Vaheveru 13:21 - Xitsonga (Bibele)

²¹ a swi xi mi lunghise ku tirha ntirho wun'wana ni wun'wana lowo saseka, mi ta endla ku rhandza ka xona, xi ri karhi xi endla eka n'wina, leswi xi tsakisaka ha Yesu Kriste; ku kwetsima a ku ve eka yena hilaha ku nga heriki.

BIBELE Mahungu Lamanene

²¹ ingi xi nga mi longela hinkwaswo leswinene leswi nga ta mi pfuna ku endla ku rhandza ka xona, xi ri karhi xi tirha eka hina leswi xi swi tsakelaka, ha Yesu Kriste. Eka xona a ku ve ku dzuneka hi masiku ni masiku. Amen!

Testamente Leyimpsha Xichangana

²¹ ingi xingamilongisa hinkwasvu lesvinene lesvingatamipfuna kuyendla kurhandza ka xona, na xili karhi xitirha ka hina lesvi xisvitsakelaka, ha Yesu Kriste. Ka xona akuve kudzuneka hi masiku ni masiku. Amen!

Vaheveru 13:21 Referans Kwoze

Vafilipiya 2:13

hikuva Xikwembu, hi xona lexi tirhaka eka n'wina ku rhandza ni ku endla hi ku tirhandzela ka xona.

2 Vatesalonika 2:17

a a ve yena la chavelelaka timbilu ta n'wina, a va a mi tiyisa emitirhweni hinkwayo leyo saseka, ni le dyondzweni hinkwayo leyo lulama.

Vafilipiya 4:13

Ndzi nga endla hinkwaswo ha Kriste la ndzi haka matimba.

1 Petro 2:5

na n'wina, kukota maribye lama hanyaka, ma akiwa, mi va yindlu ya moya leswaku mi ta va vaprista lavo kwetsima ku ta humesa magandzelo ya moya lama tsakisaka Xikwembu ha Yesu Kriste.

2 Timotiya 4:18

Kambe Hosi yi ta hamba yi ndzi damurhuta emitirhweni hinkwayo leyo biha, yi ndzi hanyisa ku nghena eku fumeni ka yona loku nga etilweni. Ku twala a ku ve ka yena hi mikarhi ni mikarhi! Amen!

Vafilipiya 1:11

mi ri karhi mi veka mihandzu ya ku lulama leyi vekiwaka ha Yesu Kriste, leswaku ku va eku twakaleni ni le ku dzuniseni ka Xikwembu.

2 Vakorinto 9:8

Kambe Xikwembu xi ni matimba ku mi engetelela ku nyika kun'wana ni kun'wana ka tintswalo mi ta kuma leswi mi ringanaka hi masiku ematlhelweni hinkwawo, mi va mi taleriwa hi leswi mi nga ta endla ntirho lowo saseka ha swona, hilaha ku nga tsariwa, va ku:

1 Petro 4:2

leswaku a nga ha hanyeli ku navela ka vanhu, kambe a hanyela ku rhandza ka Xikwembu, emikarhini leyi seleke ya ku hanya enyameni.

Vaheveru 10:36

Hikuva mi fanele ku va ni ku tiyisela leswaku, kutakuloko mi endle ku rhandza ka Xikwembu, mi kuma leswi mi tshembisiweke swona.

1 Vatesalonika 5:23

Xikwembu xa ku rhula a xi mi basise swinene, xi mi endla lava hetisekeke hinkwenu, leswaku hinkwaswo leswi nga eka n'wina, moya, ni mbilu, ni miri, swi hlayiseriwa ku vuya ka Hosi ya hina, Yesu Kriste, swi basile.

Yuda 1:25

eka Xikwembu xi ri xoxe, Muhlayisi wa hina, ha Yesu Kriste, Hosi ya hina, ku ve ku kwetsima, ni vukulu, ni matimba, ni vuhosi, mikarhi hinkwayo yi nga si va kona, ni sweswi, ni ku ya fika emikarhini hinkwayo leyi nga riki na ku hela! Amen.

1 Yohane 2:17

Kambe misava ya hundza, ni ku navela ka yona; kambe la endlaka ku rhandza ka Xikwembu, u tshama hilaha ku nga heriki.

1 Timotiya 1:17

Eka Hosi ya mikarhi, leyi nga riki na ku bola ni ku voniwa, eka Xikwembu xi ri xin'we xa vunene, a ku ve ku chaviwa, ni ku twala hi mikarhi ni mikarhi! Amen!

Vaefesa 2:10

Hikuva hina hi mitirho ya xona, hikuva eka Yesu Kriste, hi vumberiwile mitirho leyinene, leyi Xikwembu xi yi lunghiseke khale leswaku hi ta famba ka yona.

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Nhlavutelo 5:9

Kutani va yimbelela risimu lerintshwa, va ku: “U lulameriwe ku teka buku ni ku lemula ku tiyisa ka yona; hikuva u tlhaviwile, kutani u kutsulele Xikwembu hi ngati ya wena vanhu va tinxaka hinkwato, ni va tindzimi hinkwato, ni va swivongo hinkwaswo, ni va matiko hinkwawo;

1 Yohane 3:22

Kutani lexi hi xi kombelaka, hambi yi ri yini na yini, hi nyikiwa hi xona hikuva hi hlayisa ku lerisa ka xona kutani hi endla leswi xi tsakisaka.

Vaheveru 13:16

Mi nga karhaleni ku endlela vanhu leswinene ni ku hanana, hikuva Xikwembu xi tsakisiwa hi magandzelo layo tano.

1 Timotiya 6:16

a nga yena a ri swakwe la nga riki wa ku fa, la tiakeleke eku vonakaleni laha ku nga tshineleriwiki, loyi ku nga riki na munhu exikarhi ka vanhu la n'wi voneke ni la nga n'wi vonaka; loyi ku chaviwa ni matimba lama nga heriki swi nga eka yena. Amen!

1 Timotiya 5:10

a va ni vumbhoni bya leswaku u ni mitirho leyinene, a wundlile vana va yena, a amukerile vaendzi, ni ku hlantswa milenge ya vakwetsimi, ni ku pfuna lava nga enhlomulweni, ni ku tinyiketa mitirho hinkwayo leyinene.

1 Vatesalonika 3:13

yi va yi tiyisa timbilu ta n'wina, leswaku ti pfumala xisandzu eku kwetsimeni, emahlweni ka Xikwembu, Tata wa hina, eku humeleleni ka Hosi ya hina, Yesu Kriste, ni vakwetsimi va yena hinkwavo.

Vakolosa 4:12

Epafra, warikwenu, ni nandza wa Kriste, wa mi rungula; a karhi a mi lwela hi masiku emikhongelweni ya yena, leswaku mi va lava hetisekeke, ni lava kholwaka eku rhandzeni hinkwako ka Xikwembu.

Vakolosa 3:17

Kutani leswi mi swi endlaka, hambi yi ri yini na yini, hi ku vulavula kumbe hi ku tirha, endlani hinkwaswo hi vito ra Hosi Yesu, mi ri karhi mi khensa ha yena eka Xikwembu Tatana.

Vafilipiya 4:18

Ndzi kumile hinkwaswo, swi ndzi andzele ngopfu; ndzi taleriwe hi ku amukela ha Epafrodito leswi humaka eka n'wina, leswi nga nun'hwela, ni gandzelo leri amukeriwaka hi Xikwembu lexi tsakisiwaka ha rona.

Vaefesa 2:18

hikuva eka yena, havambirhi ka hina hi ni ku tshinela eka Tatana hi Moya wu ri wun'we.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Matewu 6:13

U nga hi yisi emiringweni, kambe u hi lwela eka lowo biha.’

Pisalema 138:8

Yehovha u ta tirha ematshan'weni ya mina ku yisa eku heteleleni. Yehovha! Tintswalo ta wena hi leti nga heriki, U nga tshiki mitirho ya mavoko ya wena!

Nhlavutelo 5:13

Kutani ndzi twa swivumbiwa hinkwaswo swa le tilweni, ni swa la emisaveni, ni leswi nga ehansi ka misava, ni leswi nga elwandle, ni hinkwaswo leswi nga eka swona, swi ku: “Eka loyi a tshameke exiluvelweni, ni ka Xinyimpfana, a ku ve ku khensiwa, ni xichavo, ni ku kwetsima, ni matimba hilaha ku nga heriki!”

Nhlavutelo 4:6

Emahlweni ka xiluvelo, a ku ri ni lwandle ra nghilazi leri fanaka na kristala. Exikarhi ka xiluvelo, ni matlhelo hinkwawo ya xiluvelo, a ku ri ni swivumbiwa leswi hanyaka swa mune, swi ri ni mahlo layo tala emahlweni ni le ndzhaku.

Vaheveru 12:23

ni le nhlengeletanweni ya hinkwavo ni le kerekeni ya mativula lama tsariweke ematilweni ni le ka Xikwembu, muavanyisi wa hinkwavo, ni le ka mimoya ya lava lulameke lava nga hetiseka;

1 Vatesalonika 4:3

hikuva ku rhandza ka Xikwembu hileswaku mi kwetsimisiwa, ni leswaku mi tshika vuoswi,

Vakolosa 3:20

Vana, yingisani vatata wa n'wina, ni vamana wa n'wina etimhakeni hinkwato, hikuva hi swona leswi tsakisaka Hosi.

Vafilipiya 2:11

kutani tindzimi hinkwato ti vula leswaku Yesu Kriste i Hosi, ku ve ku dzuniseni ka Xikwembu Tatana.

Vagalatiya 1:5

eka yena a ku ve ku kwetsima hilaha ku nga heriki. Amen!

Varhoma 11:36

Hikuva swilo hinkwaswo swi hume eka yena, swi kona eka yena, kambe swi endleriwa yena! Ku kwetsima a ku ve eka yena hilaha ku nga heriki! Amen!

2 Petro 3:18

Kambe kulani etintswalweni, ni le ku tiveni ka Yesu Kriste, Hosi ni Muhlayisi wa hina. Ku kwetsima a ku ve eka yena sweswi, ni ku ya fika siku leri nga taka ri nga heri. Amen!

Varhoma 16:27

eka xona xi nga Xikwembu xa vutlhari xi ri xoxe, ku ve ku twala, ha Yesu Kriste, hilaha ku nga heriki! Amen!

Yohane 17:23

mina ndzi va ka vona, wena u va ka mina, va ta hetiseka vun'weni hakunene, misava yi ta tiva leswaku u ndzi rhumile, ni leswaku u va rhandzile kukotisa leswi u ndzi rhandzeke.

Yohane 7:17

Kungakuloko munhu a rhandza ku endla ku rhandza ka Xikwembu, u ta tiva dyondzo ya mina leswaku xana yi huma eka Xikwembu, kumbexana ndzi vulavula ndzi tisungulela swa mina.

Matewu 21:31

Xana eka vona vambirhi, hi wihi la nga endla ku rhandza ka tata wa yena?” Va ku eka yena: “Hi lowo rhanga.” Yesu a ku eka vona: “Kunene ndza mi byela, ndzi ri: Valuvisi ni vavasati va vuoswi va mi rhangela eku fumeni ka Xikwembu.

Matewu 7:21

“A hi hinkwavo lava nge eka mina: Hosi, hosi, lava nga ta nghena eku fumeni ka matilo, kambe ku ta nghena la endlaka ku rhandza ka Tata wa mina la nga ematilweni.

Matewu 12:50

hikuva un'wana ni un'wana la nga ta endla ku rhandza ka Tatana la nga etilweni, hi yena la nga makwerhu, ni makwerhu wa xisati, na manana.”

2 TIKRONIKA 30:12

Voko ra Yehovha ri va kona ni le tikweni ra Yuda ku va nyika mbilu yin'we ku endla hilaha hosi ni tihosana ti leriseke hakona hi rito ra Yehovha.

2 Timotiya 3:17

leswaku munhu wa Xikwembu a ta hetiseka, a ta lunghiseriwa ntirho wun'wana ni wun'wana lowunene.

Vaheveru 12:28

Hikwalaho, leswi hi nga amukela ku fuma loku nga tsekatsekiki, a hi hlayiseni tintswalo leswaku hi tirhela Xikwembu ha tona hi mukhuva lowu xi tsakisaka, hi mafundza ni xichavo.