Vaheveru 12:29 - Xitsonga (Bibele)

²⁹ Hikuva Xikwembu xa hina, na xona, i ndzilo lowu hisaka.

BIBELE Mahungu Lamanene

²⁹ Hikuva Xikwembu xa hina i ndzilo lowu herisaka.

Testamente Leyimpsha Xichangana

²⁹ Hikuva Xikwembu xa hina i ndzilo lowuhelisaka.

Vaheveru 12:29 Referans Kwoze

Duteronoma 4:24

Hikuva Yehovha, Xikwembu xa wena, i ndzilo lowu pfurhaka, i Xikwembu lexi nga ni rilondzo.

Duteronoma 9:3

Tiva namuntlha leswaku Yehovha, Xikwembu xa wena, u ta hundza a ri yena emahlweni ka wena, a kotisa ndzilo lowu pfurhaka, hi yena la nga ta va heta; a va tsongahata emahlweni ka wena; kutani u ta teka swa vona, u va heta kan'we hilaha Yehovha a ku byeleke hakona.

Vaheveru 10:27

kambe ku ni ku langutela loku chavisaka ka ku avanyisiwa, ni ku kariha ka ndzilo lowu nga ta hisa valala.

2 Vatesalonika 1:8

hi ndzilo lowu pfurhaka, ku rihisa lava nga tiviki Xikwembu, ni lava nga yingisiki Evhangeli ya Yesu Kriste, Hosi ya hina.

Esaya 66:15

Hikuva, waswivo, Yehovha u ta ta ni ndzilo ni golonyi ya yena tanihi xihuhuri, ku halata vukari bya yena, byi va byi pfurha, ni ku chavisa ka yena, ma va malangavi ya ndzilo.

Eksoda 24:17

Kutani xikombiso xa ku kwetsima ka Yehovha enhlohlorhini ya ntshava emahlweni ya vana va Israele a xi fana ni ndzilo lowu dlayaka.

Daniele 7:9

“Ndzo languta ku fikela swiluvelo swi ko swi vekiwa, kutani Nkulukumba wa masiku a tshamisa. Xifunengelo xa yena a xi basile kukotisa gamboko, ni misisi ya yena yi basile kukotisa voya bya nyimpfu leyi hlantswiweke. Xiluvelo xa yena a xi fana ni malangavi ya ndzilo ni masondzo ya xona ma ri tanihi ndzilo lowu pfurhaka.

Pisalema 97:3

Ndzilo wu n'wi rhangele emahlweni, Wu hisa hi matlhelo hinkwawo valala va yena.

Pisalema 50:3

Xikwembu xa hina xa ta, xi nga ka xi nga miyeli; Emahlweni ka xona ku ni ndzilo lowu pfurhaka, Xi rhendzeriwe exikarhi hi xidzedze lexa matimba.

Tinhlayo 16:35

Kutani ndzilo wu huma eka Yehovha, wu heta vanhu va 250, lava humeseleke mirhi ya risuna.

Tinhlayo 11:1

Tiko ri sungula ku n'unun'uta etindleveni ta Yehovha. Kuteloko Yehovha a swi twa, ku kariha ka Yehovha ku pfurha, kutani ndzilo wa Yehovha wu pfurha exikarhi ka vona, wu heta vanhu emakun'wini ya mixaxa.

Eksoda 15:7

Evukulwini bya vuhosi bya wena, U wisile lava nga ku pfukela matimba; U humese ku kariha ka wena, Ku va hisa kukotisa mungu.

2 SAMIELE 22:9

Ku tlhandluka musi, wu huma etinhompfini ta yena, Ni ndzilo lowu lovisaka emilon'wini ya yena; Ku huma eka yona ni makala lama vavamelaka,

Esaya 33:14

Vadyohi va khomiwa hi ku chava le Siyoni, vasandzi va rhurhumela, va ku: “I mani exikarhi ka hina la nga ta tiya, a yima emahlweni ka ndzilo lowu hisaka? I mani la nga ta tiya a yima emahlweni ka malangavi lama nga timekiki?”

Yeremiya 25:37

ni vuako lebyi tshameke hi ku tsaka byi onhiwa, hi ku kariha ka Yehovha.

Ezekiele 38:19

kutani hikwalaho ka rilondzo ra mina, ni ndzilo wa ku kariha ka mina, ndzi tiyisa, ndzi ri: Ku ta va ni ku tsekatseka lokukulu ka misava ya Israele hi siku rero.

2 Vakorinto 5:11

Sweswi, hikwalaho ka ku tiva ku chavisa ka Hosi, hi khongotela vanhu ku pfumela; kutani hi tiviwa hi Xikwembu, kambe ndza tshemba leswaku ha tiviwa ni le timpfalweni ta n'wina.

2 Vatesalonika 1:7

siku Hosi Yesu a vonakalaka, a huma etilweni ni tintsumi ta yena leta matimba,

Vaheveru 10:31

I mhaka leyi chavisaka ku wela emavokweni ya Xikwembu lexi hanyaka.

2 Petro 3:7

Kambe matilo ni misava ya sweswi, swi hlayiseriwa ndzilo hi rito rolero, swi londzovotiwa ku ya fika siku ra ku avanyisa, ni ra ku lova ka vanhu lava nga chaviki Xikwembu.