Vaheveru 13:15 - Xitsonga (Bibele)

¹⁵ Hikwalaho, a hi humeseni hi masiku eka Xikwembu ha Yesu, magandzelo ya ku dzunisa, yi nga mihandzu ya milomu leyi vulaka vito ra yena.

BIBELE Mahungu Lamanene

¹⁵ Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

Testamente Leyimpsha Xichangana

¹⁵ Loko svilitano, ahihumeseni timhamba masiku hinkwawu ha yena Yesu, hidzunisa Xikwembu ha tona, na hili karhi hikhensa vito ra xona hi marito lawa mahumaka milon'weni ya hina.

Vaheveru 13:15 Referans Kwoze

Pisalema 50:14

Humesela Xikwembu ku vonga ri nga gandzelo ra wena, U va u riha ku hlambanya ka wena eka La nge henhlahenhla.

Varhoma 12:1

Vamakwerhu, ndza mi khongotela hi tintswalo ta Xikwembu, leswaku mi nyiketa miri wa n'wina, wu va mhamba leyi hanyaka, leyi kwetsimaka, leyi tsakisaka Xikwembu; hi rona gandzelo leri mi fanelaka.

1 Petro 2:5

na n'wina, kukota maribye lama hanyaka, ma akiwa, mi va yindlu ya moya leswaku mi ta va vaprista lavo kwetsima ku ta humesa magandzelo ya moya lama tsakisaka Xikwembu ha Yesu Kriste.

Hosiya 14:2

Tekani marito, kutani mi tlhelela eka Yehovha mi ku eka yena: “Susa swidyoho hinkwaswo, u hi amukela swinene, kutani hi ta ku tlangela hi magandzelo ya tindzimi ta hina.

Esaya 57:19

Loyi a vekaka ku khensa emilon'wini ya vanhu, a ku: “Ku rhula, ku rhula eka loyi a nga ekule, ni ka loyi a nga ekusuhi! Ndzi ta va hanyisa.

2 TIKRONIKA 33:16

A pfuxa alitari ya Yehovha, a humesa kona magandzelo ya ku khensa ni ya ku dzuna; a byela va Yuda ku tirhela Yehovha, Xikwembu xa Israele.

Pisalema 50:23

La humesaka ku vonga ri va gandzelo, wa ndzi dzunisa, Ni loyi a lulamisaka ndlela ya yena, Ndzi ta n'wi kombisa ku hlayiseka ka Xikwembu.”

Levhitika 7:12

Loko munhu a ri humesa ku kombisa ku khensa ka yena, u ta humesa swin'we ni gandzelo ra ku khensa, swinkwa leswi nga riki na comela, leswi pfuviweke hi mafurha, ni swimbhundzwana leswi nga riki na comela, leswi totiweke hi mafurha, ni swimbundzu swa mapa layo saseka lama katingiweke, lama nga pfuviwa hi mafurha.

Matewu 11:25

Enkarhini wolowo Yesu a vulavula a ku: “Ndza ku dzunisa, Tatana, Hosi ya le tilweni ni ya misava, hikuva timhaka teto u ti fihlele lavo tlhariha ni lava mano, kambe u ti tivisile lavatsongo.

2 TIKRONIKA 7:6

Vaprista va yimile va tirha mitirho ya vona swin'we ni Valevhi, va ri ni timbila leti hlawuleriweke Yehovha, leti hosi Davhida a ti endleke ku dzunisa Yehovha, va ku: “Hikuva tintswalo ta yena hi leti nga heriki”; loko Davhida a dzunisa Yehovha ha tona; vaprista a va yimba tinanga va langutene na vona, kutani Vaisraele hinkwavo a va yimile.

1 Petro 4:11

Loko un'wana a vulavula, a a landze marito ya Xikwembu; loko un'wana a tirha ekerekeni, a a tirhe hi matimba lawa Xikwembu xi n'wi nyikaka, leswaku Xikwembu xi dzunisiwa eka hinkwaswo ha Yesu Kriste, loyi a nga ni ku kwetsima ni matimba, hilaha ku nga heriki. Amen!

Vaefesa 2:18

hikuva eka yena, havambirhi ka hina hi ni ku tshinela eka Tatana hi Moya wu ri wun'we.

Pisalema 118:19

Ndzi pfuleleni tinyangwa ta ku lulama: Ndzi ta nghena, ndzi vonga Yehovha!

Pisalema 18:49

Hikwalaho ndzi ta ku vonga exikarhi ka matiko, oho Yehovha! Ndzi ta yimbelela ku kwetsima ka vito ra wena.

Nehemiya 12:43

Siku rero Vaisraele va tlhava magandzelo lamakulu va tsaka, hikuva Xikwembu a xi va tsakisile hi ku tsaka lokukulu; swi tsandza ni vavasati ni vana a va tsaka; ku tsaka ka Yerusalema, ku twakala kule.

Vaheveru 7:25

Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.

Vakolosa 1:12

Khensani Tatana la nga mi endla lava lulameleke ku va ni ku averiwa endzhakeni ya vakwetsimi eku vonakaleni;

Varhoma 6:19

Ndzi vula hi mukhuva wa vanhu, hikwalaho ka ku tsana ka nyama ya n'wina, ndzi ri: Kukota leswi ingi mi nyiketile swirho swa n'wina ku va makhumbi ya thyaka ni ya ku homboloka, mi yisiwa hakona eku hombolokeni, hi mukhuva wolowo sweswi, nyiketani swirho swa n'wina, ma va makhumbi ya ku lulama, mi fika hakona eku kwetsimeni.

Yohane 10:9

Hi mina nyangwa. Kungakuloko munhu a nghena ha mina, u ta hlayiseka; u ta nghena a va a huma, a kuma madyelo.

Nehemiya 12:40

Mitlawa mimbirhi ya vayimbeleri yi yima emahlweni ka yindlu ya Xikwembu, na mina ndzi yima sweswo, ndzi ri ni ku avanyisa kun'wana ka tihosana.

Ezra 3:11

Kutani va pfumelelana, va dzunisa, va vonga Yehovha, va ku: “Kunene u ni vunene, hikuva nsovo wa yena eka Israele hi lowu nga heriki.” Kutani tiko hinkwaro ri endla huwa leyikulu ku dzunisa Yehovha, hikuva ku sunguriwa masungulo ya yindlu ya Yehovha.

2 TIKRONIKA 29:31

Kutani Hezekiya a vulavula, a ku: “Leswi mi tihlawuleleke Yehovha, tshinelani sweswi, mi tisela yindlu ya Yehovha switlhavelo ni magandzelo ya ku khensa!” Kavaloko nhlengeletano yi tisa switlhavelo ni magandzelo ya ku khensa, kutani hinkwavo lava nga swi rhandza va humesa tiholokosta.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Luka 10:21

Enkarhini wolowo, Yesu a tshukatshuka hi ku tsaka emoyeni wa yena a ku: “Ndza ku dzunisa Tatana, Hosi ya le tilweni ni ya misava, hikuva timhaka leti, u ti fihlele lavo tlhariha ni va mano, kambe u ti pfuletele lavatsongo. Ina, Tatana, swi tano, hikuva u swi rhandzise sweswo.

Pisalema 119:108

Oho Yehovha! Amukela gandzelo leri humaka enon'wini wa mina, U ndzi dyondzisa milawu ya wena!

Yeremiya 33:11

ku ta yingisiwa kona rito ro tsaka, ni rito ra mitsako, ni rito ra muteki, ni rito ra mutekiwa, ni rito ra lava nge: Khensani Yehovha wa mavandla, hikuva Yehovha hi lonene, hikuva tintswalo ta yena hi leti nga heriki! ‘Ku ri loko va neha ku khensa ka vona endlwini ya Yehovha.’ Hikuva ndzi ta vuyisela lava khomiweke va le tikweni leri, va ta kotisa emikarhini yo rhanga, ku vula Yehovha.

Yeremiya 33:18

ni vaprista, va nga Valevhi, va nga ka va nga pfumali munhu emahlweni ka mina la nga ta humesa tiholokosta, ni ku hisa mirhi ya risuna ni tinyiko, ni ku humesa magandzelo hi masiku.”

Vaheveru 12:28

Hikwalaho, leswi hi nga amukela ku fuma loku nga tsekatsekiki, a hi hlayiseni tintswalo leswaku hi tirhela Xikwembu ha tona hi mukhuva lowu xi tsakisaka, hi mafundza ni xichavo.

Tinhlayo 7:62

ni ndzheko wa nsuku wa tixikele ta 10 lowu teleke hi mirhi ya risuna;