Vaheveru 3:5 - Xitsonga (Bibele)

⁵ Kambe loko a ri Muxe, u tshembekile endlwini ya yena hinkwayo kukotisa nandza, u tivisile vanhu leswi faneleke ku vuriwa;

BIBELE Mahungu Lamanene

⁵ Kutani ke, Muxe a a tshembekile endlwini hinkwayo ya Xikwembu tanihi nandza, leswaku a veka vumbhoni bya swilo leswi a swa ha ta fanela ku vuriwa endzhaku.

Testamente Leyimpsha Xichangana

⁵ Kutani-ke, Moxe aatshembekile ndlwini hinkwayu ya Xikwembu tani hi nandza, lesvaku aveka vumboni bza svilo lesvi asvahatavuliwa masikwini lawa mataka.

Vaheveru 3:5 Referans Kwoze

Tinhlayo 12:7

A hi swona na Muxe, nandza wa mina; u tshembekile endlwini ya mina hinkwayo;

Vaheveru 3:2

a nga Yesu, la tshembiwaka hi la n'wi vekeke, kukotisa Muxe, na yena, a tshembekeke endlwini ya yena hinkwayo.

Eksoda 14:31

Ku va kona Israele a vonaka matimba lamakulu ya Yehovha, lawa a ma kombiseke Vaegipta. Kutani tiko ri chava Yehovha; ri pfumela eka Yehovha ni le ka Muxe, nandza wa yena.

Pisalema 105:26

A rhuma Muxe, nandza wa yena, Na Aroni loyi a nga n'wi hlawula.

Timhaka 28:23

Kuteloko va n'wi vekele siku, va ta eka yena va telenyanile, endlwini leyi a tshameke eka yona. Kutani a va hlamusela ta ku fuma ka Xikwembu, a vula vumbhoni eka vona, a va khorwisa ta Yesu, hi le nawini wa Muxe ni le vaprofeteni, a sungula nimixo ku fikela nimadyambu.

Vaheveru 8:5

va nga lava gandzelaka hi mukhuva wa xifaniso ni ndzhuti wa leswi nga etilweni, hilaha Muxe a lerisiweke hakona, loko a ta endla tabernakela, hileswaku: “Tivonele, u endla hinkwaswo hilaha u kombisiweke hakona, u ri entshaveni.”

1 Timotiya 1:12

Kutani ndzi khensa Hosi ya hina, Yesu Kriste, la nga ndzi tiyisa, hikuva u ndzi ringanisile la tshembekeke, loko a ndzi veke entirhweni, mina loyi ingi ndzi ri musandzi khale, ni muxanisi, ni munhu wa tinhlambha.

Yoxuwa 1:2

“Muxe, nandza wa mina u file; pfuka, u ya pela Yordani loyi, wena, ni tiko hinkwaro leri, mi ta nghena etikweni leri ndzi ri nyikeke vana va Israele.

Duteronoma 34:5

Kavaloko Muxe, nandza wa Xikwembu, a fa kona, etikweni ra Mowabu, hi ku lerisa ka Yehovha.

Vaheveru 9:24

Hikuva Kriste a nga nghenanga evukwetsimelweni lebyi nga endliwa hi mavoko, lexi nga xifaniso xa lebyinene, kambe u nghenile etilweni ra xiviri, ku ya humelela emikarhini leyi emahlweni ka Xikwembu hikwalaho ka hina;

Varhoma 3:21

Kambe sweswi, handle ka nawu, ku lulama ka Xikwembu ku kombisiwa ku nga loku tiyisiwaka hi nawu ni vaprofeta;

Yohane 5:39

“Mi lavisisa Matsalwa, hikuva mi anakanya leswaku mi ta kuma vutomi lebyi nga heriki eka wona; kasi hi wona lama ndzi vulaka.

Luka 24:44

Kutani a ku eka vona: “Hi tona timhaka leti ndzi nga mi byela tona, loko ndza ha ri na n'wina, ndzi ku: Timhaka hinkwato leti ndzi tsariweke ha tona enawini wa Muxe ni le Vaprofeteni, ni le Tipisalemeni, ti fanele ku hetisiwa.”

Luka 24:27

Kutani a sungula hi Muxe ku yisa eka vaprofeta hinkwavo, a ri karhi a va ringanisela hi matsalwa hinkwawo timhaka leti a vuriweke ha tona.

Yoxuwa 8:31

hilaha Muxe nandza wa Yehovha a leriseke vana va Israele hakona, hilaha ku tsariweke hakona ebukwini ya nawu wa Muxe; yi ri alitari ya maribye lama nga vatliwangiki hi nsimbhi. Va humesela Yehovha kona tiholokosta, ni magandzelo ya ku khensa.

1 Vakorinto 4:2

Ntsena leswi laviwaka eka vahlavuteri hileswaku un'wana ni un'wana a kumiwa a ri la tshembekeke.

Timhaka 7:37

Wa ha ri Muxe loyi a nga te eka vana va Israele: ‘Xikwembu xi ta mi humesela muprofeta la fanaka na mina exikarhi ka vamakwenu, n'wi yingiseni.’

Luka 12:42

Hosi yi ku: “Mulanguteri hi wihi lowo tshembeka lo wa vutlhari, yeloyi n'wini wa yena a n'wi vekeke mulanguteri wa malandza ya yena, ku va nyika swakudya hi nkarhi wa swona?

Matewu 25:21

Hosi ya yena yi ku eka yena: ‘Hi swona nandza lonene, la tshembekaka; u tshembekile eswilweni swi nga ri swingani; sweswi, ndzi ta ku veka ehenhla ka leswo tala; nghena eku tsakeni ka Hosi ya wena.’

Matewu 24:45

“Xana i mani nandza lonene, wo tlhariha, loyi Hosi ya yena yi n'wi vekeke mulanguteri wa malandza ya yona ku va nyika swakudya enkarhini wa swona?

Yoxuwa 8:33

Kutani Vaisraele hinkwavo ni vakulukumba va vona, ni tindhuna ta vona, ni vaavanyisi va vona, va yima ematlhelweni mambirhi ya areka, va langutene ni vaprista ni Valevhi lava rhwalaka areka ya ntwanano wa Yehovha; valuveri va ri swin'we ni vanhu va tiko va ri hafu etlhelweni ra ntshava ya Gerizimi, ni hafu etlhelweni ra ntshava ya Ebali, hilaha Muxe, nandza wa Yehovha, a leriseke hakona ku katekisa tiko ra Israele eku sunguleni.

Yoxuwa 1:15

Yehovha a kondza a nyika vamakwenu ku wisa kukotisa n'wina; kutani na vona va ta nghena etikweni leri Yehovha, Xikwembu xa n'wina, a va nyikaka rona ku ri fuma; hi kona mi nga ta tlhelela etikweni leri nga ra n'wina, kutani mi ta ri fuma, ri ri tiko leri Muxe, nandza wa Yehovha, a mi nyikeke rona ehase ka Yordani, evuxeni.”

Yoxuwa 1:7

Tiya mbilu, u tiya swinene, u hiseka ku endla hi nawu hinkwawo lowu Muxe, nandza wa mina a ku leriseke wona; u nga tshuki u hambuka eka wona exineneni, hambi ku ri eximatsini, leswaku u ta kateka eswilweni hinkwaswo leswi u nga ta swi sungula.

Duteronoma 3:24

‘Hosi Yehovha u sungurile ku kombisa nandza wa wela vukulu bya wena, ni matimba ya voko ra wena, hikuva Xikwembu i xihi ematilweni ni le misaveni lexi tivaka ku tirha mitirho ni maendlelo kukotisa ya wena?

Nehemiya 9:14

U va tivisile Savata ra wena leri kwetsimaka; u va vekele ku lerisa, ni switsundzuxo, ni milawu ha Muxe nandza wa wena;

Eksoda 40:16

Kutani Muxe a endla hinkwaswo hilaha Yehovha a nga n'wi lerisa hakona.

Vaheveru 1:1

Xikwembu xi vulavurile khale na vatatana hi mikarhi leyo tala ni mikhuva leyo tala xi vulavula hi vaprofeta;

Vaheveru 3:4

Hikuva yindlu yin'wana ni yin'wana yi akiwile hi muaki; kutani la akeke swilo hinkwaswo i Xikwembu.

Nhlavutelo 15:3

Va yimbelela risimu ra Muxe, nandza wa Xikwembu, ni risimu ra Xinyimpfana, va ku: “Hi leyikulu, ya hlamarisa, mitirho ya wena, Hosi, Xikwembu xa matimba hinkwawo! Oho! Hosi ya matiko, tindlela ta wena ti lulamile ti tshembekile swonghasi!