Vaheveru 12:23 - Xitsonga (Bibele)

²³ ni le nhlengeletanweni ya hinkwavo ni le kerekeni ya mativula lama tsariweke ematilweni ni le ka Xikwembu, muavanyisi wa hinkwavo, ni le ka mimoya ya lava lulameke lava nga hetiseka;

BIBELE Mahungu Lamanene

²³ ni le nhlengeletanweni ya vanhu va mativula lava marito ya vona ma tsariweke etilweni, ni le ka Muavanyisi loyi a nga Xikwembu xa vanhu hinkwavo, ni le ka mimoya ya vanhu lavo lulama lava nyikiweke ku hetiseka;

Testamente Leyimpsha Xichangana

²³ ni le nhlengeletanweni ya vanhu va mativula lava mavito ya vona matsaliweke tilweni, ni le ka Muyavanyisi lweyi anga Xikwembu xa vanhu hinkwavu, ni le ka mimoya ya vanhu lavolulama lavanyikiweke kuhetiseka;

Vaheveru 12:23 Referans Kwoze

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

Vaheveru 11:40

hikuva Xikwembu xi hi lavele xin'wana lexikulu ku tlurisa, leswaku va nga tshuki va hetiseka, hina hi nga ri kona.

Luka 10:20

Hambiswiritano, mi nga tsaki hi leswi mademona ma mi yingisaka; kambe tsakani hikuva mavito ya n'wina ma tsariwile etilweni.”

Nhlavutelo 14:4

Hi lava nga tinyamisangiki hi vavasati, hikuva va tengile; hi lava landzaka Xinyimpfana hinkwako laha xi yaka kona; va kutsuriwile exikarhi ka vanhu leswaku swi va swirhangana eka Xikwembu ni ka Xinyimpfana.

Eksoda 4:22

Kutani u ta ku eka Faro: ‘Yehovha u te: Israele i n'wananga wa mativula,

Genesa 18:25

A swi ve kule na wena ku lovisa la lulameke swin'we ni la hombolokeke, swi va leswaku la lulameke a endliwa leswo nge u hombolokile! A swi ve kule na wena! Loyi a avanyisaka misava hinkwayo, a nga ka a nga avanyisi hi ku lulama xana?”

Nhlavutelo 20:15

Kutani un'wana ni un'wana la nga ka a nga kumiwanga a tsariwile ebukwini ya vutomi, a hoxiwa etiveni ra ndzilo.

Pisalema 94:2

Pfuka Muavanyisi wa misava! U nyika vatikukumuxi hakelo ya vona!

Vaheveru 9:27

Kutani kukotisa loko ku lerisiwe leswaku vanhu hinkwavo va fa kan'we, endzhaku ka swona ku va ku avanyisiwa;

Pisalema 96:13

Emahlweni ka Yehovha! Hikuva wa ta, Wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Nhlavutelo 13:8

Kutani hinkwavo lava akeke emisaveni va ta, va ta xi gandzela, lava mavito ya vona ma nga tsariwangiki ebukwini ya vutomi ya Xinyimpfana lexi tlhaviweke, ka hari mpfhuka misava yi tumbuluka.

1 Petro 2:23

ni loko a rhukaniwa, a nga tlhelangiki a rhukana, hambi a twisiwa ku vaviseka, a nga xungetangiki, kambe a tinyiketa la avanyisaka hi ku lulama;

Vaheveru 11:4

Hi ku pfumela, Avele u humesele Xikwembu magandzelo lama tlulaka ya Kayini, kutani hakona u kumile vumbhoni leswaku u lulamile, Xikwembu xi ri karhi xi vula vumbhoni bya magandzelo ya yena; kambe hakona wa ha vulavula, hambi a file.

1 Timotiya 3:5

hikuva loko munhu a nga tivi ku fuma yindlu ya yena, a nga risisa ku yini Kereke ya Xikwembu?

Vafilipiya 4:3

Na wena, nakulorhi wa xiviri, va pfune; vavasati volavo va tirhele Evhangeli na mina, na Klemento, ni van'wana vatirhikulorhi, valavo mavito ya vona ma tsariweke ebukwini ya vutomi.

Vaefesa 1:22

kutani u vekile hinkwaswo ehansi ka milenge ya yena, a tlhela a n'wi veka ehenhla ka hinkwaswo, ku va nhloko ya Kereke,

Timhaka 20:28

Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

Yohane 5:27

U n'wi nyikile ni matimba ya ku avanyisa, hikuva i N'wana wa Munhu.

Pisalema 98:9

Emahlweni ka Yehovha! Hikuva wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Vakolosa 1:24

Sweswi, ndzi titsakela emaxangwini lama ndzi humelelaka hikwalaho ka n'wina, kutani ndzi hetisa emirini wa mina, leswi seleke swa ku xaniseka ka Kriste, hikwalaho ka miri wa yena yi nga Kereke.

Vakolosa 1:12

Khensani Tatana la nga mi endla lava lulameleke ku va ni ku averiwa endzhakeni ya vakwetsimi eku vonakaleni;

2 Vakorinto 5:8

ndzi ri hi ni ku tshemba loku tiyeke; kutani leswi hi swi rhandzaka, i ku rhurha emirini, hi va ekaya eHosini.

1 Vakorinto 15:54

Kutakuloko ku bola ku funengele leswi nga boriki, ni ku fa, na kona ku funengele leswi nga fiki, hi kona marito lama tsariweke ma nga ta hetiseka, lama nga te: “Rifu ri mitiwile hi ku hlula.”

1 Vakorinto 13:12

Sweswi, hi vona hi xivonivoni, hi ritsandze; enkarhini wolowo hi ta vona hi mahlo lama langutanaka; sweswi ndzi tiva tlhelo rin'wana ntsena; enkarhini wolowo ndzi ta tiva kukota loko ndzi tiviwile na mina.

Yeremiya 31:9

Va ta, va ri karhi va rila; ndzi va fambisa va ri karhi va khongela, ndzi va yisa emilambyeni ya mati, hi ndlela yo lulama leyi va nga tiki khunguvanyeka eka yona; hikuva ndzi ta va tatana eka Israele, Efrayimi a va n'wananga wa mativula.

Eklesiasta 12:7

ni ntshuri wu nga si tlhelela emisaveni laha wu humeke kona, ni moya wu nga si tlhelela eka Xikwembu lexi nyikeke wona.

Pisalema 111:1

Dzunisani Yehovha! Ndzi ta dzunisa Yehovha hi mbilu hinkwayo ya mina, Eku hlanganeni ka valulami ni le nhlengeletanweni.

Pisalema 89:27

Mina ndzi ta n'wi endla mativula ya mina, La tlulaka tihosi hinkwato ta misava.

Pisalema 89:7

Xikwembu xa chavisa enhlengeletanweni leyikulu ya vakwetsimi, Xi chaviwa hi ku tlurisa hi lava xi rhendzeleke.

Pisalema 69:28

A va hlanguriwe ebukwini ya vutomi, Kutani va nga tsariwi swin'we ni lava lulameke!

Duteronoma 21:17

Kambe u ta veka hosi n'wana wa la vengiwaka ku n'wi nyika ku averiwa kambirhi ka hinkwaswo leswi a nga na swona; hikuva hi xona xirhangana xa matimba ya yena; hi yena hosi.

Eksoda 13:2

hinkwaswo leswi tivulaka exikarhi ka vana va Israele, hambi va ri vanhu, hambi swi ri swifuwo, i swa mina.”

Eksoda 32:32

Kambe sweswi, wanga va rivalela ku dyoha ka vona! Loko swi nga ri tano, hlangula vito ra mina ebukwini ya wena leyi u yi tsaleke.

1 Vakorinto 15:49

Kukota leswi hi nga funengela nghohe ya wa misava, hi ta funengerisa sweswo nghohe ya wa le tilweni.

Vaheveru 2:12

loko a ku: “Ndzi ta tivisa vamakwerhu vito ra wena, ndzi ku yimbelelela tinsimu exikarhi ka tinhlengeletano.

Nhlavutelo 6:9

Kuteloko xi lemule ku tivisa ka vuntlhanu, ndzi vona ehansi ka alitari mimoya ya lava dlayeriweke rito ra Xikwembu, ni vumbhoni lebyi va nga byi tiyisa.

Nhlavutelo 6:11

Kutani un'wana ni un'wana a nyikiwa nguvu yo basa leyo leha, va byeriwa leswaku va wisa kambe nkarhinyana, ku ko ku hetiseka ntsengo wa vanakulobye va vona va malandza, ni wa vamakwavo lava nga ta dlawa kukotisa vona.