Vaheveru 11:8 - Xitsonga (Bibele)

⁸ Hi ku pfumela, Abrahama, siku a vitaniweke, a yingisa, a rhurhela etikweni leri a nga ta ri nyikiwa hi mukhuva wa ndzhaka; kambe a rhurha a nga tivi laha a yaka kona.

BIBELE Mahungu Lamanene

⁸ Hi ku pfumela, Abrahama, siku a vitaniweke ku rhurha a ya etikweni leri Xikwembu a xi n'wi tshembisile rona, ú yingisile, a rhurha a nga tivi lomu a fanelaka ku ya kona.

Testamente Leyimpsha Xichangana

⁸ Hi kupfumela, Abrahamu, siku leri avitaniweke ha rona kurhurha aya tikweni leri Xikwembu aximutshembisile rona, ayingisile, arhurha hambilesvi aangakutivi lomu ayakakona.

Vaheveru 11:8 Referans Kwoze

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;

Genesa 22:18

Kutani matiko hinkwawo ya misava ma ta tikhensa hi rixaka ra wena, hikuva u yingisile rito ra mina.’ ”

Genesa 12:7

Kutani Yehovha a humelela eka Abrama, a ku eka yena: “Misava leyi, ndzi ta yi nyika vatukulu va wena.” Kutani a akela kona gandzelo eka Yehovha la nga humelela eka yena.

Varhoma 10:16

Kambe a hi hinkwavo lava yingiseke Evhangeli, hikuva Esaya u te: “Hosi, i mani la pfumeleke ku dyondzisa ka hina?”

Esaya 41:2

I mani la pfuxeke, le vuxeni loyi ku lulama ku nga emitileni ya yena xana? I mani la n'wi nyiketeke matiko ni la tsongahateke tihosi ehansi ka yena? I mani la hundzuluxeke tlhari ra tona ntshuri, ni vurha bya tona mungu lowu hahaka?

1 Petro 4:17

Hikuva nkarhi wa ta, lowu ku avanyisa ku nga ta sungula hi yindlu ya Xikwembu; kutani loko ku ta sungula hi hina, makumu ya lava nga pfumeriki Evhangeli ya Xikwembu, ma ta va lawo yini-ke?

Vaheveru 11:33

volavo, hi ku pfumela, va hlurile matiko, va avanyisile hi ku lulama, va kumile leswi va nga tshembisiwa swona, va sivile milomu ya tinghala,

Varhoma 6:17

Kambe a ku khensiwe Xikwembu, hikuva, hambi ngi mi ri makhumbi ya vudyoho, mi yingisile hi mbilu ku famba hi mitila ya ku dyondza loku mi dyondzisiweke kona.

Ezekiele 36:24

“Ndzi ta mi humesa ematikweni ndzi mi hlengeleta exikarhi ka matiko hinkwawo, ndzi mi vuyisa etikweni ra n'wina;

Esaya 51:2

Langutani Abrahama, tata wa n'wina, na Sara la mi velekeke; hikuva ndzi n'wi vitanile loko a ri swakwe, kutani ndzi n'wi katekisile, ndzi va ndzi n'wi andzisa.

Yoxuwa 24:3

Kutani ndzi tekile tata wa n'wina, Abrahama, ehase ka nambu, ndzi n'wi fambisile etikweni hinkwaro ra Kanana, ndzi va ndzi n'wi andzisela vana, ndzi n'wi nyika Isaka.

Duteronoma 9:5

A hi ku lulama ka wena, ni vunene bya mbilu ya wena lebyi ku ngheniseke etikweni ra vona, kambe Yehovha u ta teka tiko ra vona emahlweni ka wena hikwalaho ka ku biha ka matiko lawa, ni ku tiyisa rito leri Yehovha a ri hlambanyeleke vatata wa wena, Abrahama, na Isaka, na Yakobo.

Genesa 26:3

Sala etikweni roleri, kutani ndzi ta va na wena, ndzi ku katekisa, hikuva matiko lawa, ndzi ta ma nyika wena ni vatukulu va wena, ndzi va ndzi tiyisa ku hlambanya loku ndzi nga hlambanyela Abrahama, tata wa wena.

Genesa 17:8

Ndzi ta ku nyika, na vona vatukulu va wena endzhaku ka wena, tiko leri u nga ka rona u ri muluveri, ri nga tiko ra Kanana hinkwaro, va ri fuma hilaha ku nga heriki, kutani ndzi va Xikwembu xa vona.”

Genesa 15:5

Kutani a n'wi humesela ehandle, a ku: “Languta tilo u hlaya tinyeleti loko u nga swi kota.” A engeta a ku: “Vatukulu va wena va ta kotisa sweswo.”

1 Petro 3:1

Hi mukhuva wolowo, na n'wina, vavasati, yingisani vanuna va n'wina, leswaku hambi van'wana va nga va kona lava nga yingisiki rito, va ta kokiwa hi mikhuva ya vasati va vona ku nga ri hi rito,

Vaheveru 5:9

kutani, kuteloko a hetisekile, a va n'wini wa ku kutsula loku nga heriki, eka hinkwavo lava n'wi yingisaka;

2 Vakorinto 10:5

ni ku hlanhla makungu, ni rirhangu hinkwaro leri tlakukeke, leri sivelaka ku tiva ka Xikwembu, ni ku byisa mianakanyo hinkwayo eku yingiseni ka Kriste;

Varhoma 1:5

a nga yena loyi hi nyikiweke ha yena tintswalo ni vuapostola, leswaku exikarhi ka matiko hinkwawo, vanhu va yingisa hi ku pfumela vito ra yena,

Genesa 11:31

Kutani Tera a teka Abrama, n'wana wa yena, na Lota, n'wana Harana, n'wana wa n'wana wa yena, na Sarayi n'wingi wa yena, nkata Abrama n'wana wakwe, kutani va huma swin'we Uru wa Kalediya, va kongoma tiko ra Kanana. Kuteloko va fike eHarana, va aka kona.

Genesa 12:5

Abrama a teka Sarayi, nsati wa yena, na Lota, n'wana wa makwavo, ni swa vona hinkwaswo leswi va swi fuweke, ni vanhu lava va va velekeke eHarana, kutani va suka va ya etikweni ra Kanana; kutani va ya fika etikweni ra Kanana.

Genesa 20:13

Kuteloko Xikwembu xi ndzi tsendzelekisile ekule ni yindlu ya tatana, ndzi te eka yena: ‘Vona, u ta ndzi pfunisa sweswo: Hinkwako laha hi yaka kona, u nge: i makwerhu.’ ”

Tinhlayo 10:30

Hobabu a ku eka yena: “Ndzi nga ka ndzi nga yi, kambe ndzi ta ya etikweni ra mina ni le ka varikwerhu.”

Matewu 2:21

Kuteloko Yosefa a pfukile, a teka n'wana ni mana wa yena, a tlhelela etikweni ra Israele.