Vaheveru 13:9 - Xitsonga (Bibele)

⁹ Mi nga hambukisiwi hi tidyondzo leti hambaneke ta le handle; hikuva swi sasekile loko mbilu yi tiyisiwa hi tintswalo, ku nga ri hi swakudya leswi nga pfuniki nchumu eka lava swi tshembeke.

BIBELE Mahungu Lamanene

⁹ Mi nga kanganyisiwi hi tidyondzo ta tinxaka-xaka leti nga tivikaniki. Swi lulamile loko mbilu yi tiyisiwa hi tintswalo ta Xikwembu, ku nga ri hi milawu hi tlhelo ra swakudya, leyi nga pfuniki nchumu eka lava va yi landzelelaka.

Testamente Leyimpsha Xichangana

⁹ Mingakanganyisiweni hi tijondzo ta tinxakaxaka letingatwisisekiki. Svilulamile loko mbilu yitiyisiwa hi timpsalu ta Xikwembu, kungali hi milawu hi tlhelo ra svakuja, lesvingapfuniki nchumu ka lava vasvilandzelelaka.

Vaheveru 13:9 Referans Kwoze

Vaefesa 4:14

hileswaku hi nga ha ti tshama hi va swihlangi leswi nga ni ku kanakana ni ku tsekatsekisiwa hi mheho yihi ni yihi ya dyondzo, hi ku dyelela ka vanhu, ni mano ya vona yo hambukisa hi mavunwa;

Vaefesa 5:6

Munhu a nga tshuki a mi kanganyisa hi ku vulavula ka swahava, hikuva hikwalaho ka swona leswo, ku kariha ka Xikwembu ku ta ta ehenhla ka vanhu lava nga pfumeriki.

Varhoma 14:6

La hlawulaka siku, u ri hlawulela Hosi. La dyaka hinkwaswo, u dya hikwalaho ka Hosi, hikuva u khensa Xikwembu; na yena la nga dyiki hinkwaswo, a nga dyi hikwalaho ka Hosi, kutani a khensa Xikwembu ha swona.

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

Timhaka 20:30

ni leswaku ku ta pfuka exikarhi ka n'wina vanhu lava nga ta vula timhaka leto homboloka, ku tikokela vadyondzisiwa.

Yuda 1:12

Valavo i swivati emikhubyeni ya n'wina ya rirhandzu, loko va ri karhi va dya na n'wina, va nga chavi nchumu loko va tixurhisa. I mapapa lama nga riki na mpfula, lama yisiwaka hala ni hala hi mheho; i mirhi leyi hlanhliweke hi vuxika, leyi nga velekiki, leyi feke kambirhi, leyi tsuvuriweke.

1 Timotiya 6:20

Oho, Timotiya! Hlayisa lexi u nga vekeriwa xona, u tshinela ekule ni marito ya swahava, ni ya ku sandza, ni vukaneti bya vutivi, lebyi vuriwaka vutivi hi ku hemba,

Yuda 1:3

Varhandziwa, loko ndzi ri karhi ndzi chivirikela ku mi tsalela timhaka ta ku hlayiseka loku hi ku averiweke swin'we, a swi ndzi fanerile ku mi tsalela leswaku ndzi mi khongotela, ndzi ku: Mi lwela ku pfumela loku vakwetsimi va ku nyikiweke kan'we.

2 Vatesalonika 2:17

a a ve yena la chavelelaka timbilu ta n'wina, a va a mi tiyisa emitirhweni hinkwayo leyo saseka, ni le dyondzweni hinkwayo leyo lulama.

Matewu 24:24

Hikuva ku ta humelela lava tivulaka Kriste hi vunwa, kambe vaprofeta va mavunwa va ta endla masingita lamakulu, ni mahlori lama nga ta hambukisa na vona vahlawuriwa, loko swi nga koteka.

Matewu 24:4

Yesu a va hlamula, a ku: “Tilanguteleni, mi nga ti tshuka mi xisiwa hi munhu.

Vakolosa 2:4

Ndzi mi byela swona, leswaku munhu a nga tshuki a mi kanganyisa hi ku vulavula loku dyelelaka.

2 Vakorinto 1:21

Kutani la hi tiyisaka na n'wina eka Kriste,

1 Vakorinto 8:8

Kambe swakudya a hi swilo leswi hi nga tsakisaka Xikwembu ha swona; hikuva hambiloko hi dya, a hi engeteriwi nchumu; ni loko hi nga dyi, a hi pfumari nchumu.

Varhoma 14:17

Hikuva ku fuma ka Xikwembu a hi ku dya ni ku nwa; kambe i ku lulama, ni ku rhula, ni ku tsaka hi Moya lowo Kwetsima.

Varhoma 14:2

Hikuva un'wana u ri a nga dya swilo hinkwaswo, kasi un'wana la tsaneke u dya matsavu ntsena:

Timhaka 20:32

“Kutani sweswi, ndzi mi veka eka Xikwembu ni ka rito ra tintswalo ta xona, lexi nga ni matimba ya ku mi akisa, ni ku mi nyika ndzhaka swin'we ni vakwetsimi hinkwavo.

2 Vatesalonika 2:2

ha mi khongelela, vamakwerhu, leswaku mi nga hatlisi mi tsekatsekisiwa etimbilwini ta n'wina, ni ku tshuka hambi hi moya, hambi hi marito man'wana, hambi hi epistola yin'wana leyi nga vuriwaka leswaku yi huma eka hina swange hi loko siku ra Kriste ri ri ekusuhi;

1 Vakorinto 6:13

“Swakudya, i swa khwiri, kutani khwiri i ra swakudya”; kambe Xikwembu xi ta herisa swona na rona.

Vagalatiya 6:1

Vamakwerhu, kungakuloko munhu a kumiwa enandzwini, n'wina va Moya, n'wi pfuxeni hi moya wa ku olova; kutani wena u tilangutela leswaku u nga ringiwi, na wena.

Pisalema 112:8

Mbilu ya yena yi tiyile swinene, a nga chavi nchumu, Mahlo ya yena ma ko ma tsakisiwa hi valala va yena.

Luka 5:38

Kumbe vhinyo leyintshwa yi cheriwa eminkwameni leyintshwa kutani yi hlayisana swin'we na yona.