Vaheveru 12:9 - Xitsonga (Bibele)

⁹ Swi tsandza ni vatata wa hina va nyama, va hi layile kutani hi va chavile; xana ngopfungopfu hi nga ka hi nga tiveki ehansi ka loyi a nga Tata wa mimoya, kutani hi ta hanya xana?

BIBELE Mahungu Lamanene

⁹ Ehandle ka swona, hi vile ni vatata wa hina va laha misaveni lava a va hi laya, kutani hi va kombile xichavo. Xana a hi nga titsongahati ngopfu ku tlula sweswo eka Tata wa hina emoyeni, leswaku hi hanya xana?

Testamente Leyimpsha Xichangana

⁹ Handle ka svona, hivile ni vatatana va nyama lava avahilaya, kutani hivaxiximile. Xana ahinge titsongahati ngopfu kutlula svosvo ka Tatana wa hina moyeni, lesvaku hihanya xana?

Vaheveru 12:9 Referans Kwoze

Tinhlayo 16:22

Kavaloko va wa ehansi hi mimombo, va ku: “Oho! Xikwembu, Xikwembu xa mimoya ya tinyama hinkwato! Munhu un'we u dyohile, kambe u karihela nhlengeletano hinkwayo!”

Tinhlayo 27:16

“Yehovha, Xikwembu xa mimoya ya tinyama hinkwato a a veke ehenhla ka nhlengeletano wanuna la humaka emahlweni ka vona, ni la nghenaka emahlweni ka vona,

Esaya 42:5

La vulaka sweswo i Yehovha la tumbuluxeke matilo loyi a ma andlaleke, la anekeke misava ni swo mila swa yona, loyi a nyikeke moya eka lava akeke eka yona, ni ku hefemula ka lava fambaka eka yona.

Yohane 3:6

Leswi tswariweke hi nyama, i nyama; kambe leswi tswariweke hi Moya, i Moya.

Ntirho 12:10

Loyi mimoya ya leswi hanyaka hinkwaswo yi nga evokweni ra yena, Ni ku hefemula ka vanhu hinkwavo.

Zakariya 12:1

Vuprofeta bya rito ra Yehovha ehenhla ka Israele: Ku vurile Yehovha la andlaleke matilo, la vangeke misava, la vumbeke moya wa munhu eka yena:

Eksoda 20:12

“Xixima tata wa wena ni mana wa wena, leswaku masiku ya wena ma engeteriwa emisaveni leyi u yi nyikiwaka hi Yehovha, Xikwembu xa wena.

Esaya 38:16

Hosi, vutomi byi kumeka evuneneni bya wena, moya wanga wu kuma ku hanya eka byona; u ta ndzi tiyisa, u va u ndzi hanyisa kambe.

1 Petro 5:6

Hikwalaho titsongahateni ehansi ka voko ra matimba ra Xikwembu, leswaku xi ta mi tlakusa hi nkarhi lowu faneleke;

Yakobo 4:7

Hikwalaho, tivekani ehansi ka Xikwembu; alelani Diyavulosi, kutani u ta suka eka n'wina.

Esaya 57:16

A ndzi rhandzi ku tengisa hi masiku, ni ku hlayisa vukari lebyi nga heriki, mimoya leyi ndzi yi endleke yi nga ti tshuka yi heleriwa hi matimba.

Levhitika 19:3

“ ‘Un'wana ni un'wana a a xixime mana wa yena ni tata wa yena; a a hlayise ni Tisavata ta mina. Hi mina Yehovha, Xikwembu xa n'wina.

Varhoma 9:5

hi vona lava humaka eka vatatana, lava Kriste a humeke eka vona hitlhelo ra nyama, yena la nga ehenhla ka swilo hinkwaswo, Xikwembu lexi vongiwaka hilaha ku nga heriki. Amen!

Swivuriso 30:17

Tihlo ra munhu leri solaka tatana, Leri sandzaka ku yingisa manana, Mawukuwuku ya le nambyeni ma ta ri boxa, Mavondlo ya gama ma ta ri dya.

Duteronoma 27:16

“ ‘A ku rhukaniwe la sandzaka tata wa yena, hambi a ri mana wa yena!’ Kutani tiko hinkwaro ri ta hlamula, ri ku: ‘Amen!’

Eklesiasta 12:7

ni ntshuri wu nga si tlhelela emisaveni laha wu humeke kona, ni moya wu nga si tlhelela eka Xikwembu lexi nyikeke wona.

Yakobo 4:10

Titsongahateni emahlweni ka Hosi, kutani yi ta mi tlakusa.

Malakiya 1:6

“N'wana u chava tata wa yena, ni nandza u chava hosi ya yena. Kambe loko ndzi ri tatana, ku kwihi ku dzunisiwa ka mina xana? Ni loko ndzi ri hosi, ku kwihi ku chaviwa ka mina xana? ku vula Yehovha wa mavandla eka n'wina, vaprista, lava solaka vito ra mina. Kambe mi ri: ‘Hi sandzile vito ra wena ha yini-ke?’

Ezekiele 22:7

Va rhukana vatata wa vona ni vamana wa vona eka wena; wamatiko wa xanisiwa exikarhi ka wena, eka wena, la feleke hi tata wa yena, ni wansati wa noni va kandziyeriwa.

Varhoma 9:3

hikuva, loko ndzi ri mina, ndzi nga rhandza ku va anathema, ndzi hambanyisiwa na Kriste, hikwalaho ka vamakwerhu lava nga rixaka rin'we na mina hi nyama,

Varhoma 1:3

loko xi ringanisa hi n'wana wa xona, Yesu Kriste, Hosi ya hina, la nga huma erixakeni ra Davhida, hitlhelo ra nyama,

Timhaka 2:30

Kambe, leswi ngi a ri muprofeta, ni ku tiva leswaku Xikwembu xi n'wi tshembisile hi ku hlambanya leswaku xi ta tshamisisa exiluvelweni xa yena un'wana wa rixaka ra yena;

Luka 18:2

A ku: “Emutini wun'wana a ku ri ni muavanyisi loyi ngi a nga chavi Xikwembu, ni vanhu a a nga vuri nchumu ha vona.

Luka 18:4

Kambe a ala hi masiku. Kambe ndzhaku a tianakanya, a ku: ‘Hambi ndzi nga chavi Xikwembu, ndzi nga vuri nchumu ha munhu;

Nhlavutelo 22:6

Kutani yi ku eka mina: “Timhaka leti, ti tiyile, i ta ntiyiso; Hosi, Xikwembu xa mimoya ya vaprofeta; xi rhumile ntsumi ya xona yi ta kombisa malandza ya xona leswi nga ta humelela sweswi.

Esaya 45:10

Khombo eka la byelaka tata wa yena: ‘U ndzi velekele yini-ke?’ ni ka mana wa yena: ‘U ndzi tswalele yini-ke?’