Vaheveru 3:12 - Xitsonga (Bibele)

¹² Tivoneleni, vamakwerhu, leswaku ku nga tshuki ku va na un'we exikarhi ka n'wina loyi mbilu ya yena yi nga leyo biha, yi tiarisaka, yi fularhela Xikwembu lexi hanyaka,

BIBELE Mahungu Lamanene

¹² Vamakwerhu, tivoneleni leswaku ku nga vi na un'we exikarhi ka n'wina la nga ni mbilu yo biha, leyi nga riki na ku pfumela, kutani a hambukela kule ni Xikwembu lexi hanyaka.

Testamente Leyimpsha Xichangana

¹² Vamakwerhu, tivoneleni lesvaku kungavi na mun'we xikarhi ka n'wina lweyi anga ni mbilu leyobiha, leyingaliki na kupfumela, kutani ahambukela kule ni Xikwembu lexihanyaka.

Vaheveru 3:12 Referans Kwoze

Yeremiya 17:5

Yehovha a ku: “Ku rhuketeriwe munhu la titshembelaka munhu, la endlaka nyama matimba ya yena, loyi mbilu ya yena yi fularheleke Yehovha.

Yeremiya 7:24

Kambe a va yingisanga, ni loko ku ri ku rhiya tindleve; kambe va tifambela hi makungu ya vona ni le ku tinonon'hwiseni ka timbilu ta vona leto biha, kutani va tlhelele endzhaku, a va yanga emahlweni.

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

Yeremiya 18:12

Kambe va ku: ‘A swi pfuni! Hi ta famba hi ku tirhandzela ka hina, leswaku un'wana ni un'wana a endla hi ku nonon'hwa ka mbilu ya yena leyo biha.’

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

1 Vakorinto 10:12

Hikwalaho, la ringanisaka leswaku wa ha yimile, a a tivonele leswaku a nga ti wa.

Vaheveru 10:38

Kambe la lulameke u ta hanya hi ku pfumela, kambe kungakuloko a tlhelela endzhaku, moya wa mina a wa ha n'wi tsakeri.”

Yeremiya 11:8

Kambe a va yingisanga a va rhiyanga tindleve, kambe a va ri karhi va famba un'wana ni un'wana eku tinonon'hwiseni ka mbilu ya yena, ku va laha ndzi va humeselaka marito hinkwawo ya ntwanano lowu ndzi nga va lerisa leswaku va wu hlayisa, kambe a va wu hlayisanga.’ ”

Vaheveru 12:15

mi tilangutela leswaku ku nga tshuki ku va na un'we la titsonaka tintswalo ta Xikwembu, rimitsu ro bava ri nga tshuki ri mi hlukela, ri mi pfilunganya, kutani lavo tala va onhaka ha rona.

Yeremiya 16:12

Kambe n'wina mi endla mitirho leyo biha ku tlula vatata wa n'wina; kutani mi famba un'wana ni un'wana eku tinonon'hwiseni ka mbilu leyo biha ya yena, leswaku mi nga ti ndzi yingisa.

Vaheveru 3:10

Hikwalaho ndzi nga karihela rixaka lero, ndzi ku: ‘Timbilu ta vona ti hambukile hi masiku, valavo a va tivangi tindlela ta mina.’

Marka 13:33

“Tivoneleni, mi hiteka, mi va mi khongela, hikuva a mi tivi leswaku nkarhi wu ta va rini.

Matewu 24:4

Yesu a va hlamula, a ku: “Tilanguteleni, mi nga ti tshuka mi xisiwa hi munhu.

Yeremiya 3:17

Emikarhini yoleyo va ta vula leswaku Yerusalema, i xiluvelo xa Yehovha; matiko hinkwawo ma ta hlengeletana eYerusalema, hi vito ra Yehovha, kutani a va nga ha rhambi hi ku nonon'hwa ka timbilu ta vona.

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Swivuriso 1:32

Hikuva ku hambuka ka varivali ka va dlaya, Kutani ku tsaka ka varihuhe ka va lovisa.

Marka 13:9

“Kambe n'wina, tilanguteleni; hikuva va ta mi yisa etihubyeni ni le masinagogeni; mi ta biwa, mi yimisiwa emahlweni ka tindhuna ni tihosi hikwalaho ka mina, mi va timbhoni eka vona.

Hosiya 1:2

Siku Yehovha a sungulaka ku vulavula na Hosiya, a ku eka yena: “Famba, u ya titekela nsati wa vuoswi ni vana va vuoswi; hikuva tiko hinkwaro ri ni vuoswi, ri sukele Yehovha.”

1 Vatesalonika 1:9

Hikuva vanhu va rungula maenghenelo ya hina eka rikwenu, ni hilaha mi nga hundzukela hakona eka Xikwembu, mi fularhela swifaniso ku tirhela Xikwembu lexi hanyaka, xa ntiyiso;

Pisalema 18:21

Hikuva ndzi hlayisile tindlela ta Yehovha, A ndzi hundzukelangi Xikwembu xa mina.

Ntirho 22:17

A va ku eka Xikwembu: ‘Tshinela kule! Xana Lowa matimba hinkwawo a nga hi endlela yini xana?’

Varhoma 11:21

Hikuva, leswi Xikwembu xi nga tsetselelangiki marhavi ya xiviri, xi nga ka xi nga ku tsetseleri, na wena.

Luka 21:8

Kutani a ku: “Tivoneni leswaku mi nga tshuki mi xisiwa, hikuva lavo tala va ta ta hi vito ra mina, un'wana ni un'wana a ku: ‘Hi mina Kriste; nkarhi wu kusuhi,’ kambe mi nga va landzi.

Marka 13:23

Loko mi ri n'wina tilanguteleni; vonani, ndzi mi byerile hinkwaswo eku sunguleni.

Matewu 16:16

Kutani Simoni Petro a angula, a ku: “U Kriste, N'wana wa Xikwembu lexi hanyaka.”

Ntirho 21:14

Hambiswiritano, va ku eka Xikwembu: ‘Suka eka hina, A hi rhandzi ku tiva tindlela ta wena.

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

Esaya 59:13

Hi tiarisile hi va hi hemba mavunwa eka Yehovha, hi hundzukele Xikwembu xa hina hi vulavurile swa ku pfukela van'wana matimba, ni ku tiarisa; hi ehleketile ni ku vula etimbilwini ta hina marito ya mavunwa.

Vakolosa 2:8

Tilanguteleni leswaku munhu a nga tshuki a mi koka hi filosofi ni mavunwa ya swahava, hi ku landzelela mikhuva ya vanhu ni timhaka to rhanga ta misava, ku nga ri ha Kriste.

Vaheveru 3:1

Hikwalaho, vamakwerhu lavo kwetsima, mi nga ni ku vitaniwa ka le tilweni, xiyani swinene la nga muapostola ni muprista lonkulu wa ku pfumela ka hina,

Vaheveru 3:19

Kutani ha swi vona leswaku swi va tsandzile ku nghena, hikwalaho ka leswi va nga pfumelangiki.

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

Vaheveru 10:31

I mhaka leyi chavisaka ku wela emavokweni ya Xikwembu lexi hanyaka.

Vaheveru 12:22

Kambe mi tile entshaveni ya Siyoni, emutini wa Xikwembu lexi hanyaka, eYerusalema, wa le tilweni, ni le madzaneni ya madzana ya tintsumi,

Ezekiele 14:5

leswaku ndzi phasa hi timbilu ta vona va yindlu ya Israele lava ndzi fularheleke ku ya eka swikwembu swa vona.