Vaheveru 4:13 - Xitsonga (Bibele)

¹³ Kutani a ku na xivumbiwa lexi nga vonakiki emahlweni ka xona, kambe hinkwaswo swi tshama ntsena swi ri erivaleni emahlweni ka loyi hi nga ni mhaka na yena.

BIBELE Mahungu Lamanene

¹³ Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

Testamente Leyimpsha Xichangana

¹³ Emahlweni ka Xikwembu, kuhava xivumbiwa ni xin'we lexitumbeleke. Hinkwasvu sviyo tlandlala, rivaleni, mahlweni ka Lweyi hifanelaka kutihlamulela ka yena.

Vaheveru 4:13 Referans Kwoze

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

Swivuriso 15:3

Mahlo ya Yehovha ma languta hinkwako, Ma xiya lavo biha ni lavo lulama.

Eklesiasta 12:14

hikuva Xikwembu xa ha ta yisa mitirho hinkwayo eku avanyiseni ni leswi fihliweke hinkwaswo, hambi swi ri leswo biha, hambi swi ri leswo saseka.

1 SAMIELE 16:7

Kambe Yehovha a ku eka Samiele: “U nga languti nghohe ya yena, hambi xi ri xiyimo xa yena, hikuva ndzi n'wi cukumetile; Yehovha a nga languti leswi langutiwaka hi vanhu, hikuva vanhu va languta nghohe, kambe Yehovha u languta mbilu.”

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Ntirho 34:21

“Hikuva mahlo ya xona ma languta mikhuva ya vanhu. Xi languta mafambele ya vona hinkwawo.

Varhoma 2:16

swi ta humelela hi siku leri Xikwembu xi nga ta avanyisa leswi fihliweke swa vanhu ha Yesu Kriste, hilaha Evhangeli ya mina yi vulaka hakona.

Swivuriso 15:11

Xivandla xa vafi ni xidziva swi le mahlweni ka Yehovha; Ngopfungopfu timbilu ta vana va vanhu!

Pisalema 44:21

Xana Xikwembu ingi xi nga swi tivanga, Leswi xi tivaka leswi fihliweke etimbilwini xana?

Ntirho 26:6

Ndhawu ya vafi yi fununguriwe emahlweni ka xona, Swidziva a swi sirheriwi,

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

Pisalema 7:9

Herisa lunya ra lavo homboloka, Kambe u tiyisa la lulameke, Wena la kambaka timbilu ni swisuti, oho Xikwembu xo lulama!

2 TIKRONIKA 6:30

wena, yingisa u ri ematilweni, laha u akeke kona, u rivalela; u nyika un'wana ni un'wana hi tindlela hinkwato ta yena, wena la tivaka mbilu ya munhu un'wana ni un'wana (hikuva wena ntsena u tiva timbilu ta vana va vanhu),

Pisalema 90:8

U vekile emahlweni ka wena swivi swa hina, Ni ku dyoha ka hina loku fihliweke ku le ku vonakaleni ka mombo wa wena.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

2 TIKRONIKA 16:9

Hikuva mahlo ya Yehovha ma fambafamba emisaveni hinkwayo ku tiyisa lava nga va yena hi timbilu hinkwato ta vona. U endlile hi vuhunguki emhakeni leyi, hikuva ku sungula sweswi, u ta va ni tinyimpi.”

Yohane 21:17

A tlhela a ku eka yena ra vunharhu: “Simoni, n'wana Yona, xana wa ndzi rhandza xana?” Petro a va ni tingana hikuva a a n'wi vutisa ra vunharhu, a ku: “Wa ndzi rhandza xana?” Kutani a ku eka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku eka yena: “Risa tinyimpfu ta mina.

Yohane 2:24

Kambe Yesu a nga va tshembanga, hikuva a a va tiva hinkwavo;

Ntirho 38:17

Xana tinyangwa ta rifu ti tikombisile eka wena-ke? Xana u vonile tinyangwa ta ndzhuti wa rifu?

Timhaka 17:31

Hikuva xi vekile siku leri xi nga ta avanyisa misava ha rona hi mukhuva lowo lulama, hi wanuna loyi xi n'wi hlawuleleke swona; kutani xi tiyisile eka hinkwavo mhaka leyi, hi ku n'wi pfuxa eku feni.”

Pisalema 139:4

Hikuva rito loko ri nga si fika eririn'wini ra mina, U ri tivile hinkwaro, oho Yehovha!

Swivuriso 5:21

Hikuva mafambele ya munhu ma le mahlweni ka Yehovha. Hi yena la tivaka mitila ya yena hinkwayo.

Yeremiya 16:17

Hikuva mahlo ya mina ma languta tindlela hinkwato ta vona leti nga tumbelangiki emahlweni ka mina, ni ku homboloka ka vona loku nga funengetiwangiki emahlweni ka mina.

Yeremiya 23:24

Xana munhu a nga fihleka exihundleni, leswaku ndzi nga n'wi voni, ku vula Yehovha? A ndzi ku: Matilo ni misava swi tele ha mina, ku vula Yehovha?

Yeremiya 29:23

Hikuva va endlile manyala exikarhi ka Israele va oswanile ni vasati va vamakwavo, va vurile marito yo hemba hi vito ra mina, leswi ndzi nga va lerisangiki swona. Kambe ndzi tiva leswo, ndzi mbhoni ya swona, ku vula Yehovha.’ ”

Daniele 2:22

Hi xona lexi hlavutelaka leswi enteke ni swihundla; xi tivisisa leswi nga emunyameni; ku vonakala ku akile eka xona.

Matewu 6:4

leswaku ku nyika ka wena ku va exihundleni; kutani Tata wa wena la vonaka exihundleni, u ta ku tlherisela emahlweni ka vanhu.

Yohane 4:16

Yesu a ku eka yena: “Famba u ya vitana nuna wa wena a ta halenu.”