Vaheveru 13:5 - Xitsonga (Bibele)

⁵ Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

BIBELE Mahungu Lamanene

⁵ Mi nga fumiwi hi mali eku hanyeni ka n'wina, kutani mi kolwa hi leswi mi nga na swona, hikuva Xikwembu xi te: “Ndzi nga ka ndzi nga ku tshiki, kumbe ku ku cukumeta, ni siku ni rin'we.”

Testamente Leyimpsha Xichangana

⁵ Mingafumiweni hi male kuhanyeni ka n'wina kambe tsakani hi lesvi minga na svona, hikuva Xikwembu xite: “Ningakala ningakutshiki, kumbe kukucukumeta, ni siku ni rin'we.”

Vaheveru 13:5 Referans Kwoze

Duteronoma 31:8

Yehovha u ta famba emahlweni ka wena, u ta va na wena; a nga ka a nga ku tshiki, a nga ka a nga ku siyi; u nga chavi, u nga heli mbilu.”

Yoxuwa 1:5

A ku na munhu la nga ta tiya ku yima emahlweni ka wena hi masiku hinkwawo ya vutomi bya wena; hilaha ndzi byeleke Muxe hakona, ndzi ta va na wena, ndzi nga ka ndzi nga ku tshiki, ndzi nga ka ndzi nga ku siyi.

Duteronoma 31:6

Tiyisani mbilu, mi tiya! Mi nga chaveni, kambe mi nga chavisiwi hi vona, hikuva Yehovha, Xikwembu xa wena, a famba emahlweni ka wena, a nga ka a nga ku siyi, a nga ka a nga ku tshiki.”

1 SAMIELE 12:22

Hikuva Yehovha a nga ka a nga tshiki tiko ra yena hikwalaho ka vito ra yena lerikulu, hi leswi Yehovha a titsakeleke ku mi endla tiko ra yena.

Esaya 41:17

Swisiwana ni vapfumari va lava mati va nga ma kumi, ririmi ra vona ri omile hi torha. Mina Yehovha, ndzi ta va yingisa, mina Xikwembu xa Israele ndzi nga ka ndzi nga va tshiki.

1 TIKRONIKA 28:20

Davhida a engeta a ku eka Solomoni, n'wana wa yena: “Tiya mbilu u tiya, u endla hakona! U nga chavi, u nga heli mbilu, hikuva Yehovha, Xikwembu, Xikwembu xa mina, u ta va na wena, a nga ka a nga ku tshiki, a nga ka a nga ku rivali, mitirho hinkwayo ya ntirho wa yindlu ya Yehovha yi ko yi hela.

Pisalema 37:25

A ndzi ri lontshwa, kutani ndzi dyuharile, Kambe a ndzi vonanga la lulameke a tshikiwa, Ni vana va yena va kombele vuswa bya vona.

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Genesa 28:15

Kutani waswivo, ndzi na wena, ndzi ta ku hlayisa hinkwako laha u yaka kona, ndzi va ndzi ku tlherisela etikweni leri; hikuva ndzi nga ka ndzi nga ku tshiki ndzi nga si endlisisa leswi ndzi ku byeleke swona.”

Matewu 6:25

“Hilaha ndzi nge eka n'wina: Mi nga tshuki mi kanakana hi swa vutomi bya n'wina, leswi mi nga ta dya, ni ku nwa, hambi swi ri swa miri wa n'wina, leswi mi nga ta swi funengela. Xana vutomi a byi tluri swakudya-ke? Ni miri, a wu tluri swa ku funengela-ke?

Pisalema 37:28

Hikuva Yehovha u rhandza ku lulama, A nga ka a nga tshiki lava n'wi rhandzaka, Va hlayisiwa hi masiku. Kambe vana va lavo biha va ta herisiwa.

Matewu 6:34

“Hikwalaho-ke, mi nga tshuki mi kanakana hi swa mundzuku, hikuva mundzuku wu ta tikarhatela swa wona. Ku karhateka ka siku rin'wana ni rin'wana ku ringene rona.

Vakolosa 3:5

Dlayani hakona swirho swa n'wina swa la emisaveni, hileswaku vuoswi, ni vumbhisa, ni ku tiyingisa ka tingana, ni ku navela leswo biha, ni ku navela rifuwo loku ku nga ku tirhela swikwembu swahava;

Luka 3:14

Masocha na wona ma n'wi vutisa ma ku: “Na hina, hi ta endla yini?” A ku eka vona: “Mi nga tshuki mi endla vanhu hi matimba, ni loko ku ri ku va xisa, kambe mi khensa hakelo ya n'wina.”

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Pisalema 119:36

Kokela mbilu ya mina leswaku yi yingisa ku tsundzuxa ka wena, Ku nga ri leswaku yi rhandza ku fuwa.

2 Petro 2:14

Mahlo ya vona ma tele vuoswi a ma rhuteri ku dyoha; va rhiya mimoya leyi tsekatsekaka, va ni timbilu leti tlharihelaka makwanga, i vana va ndzhukano.

1 Timotiya 3:3

a nga vi munhu la tinyiketaka vhinyo ni la lwaka, kambe a a ve munhu wa musa, la nga rhandziki timholovo, la nga naveriki mali,

Vaefesa 5:5

hikuva ma swi tiva leswaku muoswi, hambi yi ri mbhisa, ni la rhandzaka rifuwo, a nga munhu la tirhelaka swikwembu swahava, a nga ka a nga vi na ku averiwa eku fumeni ka Kriste ni Xikwembu.

2 Petro 2:3

kutani leswi va navelaka ku fuwa, va ta bindzula ha n'wina hi ku vulavula loku kanganyisaka, volavo, ku avanyisa ka vona ka khale ku nga lolohiki, ni ku lova ka vona ku nga etleriki.

Yeremiya 6:13

“Hikuva va tinyiketile ku navela ka ku fuwa hinkwavo, lontsongo ni lonkulu, muprofeta ni muprista, un'wana ni un'wana va endla e vunwa.

Pisalema 10:3

Hikuva lowo biha u tidzunisa hi ku navela ka mbilu ya yena; Ni khamba ri rhukana, kambe ri sandza Yehovha.

Eksoda 2:21

Kutani Muxe a pfumela ku aka ni munhu loyi, kutani a teka Sipora, n'wana wa yena.

Vaefesa 5:3

Kambe loko byi ri vuoswi ni vumbhisa hinkwabyo, ni ku navela ka ku fuwa, swi nga tshuki swi vuriwa ni mavito ya swona exikarhi ka n'wina hilaha swi fanelaka vakwetsimi,

1 Vakorinto 5:11

Kambe sweswi, ndzi mi tsalela leswaku mi nga tshuki mi tolovelana ni la tivulaka makwenu, kambe a ri muoswi, kumbe la navelaka rifuwo, ni loko a ri la gandzelaka swikwembu swahava, ni loko a ri mulumbeti, kumbe mupyopyi, kumbe khamba; mi nga tshuki mi dya ni lowo tano.

Luka 8:14

Leswi weleke emitweni, hi lava yingiseke rito, kambe va famba, va ri tshika ri funengetiwa hi ku vilela, ni ku rhandza ku fuwa, ni ku titsakela ka vutomi lebyi, kutani va nga ha veki mihandzu leyi vupfaka.

Marka 7:22

ni ku yiva, ni ku navela rifuwo, ni lunya, ni ku xisa, ni ku titshika, ni mahlo layo biha, ni xisandzu, ni ku tikurisa, ni vuhunguki.

Eksoda 20:17

“U nga tshuki u navela yindlu ya warikwenu, u nga tshuki u navela nsati wa yena, hambi a ri nandza wa yena wa wanuna, kumbe wa wansati hambi yi ri homu ya yena, hambi yi ri mbhongolo ya yena, hambi xi ri xilo xin'wana xa warikwenu.”

Yuda 1:11

Va ni khombo, hikuva va fambile hi ndlela ya Kayini, kutani va hambukile hi ku tsutsumela hakelo kukotisa Balaama, kutani va tilovisile hi ku kaneta loku kotisaka ka Kora.

1 Vakorinto 6:10

Mi nga tshuki mi lahleka: Loko va ri va thyaka, ni lava gandzelaka swifaniso, ni vaoswi, ni swipombolo, ni loko va ri va Sodoma, ni vayivi, ni lava navelaka rifuwo, ni vapyopyi, ni lava hlevaka van'wana, ni lava dyelelaka, lavo tano, va nga ka va nga dyi ndzhaka ya ku fuma ka Xikwembu.

Varhoma 1:29

Va tele ku homboloka hinkwako, ni lunya, ni mona, ni vuciva, ni ku kanganyisa; va tele ku tshohoka, ni ku dlaya, ni ku kanetana, ni ku xisa, ni ku kucetela;

Yoxuwa 7:21

Ndzi vonile exumeni nguvu leyo saseka, ya Xinara, ni madzana mambirhi ya tixikele ta silivhere, ni nsuku lowu vumbiweke wa tixikele ta 50 ta ku tika, ndzi swi naverile, ndzi va ndzi swi teka; kutani waswivo, swi fihliwile emisaveni entsongeni wa mina, kambe mali yi le hansi ka swona.”

Genesa 31:5

“Ndza swi vona leswaku mombo wa tata wa n'wina a wa ha kotisi swa tolo na tolweni, kambe Xikwembu xa tatana a xi ri na mina.

Duteronoma 4:31

Hikuva, Yehovha, Xikwembu xa wena, i Xikwembu xa tintswalo; xi nga ka xi nga ku tshiki, kambe xi nga ka xi nga ku herisi, xi nga ka xi nga rivali ntwanano wa vatata wa wena lowu xi va hlambanyeleke wona.

1 SAMIELE 10:7

Kutakuloko swikombiso leswi swi ku humelela, u ta endla leswi nga ta va emahlweni ka wena, hikuva Xikwembu xi na wena.

1 TIHOSI 6:13

kutani ndzi ta aka exikarhi ka vana va Israele, ndzi nga tshiki tiko ra mina ra Israele.”

1 TIHOSI 8:57

Yehovha, Xikwembu xa hina, a a ve na hina kukotisa leswi ngi a ri ni vatatana; a nga hi tshiki, a nga hi rivali,

Swivuriso 23:4

U nga tikarhati ku hlengeleta rifuwo, Tshika ku anakanya rona.

Esaya 42:16

Ndzi ta fambisa lavo fa mahlo endleleni leyi va nga yi tiviki, ndzi va fambisa emitileni leyi va nga yi tiviki. Emahlweni ka vona ndzi ta hundzula munyama wu va ku vonakala, ni tintshava ti va rivala; hi leswi ndzi nga ta swi endla, ndzi nga ka ndzi nga va fularheli.

Matewu 6:19

“Mi nga tshuki mi tihlengeletela xuma emisaveni, laha tinsumba ni ku kurha swi dyaka kona, ni laha makhamba ma boxaka kona ma yiva.

2 Vakorinto 4:9

ha xanisiwa, kambe a hi cukumetiwi; hi ni gome, kambe a hi lahleki;

Genesa 30:31

Labani a ku eka yena: “Ndzi ta ku nyika yini?” Yakobo a ku: “U nga ka u nga ndzi nyiki nchumu; kambe kungakuloko u rhandza ku ndzi endlela mhaka leyi, ndzi ta tlhela ndzi risa, ndzi hlayisa swifuwana swa wena;