Vaheveru 2:4 - Xitsonga (Bibele)

⁴ Xikwembu xi ri karhi xi tiyisa vumbhoni bya vona hi swikombiso leswa masingita, ni mitirho leyo tala ya matimba; xi ri karhi xi va avela Moya lowo Kwetsima, hilaha xi swi rhandzaka hakona.

BIBELE Mahungu Lamanene

⁴ Xikwembu na xona a xi ri karhi xi tiyisa vumbhoni bya kona hi ku endla swikombiso ni swihlamariso ni mahlori ya tinxaka-xaka, ni ku avela tinyiko ta Moya lowo Kwetsima hi ku rhandza ka xona.

Testamente Leyimpsha Xichangana

⁴ Xikwembu na xona axilikarhi xitiyisa vumboni bzakona hi kuyendla svikombiso ni svihlamaliso ni mahlori ya tinxakaxaka, ni kuyavela tinyiko ta Moya Lowokwetsima hi kurhandza ka xona.

Vaheveru 2:4 Referans Kwoze

Timhaka 14:3

Hambiswiritano, va xwa kona masiku layo tala, va vulavula va tshembile Hosi; kambe a yi ri karhi yi tiyisa rito ra tintswalo ta yona hi ku endla swikombiso ni masingita hi mavoko ya vona.

Vaefesa 1:5

hikuva hi rirhandzu ra xona xi hi hlawurile khale ku hi endla vana va xona ha Yesu Kriste hi ku tirhandzela ka vunene bya xona,

Marka 16:20

Loko va ri vona, va suka, va ya dyondzisa hinkwako, Hosi yi ri karhi yi tirha na vona, yi tiyisa rito hi masingita lawa ingi ma heleketa rona.

Yohane 4:48

Yesu a ku eka yena: “Loko mi nga voni mahlori ni masingita, a mi pfumeri.”

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Yohane 15:26

“Kutakuloko ku fika Muchaveleri, loyi ndzi nga ta n'wi rhuma eka n'wina, a huma eka Tatana, wu nga Moya wa ntiyiso, lowu humaka eka Tatana, hi yena la nga ta vula vumbhoni bya mina;

Vaefesa 1:9

xi hi tivisile xihundla xa ku rhandza ka xona, hi ku tirhandzela ka xona, hilaha xi nga tikanelela hakona,

Timhaka 4:10

tivani n'wina hinkwenu, ni hinkwavo va tiko ra Israele, leswaku munhu loyi a yimeke emahlweni ka n'wina, u hanyisiwile hi vito ra Yesu Kriste wa Nazareta la vambiweke hi n'wina, kambe Xikwembu xi n'wi pfuxile eku feni.

Marka 6:14

Kute hosi Heroda, loko a twile timhaka ta Yesu (hikuva vito ra yena a ri twakala ngopfu), a ku: “I Yohane Mukhuvuri u pfukile eku feni”; hikwalaho a nga ni matimba ya ku endla masingita.

Timhaka 5:32

Kutani hina hi timbhoni ta timhaka leti, hina na wona Moya lowo Kwetsima, lowu Xikwembu xi wu nyikeke lava xi yingisaka.”

Vaefesa 4:7

Kambe tintswalo ti nyikiwile un'wana ni un'wana wa hina hi mpimo wa ku nyika ka Kriste,

Vaheveru 6:4

Hikuva swi nga ka swi nga endleki leswaku lava nga voningiwa kan'we, lava nantsweke ku ha ka le tilweni, lava averiweke Moya lowo Kwetsima,