Vaheveru 12:12 - Xitsonga (Bibele)

¹² Lulamisani hikwalaho, mavoko lama karheleke, ni matsolo lama khwanyaleke;

BIBELE Mahungu Lamanene

¹² Hikokwalaho, tiyisani mavoko ya n'wina lama debyaka, ni matsolo ya n'wina lama gudlaka.

Testamente Leyimpsha Xichangana

¹² Hikolaho, tiyisani mavoko ya n'wina lawa maheleke matimba, ni matsolo ya n'wina lawa mangundlangundlaka.

Vaheveru 12:12 Referans Kwoze

Esaya 35:3

Nyikani mavoko lama tsaneke matimba, mi va mi tiyisa matsolo lama rhekarhekaka!

Vaheveru 12:3

Loko swi ri tano, tsundzukani la nga tiyela ku kaneta lokonghasi ka vadyohi, leswaku mi nga tshuki mi karhala, ni ku hela timbilu.

1 Vatesalonika 5:14

Kambe, vamakwerhu, ha mi khongotela, hi ri: Layani lava nga fambiki hi nawu, mi chavelela lava karheleke timbilu, mi tiyisa lava tsaneke, mi va lehisela mbilu hinkwavo.

Ezekiele 21:7

“N'wana wa munhu rhendzeleta mombo wa wena tlhelo ra Yerusalema, u humesela tlhelo ra xivandla lexo kwetsima rito ra wena, u profetela tiko ra Israele!

Vaheveru 12:5

Kutani mi rivele mikhongotelo leyi vuriwaka eka n'wina kukota loko yi byeriwa vana, leswaku: “N'wananga, u nga soli ku layiwa hi Hosi, u nga heli mbilu loko u tshinyiwa hi yena;

Ezekiele 7:17

Mandla hinkwawo ma ta va ma tsanile, ni matsolo hinkwawo ma ta nyuka.

Nahume 2:10

Ka byisiwa, ka phangiwa, ka onhiwa! Mbilu ya n'oka, matsolo ma gudlagudla, swisuti hinkwaswo swi khomiwe hi ku vaviseka, mimombo hinkwayo yi ondzile!

Daniele 5:6

Kavaloko mombo wa hosi wu hundzuka vala kutani miehleketo ya yona yi yi rhurhumerisa; masenge ya xisuti xa yona ma lungalunga, ni matsolo ya yena ma gundzagundza.

Pisalema 109:24

Matsolo ya mina ma rhurhumela hi ku titsona swakudya, Nyama ya mina yi herile emirini wa mina hi ku ondza.

Sofoniya 3:16

Esikwini lero, va ta ku eka Yerusalema: “Siyoni, u nga chavi mavoko ya wena ma nga nembeleli!