Vaheveru 12:2 - Xitsonga (Bibele)

² hi ri karhi hi languta eka Yesu, musunguri ni muhetisi wa ku pfumela, la nga tiyela xihambano hikwalaho ka ku tsaka loku a ku vekeriweke, a nga vulanga nchumu hi tingana, kutani u tshamisile exiluvelweni, evokweni ra xinene ra Xikwembu.

BIBELE Mahungu Lamanene

² A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

Testamente Leyimpsha Xichangana

² Ahilanguteni Yesu, musunguli ni muhetisisi wa kupfumela ka hina, lweyi angachavangiki kurhwala xihambanu, angavuli nchumu hi tingana takona, hikolaho ka kutsaka loku kuvekiweke mahlweni ka yena; kutani svosvi atshamile vokweni ra xinene xiluvelweni xa Xikwembu.

Vaheveru 12:2 Referans Kwoze

Mikiya 7:7

Loko ndzi ri mina, ndzi ta languta eka Yehovha, ndzi languta eka Xikwembu xa ku hlayiseka ka mina: Xikwembu xa mina xi ta ndzi yingisa!

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

Vafilipiya 1:6

Ndza tshemba leswaku la sunguleke ntirho lowunene eka n'wina, u ta wu heta ku fikela siku ra Yesu Kriste;

Vaheveru 9:28

hi mukhuva wolowo, na yena Kriste, kuteloko a tiendlile mhamba kan'we ku susa ku dyoha ka lavo tala, a ta humelela ra vumbirhi a nga ha ri na swidyoho, eka lava n'wi languteleke leswaku a va hanyisa.

Yohane 6:40

Hi kona ku rhandza ka loyi a ndzi rhumeke, hileswaku un'wana ni un'wana la langutaka N'wana, a pfumela eka yena, a va ni vutomi lebyi nga heriki; kutani mina ndzi ta n'wi pfuxa hi siku ra makumu.”

1 Petro 3:22

la nga ya etikweni, la nga evokweni ra xinene ra Xikwembu; tintsumi, ni tihosi, ni ku fuma swi ri karhi swi vekiwa ehansi ka yena.

Timhaka 5:31

Hi yena loyi Xikwembu xi nga n'wi tlakusela evokweni ra xona ra xinene leswaku a va yena Hosi ni Muponisi, a ta nyika Israele ku hundzuka ni ku khomeriwa ka swidyoho.

Luka 24:26

Xana a swi nga faneri leswaku Kriste a twisiwa ku vaviseka kuloku, kutani a nghena eku kwetsimeni ka yena xana?”

Esaya 53:3

A soriwa, a tshikiwa hi vanhu, munhu wa mahlomulo, la tivaka maxangu, la soriweke tanihi xilo lexi yilaka, kutani a hi vulanga nchumu ha yena.

Esaya 45:22

Hundzulekani eka mina, mi va mi ponisiwa, n'wina hinkwenu va le emakun'wini ya misava, hikuva ndzi Xikwembu, ku hava xin'wana.

Yuda 1:21

mi tihlayisa erirhandzwini ra Xikwembu, mi ri karhi mi langutela tintswalo ta Hosi ya hina Yesu Kriste, leswaku mi ta hiwa vutomi lebyi nga heriki.

Vaheveru 8:1

Kutani nhloko ya timhaka leti vuriweke hileswaku, hi ni muprista lonkulu lowo tano, la tshamaka evokweni ra xinene ra xiluvelo xa vuhosi le matilweni,

2 Timotiya 4:8

leswi seleke hileswaku harhi ya ku lulama yi ndzi tshamele, leyi Hosi yi nga ta ndzi nyika siku lero, yena a nga muavanyisi lowo lulama; kambe a nga ka a nga nyiki mina ntsena, kambe hinkwavo lava nga ta va va rhandzile ku humelela eka yena.

Vafilipiya 3:20

Kambe muti wa hina wu le matilweni laha hi langutelaka kona Mulondzovoti, a nga Hosi Yesu Kriste,

Marka 14:36

A ku: “Abba, Tatana! Hinkwaswo u nga swi endla; tshineta xinwelo lexi ekule na mina ntsena ku nga endliwi leswi ndzi swi rhandzaka, kambe a ku endliwe leswi rhandziwaka hi wena.”

Esaya 8:17

Ndzi tshembile Yehovha la fihlelaka yindlu ya Yakobo mombo wa yena, ndzi langutela eka yena.

Nhlavutelo 2:8

“Tsalela ni ntsumi ya kereke ya Smirna, u ku: “ ‘Lowo rhanga ni wa le ndzhaku, loyi a nga fa a tlhela a hanya, u vulavula sweswo, u ri:

Vaheveru 13:13

A hi humeni hakona, hi ya eka yena ehandle ka mixaxa, hi ri karhi hi rhwala tingana ta yena.

Vaheveru 5:9

kutani, kuteloko a hetisekile, a va n'wini wa ku kutsula loku nga heriki, eka hinkwavo lava n'wi yingisaka;

Yohane 13:3

Yesu, hi ku tiva leswaku Tata wa yena u vekile hinkwaswo emavokweni ya yena, ni leswaku u humile eka Xikwembu, kutani u ya eka Xikwembu,

Luka 17:5

Kutani vaapostola va ku eka Hosi: “Hi engetele ku pfumela.”

Marka 9:24

Kutani tata wa n'wana a hatlisa a tlakusa rito hi mihloti, a ku: “Ndza pfumela, Hosi! Ndzi pfune eku kanakaneni ka mina!”

Vaheveru 12:3

Loko swi ri tano, tsundzukani la nga tiyela ku kaneta lokonghasi ka vadyohi, leswaku mi nga tshuki mi karhala, ni ku hela timbilu.

Vaefesa 2:16

kutani u vuyisile swin'we eka Xikwembu, hinkwavo havambirhi, ku va endla miri wun'we hi xihambano xa yena, loko a dlayile ku vengana ha xona.

Timhaka 5:41

Kutani vaapostola va suka emahlweni ka huvo, va tsakile hikuva a va endliwile lava fanelaka hi ku xanisiwa hikwalaho ka vito ra Yesu.

Yohane 12:32

Kutani mina, kutakuloko ndzi ta va ndzi tlakusiwile emisaveni, ndzi ta kokela vanhu hinkwavo eka mina.”

Pisalema 138:8

Yehovha u ta tirha ematshan'weni ya mina ku yisa eku heteleleni. Yehovha! Tintswalo ta wena hi leti nga heriki, U nga tshiki mitirho ya mavoko ya wena!

1 Petro 1:11

va ri karhi va kamba xana nkarhi hi wihi, ni lowo yini lowu kombiweke hi Moya wa Kriste, lowu ngi wu ri ka vona, wu ri karhi wu endle vumbhoni bya nhlomulo wa Kriste, ni ku kwetsima loku nga ta wu landzela.

Vaheveru 10:14

Hikuva hi ku humesa mhamba kan'we, u hetisile hilaha ku nga heriki lava basisiweke.

Yohane 12:24

Ndzi vurisile ndzi ri eka n'wina: Kungakuloko ndzhoho ya mavele leyi weleke emisaveni yi nga fi, yi ta tshama yi ri yoxe; kambe loko yi fa, yi ta veka ngopfu.

Yohane 8:56

Abrahama, tata wa n'wina, u tsakele ku vona siku ra mina, kambe u ri vonile, a vuya a tsaka.”

Yohane 1:29

Siku leri tlhandlamaka, Yohane loko a vona Yesu a ta eka yena, a ku: “Vonani Xinyimpfana xa Xikwembu, lexi susaka xidyoho xa misava.

Luka 23:11

Kutani Heroda a n'wi sandza a ri ni tinhenha ta yena, a n'wi tseketsela; kuteloko a n'wi funengetile hi nguvu leyi vangamaka, a n'wi tlherisela eka Pilato.

Matewu 20:28

hilaha N'wana wa Munhu a nga tela ku nga ri ku tirheriwa, kambe ku tirhela, ni ku nyika vutomi bya yena ku kutsula lavo tala.”

Matewu 16:21

Kavaloko Yesu a sungula ku hlamusela vadyondzisiwa va yena leswaku a fanele ku ya Yerusalema, a ya twisiwa ku vaviseka lokukulu hi vakulukumba, ni vaprista lavakulu, ni vatsari, a dlawa, a tlhela a pfuka hi siku ra vunharhu.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Esaya 31:1

Khombo eka lava rilelaka Egipta ku lava ku pfuniwa, va titiyisa hi tihanci, va tshemba tigolonyi, hikuva ti tele va tshemba vakhandziyi va tihanci hikuva va ni matimba kasi a va languti Mukwetsimi wa Israele, a va lavi Yehovha!

Nhlavutelo 1:17

Kuteloko ndzi n'wi vonile, ndzi wela emilengeni ya yena wongi hi loko ndzi file, kutani a veka voko ra yena ra xinene ehenhla ka mina, a ku: “U nga chavi, ndzi Lowo rhanga ni Lowa makumu,

Nhlavutelo 1:11

ri ku: “Leswi u swi vonaka, swi tsale ebukwini, u swi rhumela tikereke ta ntlhanu na timbirhi leti nga eAsiya, le Efesa, ni le Smirna, ni le Pergamo, ni le Tiyatira, ni le Sarda, ni le Filadelfiya, ni le Lawodikiya.”

Vaheveru 7:19

hikuva nawu a wu hetisangi nchumu; kasi ku nghenile ku tshemba loku wu tlurisaka, loku hi tshinelelaka Xikwembu hakona.

Vaheveru 1:13

Kambe hi yihi exikarhi ka tintsumi, xi yi byeleke, ni siku ni rin'we, xi ku: “Tshamisa evokweni ra mina lera xinene, ndzi ko ndzi endla lava nga valala ka wena vunavelo bya mikondzo ya wena.”

Timhaka 2:36

Hikwalaho, yindlu hinkwayo ya Israele yi fanele ku tiva swinene leswaku Xikwembu xi n'wi endle Hosi ni Kriste, Yesu loyi mi n'wi vambeke.”

Marka 9:12

A va hlamula, a ku: “Kunene Eliya, siku a taka, u ta lulamisa hinkwaswo, kambe ku tsarisiwe ku yini ehenhla ka N'wana wa Munhu leswaku a fanele ku twisiwa ku vaviseka lokukulu, a va a soriwa-ke?

Pisalema 110:1

Yehovha u te eka hosi ya mina: “Tshamisa evokweni ra mina ra xinene, Ndzi ko ndzi endla lava nga valala eka wena Vunavelo bya mikondzo ya wena.”

Nhlavutelo 1:8

“Hi mina Alfa na Omega” (ku sungula ni ku hela), ku vula Hosi Xikwembu, Loyi a nga kona, Loyi a a ri kona, Loyi a taka, La nga ni matimba hinkwawo.

Vaheveru 11:36

Van'wana va ringiwile hi ku soriwa, ni ku biwa, ni ku bohiwa, ni khotso.

Vaheveru 10:33

hambi ku ri loko mi khomiwe hi tingana ni ku xanisiwa emahlweni ka vanhu, hambi ku ri loko mi yimile, mi va vanakulobye va lava toloveleke sweswo.

Marka 16:19

Hosi, kuteloko yi vulavurile na vona, yi tekeriwa etilweni, kutani yi ya tshamisa evokweni ra xinene ra Xikwembu.

Timhaka 3:15

Kasi mi dlele Hosi ya vutomi, yeloyi Xikwembu xi n'wi pfuxeke eku feni; kutani na hina hi timbhoni ta swona.

1 Vakorinto 1:18

Hikuva mhaka ya xihambano, i vuhunguki eka lava lovaka; kambe eka hina lava hlayisekaka, i matimba ya Xikwembu.

1 Vakorinto 1:23

kambe loko hi ri hina, hi vula Kriste la vambiweke, loyi xi nga xikhunguvanyiso eka Vayuda, ni vuhunguki eka Vagriki;

Yakobo 2:1

Vamakwerhu, ku pfumela loku mi nga na kona eka Hosi ya hina Yesu Kriste, Hosi ya ku kwetsima, ku nga tshuki ku va ni ku hlawula vanhu hi nghohe ya vona;

Tinhlayo 21:9

Kutani Muxe a endla nyoka ya koporo a yi hayeka emhandzeni kutani kuteloko munhu a lumiwile hi nyoka, a a languta nyoka ya koporo, a hanya.

Marka 15:28

Hi sweswo ku hetiseka tsalwa leri nge: U hlayiwile ni swidyohi.