Vaheveru 4:12 - Xitsonga (Bibele)

¹² Hikuva rito ra Xikwembu i rito leri hanyaka, leri tirhaka, leri karihaka ku tlula tlhari leri nga ni vukari hi matlhelo mambirhi, ri ya fika emahlanganweni ya mbilu ni moya, ni ka misiha ni mongo, kambe hi rona leri avanyisaka mianakanyo ni makungu ya timbilu.

BIBELE Mahungu Lamanene

¹² Hikuva Rito ra Xikwembu ra hanya, naswona ra tirha, ri kariha ku tlula tlhari rin'wana ni rin'wana leri lotiweke matlhelo mambirhi, ri tlhava ku ya fika emahlanganeni ya hika ni moya, ni ya marhambu ni mongo, ri kota ku hlaya mianakanyo ni makungu ya mbilu.

Testamente Leyimpsha Xichangana

¹² Hikuva Rito ra Xikwembu rahanya, nasvona ratirha, rikariha kutlula tlhari lerilotiweke matlhelo ha mambirhi, ritlhava rikondza rihambanyisa ahefemulo ni moya, ni marhambu ni mongo, hi rona leri yavanyisaka miyanakanyu ni makungu ya mbilu.

Vaheveru 4:12 Referans Kwoze

Yeremiya 23:29

Xana rito ra mina a ri kotisi ndzilo ku vula Yehovha, a ri kotisi nyundzu leyi fayaka ribye xana?

Esaya 55:11

swi tano ni rito ra mina, le ri humaka enon'wini wa mina: Ri nga ka ri nga tlheleri eka mina ri nga si tirha nchumu, ri nga si endla ku rhandza ka mina, ri nga si hetisa makungu ya mina.

Vaefesa 6:17

Rhwalani xihuku xa ku hlayiseka, mi va mi tamela fumu ra Moya, ri nga Rito ra Xikwembu;

Pisalema 119:130

Hlavutelo ya marito ya wena ya voninga, Yi nyika lavo rivala ku twisisa.

1 Petro 1:23

mi va lava tswariweke ra vumbirhi, ku nga ri hi mbewu leyi bolaka, kambe ku ri hi leyi nga boriki, hi rito leri hanyaka ra Xikwembu, leri tshamaka hi masiku.

Esaya 49:2

U endle nomu wa mina banga lero kariha, u ndzi tshamisile endzhutini wa voko ra yena;

Nhlavutelo 1:16

A a khomile tinyeleti ta ntlhanu na timbirhi evokweni ra yena ra xinene; enon'wini wa yena a ku huma tlhari leri karihaka hi matlhelo mambirhi, mombo wa yena a wu fana ni dyambu loko ri kwetsima hi matimba ya rona.

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Varhoma 1:16

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

Pisalema 149:6

Tinsimu ta Xikwembu a ti va emilon'wini ya vona, Ni matlhari lama karihaka matlhelo mambirhi eswandleni swa vona,

Nhlavutelo 19:15

Enon'wini wa yena ku hume tlhari lero kariha, a ta ba matiko ha rona; hi yena la nga ta ma risa hi nhonga ya nhumbu; kambe hi yena la nga ta khuvuta exikhuvutweni xa vhinyo ya ku leva, ni ya vukari bya Xikwembu xa matimba hinkwawo.

Vaefesa 5:13

Kambe swilo hinkwaswo leswi sandziwaka swi kombisiwa hi ku vonakala; hikuva hinkwaswo leswi kombisiwaka, i ku vonakala.

Luka 8:11

Kambe xifaniso lexi hileswaku: Timbewu, i rito ra Xikwembu.

Pisalema 139:2

U tiva loko ndzi tshama, ni loko ndzi pfuka; U tiva miehleketo ya mina u ri kule;

Yohane 6:51

Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Esaya 11:4

U ta avanyisa xisiwana hi ku lulama, a kanela timhaka ta lavatsongo va misava hakunene. U ta ba misava hi nhonga ya nomu wa yena, a lovisa swidyohi hi moya wa nomu wa yena.

Pisalema 45:3

We nhenha! Tibohe banga ra wena etsheveni ra wena! I ku dzuneka ka wena ni ku kwetsima ka wena;

Nhlavutelo 19:21

Loko va ri lava seleke, va dlawa hi tlhari leri humaka enon'wini wa la khandziyeke hanci; kutani tinyanyana ti xurha hi tinyama ta vona.

Nhlavutelo 2:16

Hundzuka-ke; loko u nga hundzuki, ndzi ta hatlisa ndzi ta eka wena, ndzi lwa na vona hi tlhari ra nomu wa mina.

Vaheveru 13:7

Anakanyi varisi va n'wina lava mi byeleke rito ra Xikwembu; mi etisa ku pfumela ka vona, mi ri karhi mi langutisa ku hetelela ka ku hanya ka vona.

Timhaka 4:31

Kuteloko va khongerile, xivandla lexi va hlengeletaneke eka xona, xi tsekatseka, kutani hinkwavo va tala Moya lowo Kwetsima, kutani va vula rito ra Xikwembu hi ku tiya.

Timhaka 2:37

Kuteloko va swi yingisile va tlhaveka timbilu; kutani va ku eka Petro ni ka vaapostola van'wana: “Vavanuna varikwerhu, hi ta endla yini?”

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

Nhlavutelo 20:4

Kavaloko ndzi vona swiluvelo; kutani van'wana va tshamisa ehenhla ka swona, va nyikiwa matimba ya ku avanyisa. Ndzi vona ni mimoya ya lava tsemiweke tinhloko hikwalaho ka vumbhoni bya Yesu, ni hikwalaho ka rito ra Xikwembu, ni lava nga gandzelangiki xivandza, hambi xi ri xifaniso xa xona, ni lava nga amukelangiki mfungho wa xona emimombyeni ni le mavokweni ya vona; kutani va hanya, ni ku fuma na Kriste hi malembe ya khume ra madzana.

1 Vatesalonika 5:23

Xikwembu xa ku rhula a xi mi basise swinene, xi mi endla lava hetisekeke hinkwenu, leswaku hinkwaswo leswi nga eka n'wina, moya, ni mbilu, ni miri, swi hlayiseriwa ku vuya ka Hosi ya hina, Yesu Kriste, swi basile.

2 Vakorinto 4:2

kambe hi lahlile swilo leswi fihliweka, leswa tingana; kutani a hi fambi hi mano, a hi pfanganyeti rito ra Xikwembu; kambe hi ku veka erivaleni ntiyiso, hi tiendlela ku yimeriwa etimpfalweni ta vanhu hinkwavo, emahlweni ka Xikwembu.

Swivuriso 5:4

Kambe eku heteleleni, timhaka ta yena ti bava kukota nkaka, Ti tlhava kukotisa tlhari lero kariha ematlhelo mambirhi.

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

Eklesiasta 12:11

Marito ya lavo tlhariha, ma fana ni tinsungunhu, loko ma hlengeletiwa ma fana ni timhingu leti gongondzeriweke. Va nyikiwile hi Murisi a ri un'we.

2 Vakorinto 2:17

Hikuva a hi fani ni lavo tala lava onhaka rito ra Xikwembu; kambe hi vulavula emahlweni ka Xikwembu hi ri lavanene eka Kriste, hi ri lava rhumiwaka hi Xikwembu.

Pisalema 110:2

Yehovha u ta tshambuluta hi le Siyoni nhonga ya matimba ya wena: “Tlhoma ku fuma ka wena exikarhi ka valala va wena!”

1 Vakorinto 1:24

kambe eka lava vitaniweke, hambi va ri Vayuda, hambi va ri Vagriki, Kriste i matimba ya Xikwembu, ni vutlhari bya Xikwembu;

Timhaka 5:33

Kakuloko va twa sweswo, va kariha ngopfungopfu, kutani va kanela ku va dlaya.

Yohane 12:48

La ndzi alaka, a nga amukeri marito ya mina, u ni la n'wi avanyisaka; rito leri ndzi nga ri vula, hi rona leri nga ta n'wi avanyisa hi siku ra makumu.

Timhaka 7:38

Hi yena la nga yima enhlengeletanweni le mananga, kun'we ni ntsumi leyi nga vulavula na yena eNtshaveni ya Sinayi, a ri ni vakokwa wa hina; hi yena la amukeleke marito ya ku hanya ku hi nyika wona.

Vaefesa 5:26

leswaku a yi kwetsimisa, loko a yi basisile hi ku yi khuvula hi mati hi rito ra yena,

Vaheveru 6:5

lava engeteke va nantswa rito lerinene ra Xikwembu, ni matimba ya mikarhi leyi nga ta ta,

Vaavanyisi 3:16

Kutani Ehudi a tiendlela banga leri nga ni vukari hi matlhelo mambirhi, ku leha ka rona xi ri xisungunhu xin'we kutani a ri boha endzhumbini wa yena wa xinene ehansi ka nkhancu wa yena.