Vaheveru 2:13 - Xitsonga (Bibele)

¹³ Na swona, u ri: Ndzi ta va loyi a ku tshembaka.” Na swona: “Hi mina loyi, ni vana lava Xikwembu xi ndzi nyikeke vona.” Na swona, u ri: Ndzi ta va loyi a ku tshembaka.”

BIBELE Mahungu Lamanene

¹³ A engeta a ku: “Ndzi ta veka ku tshemba ka mina eka xona.” Nakambe a ku: “Hi mina loyi, kun'we ni vana lava Xikwembu xi ndzi nyikeke vona.”

Testamente Leyimpsha Xichangana

¹³ Atlhela aku: “Nitaveka kutshemba ka mina ka xona.” Nasvona aku: “Hi mina lweyi, svin'we nivana lava Xikwembu xininyikeke vona.”

Vaheveru 2:13 Referans Kwoze

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

1 Vakorinto 4:15

Hikuva, hambi mi nga va ni vadyondzisi va dzana ra madzana eka Kriste, vatata wa n'wina a va talanga; hikuva hi mina loyi ndzi mi tswaleke eka Yesu Kriste hi Evhangeli.

Yohane 10:29

Tatana la ndzi nyikeke tona, i nkulu eka hinkwavo; kutani a ku na munhu la nga ti vutlaka evokweni ra Tatana.

Pisalema 91:2

Ndzi ku eka Yehovha: “U xichavelo ni khokholo ra mina, U Xikwembu xa mina, lexi ndzi xi tshembaka!”

Genesa 48:9

Yosefa a hlamula a ku eka tata wa yena: “I vana va mina, valavo Xikwembu xi ndzi nyikeke vona kwala.” Yakobo a ku eka yena: “Wa nga va neha eka mina, ndzi va katekisa.”

Pisalema 18:2

Oho Yehovha! Ribye ra mina, ni khokholo ra mina, ni mulweri wa mina! Oho Xikwembu xanga! Ribye ra mina leri ndzi chavelaka eka rona! Xitlhangu xa mina, ni matimba lama ndzi ponisaka, ni xichavelo xa mina!

2 SAMIELE 22:3

Oho! Xikwembu xa mina, ribye ra mina leri ndzi chavelaka eka rona, Xitlhangu xa mina, ni matimba lawa ndzi hlayisekaka ha wona, Ni khokholo leri tlakukeke ra mina, ni xichavelo xa mina! Muponisi wanga! U ndzi sirhelela eka lava ndzi endlaka hi matimba.

Genesa 33:5

Kutani a tlakusa mahlo, a vona vavasati ni vana, a ku: “I va mani volavo u nga na vona la?” Yakobo a ku: “I vana lava Xikwembu xi pfuneke nandza wa wena ha vona.”

Pisalema 127:3

Vonani, vana va xinuna, i ndzhaka ya Yehovha! Mbhandzu wa khwiri i hakelo.

Pisalema 16:1

Ndzi hlayise, Xikwembu, hikuva ndzi chavele ka wena.

Matewu 27:43

U tshembile Xikwembu; a xi n'wi lwele sweswi, loko xi n'wi tsakela, hikuva u te: ‘Ndzi N'wana wa Xikwembu.’ ”

Esaya 53:10

Xikwembu xi rhandzile ku n'wi tshova hi vuvabyi; loko a ta va a endlile vutomi bya yena mhamba ya swidyoho, u ta vona vatukulu, u ta lehisa masiku ya yena, kutani ntirho wa Yehovha wu ta kateka emavokweni ya yena.