wina.

Vagalatiya 3:8

Kutani Tsalwa, hi ku vona eku sunguleni leswaku Xikwembu xi ta hlaya ku lulama eka vamatiko hi ku pfumela, ri byerile Abrahama khale mahungu lamanene, ri te: “Matiko hinkwawo ma ta katekisiwa ha wena,”

Vagalatiya 4:13

kambe ma swi tiva leswaku loko ndzi sungule ku mi byela Evhangeli, a ndzi ri ku tsaneni enyameni;

Timhaka 3:26

Xikwembu xi sungurile ha n'wina, ku mi humesela nandza wa xona Yesu, xi n'wi rhuma ku ta mi katekisa, hi ku hundzuluxa un'wana ni un'wana wa n'wina eku biheni ka yena.”

Duteronoma 1:32

“Hambiswiritano, a mi tshembanga Yehovha, Xikwembu xa n'wina,

Varhoma 3:3

Hikuva swi na yini-ke loko van'wana va nga pfumelanga? Xana ku ka va nga pfumelanga ku nga herisa ku tshembeka ka Xikwembu xana?

Vagalatiya 3:2

Ndzi rhandza ku twa eka n'wina mhaka leyi ntsena: Xana mi nyikiwe Moya hi mitirho ya nawu, kumbe hi ku yingisa ta ku pfumela?