Vaheveru 11:7 - Xitsonga (Bibele)

⁷ Hi ku pfumela, Nowa, kuteloko a tivisiwile hi Xikwembu timhaka leti nga siki vonakaka, u chavile, kutani a aka ngalava ku hanyisa va yindlu ya yena; kutani ha yona u avanyisile misava a va a vekiwa mudyandzhaka wa ku lulama loku humaka eku pfumeleni.

BIBELE Mahungu Lamanene

⁷ Hi ku pfumela, Nowa ú yingisile swinene loko Xikwembu xi n'wi tsundzuxa hi ku n'wi byela leswi a swi nga si vonaka; kutani a aka ngalava ku ta ponisa va ndyangu wa yena; hi ku endla sweswo, ú avanyisile misava, a va a amukela ku lulama loku nyikiwaka hi mhaka ya ku pfumela.

Testamente Leyimpsha Xichangana

⁷ Hi kupfumela, Nowa ayingisile svinene loko Xikwembu ximutivisa lesvi asvingasivoneka; kutani ayaka ngalawa kutaponisa va njangu wa yena; hi kuyendla svosvo, ayavanyisile misava, ava ayamukela kululama loku kunyikiwaka hi mhaka ya kupfumela.

Vaheveru 11:7 Referans Kwoze

Genesa 6:13

Kavaloko Xikwembu xi byela Nowa, xi ku: “Makumu ya nyama yin'wana ni yin'wana ya fikile emahlweni ka mina, hikuva va tate misava hi mona; kutani sweswi, ndzi ta va lovisa swin'we ni misava.

1 Petro 3:20

leyi ingi yi tiarisa khale loko Xikwembu xa ha langutele hi ku leha ka mbilu emikarhini ya Nowa, areka yi ri karhi yi akiwa, leyi vanhu va nga ri vangani, va ntlhanu na vanharhu va ponisiweke ha yona ematini;

Ezekiele 14:14

ni loko ngi vanhu lavanharhu, a nga Nowa, na Daniele, na Yobo va nga tshama exikarhi ka rona, va ta ponisa mimoya ya vona hi ku lulama ka vona, ku vula Hosi Yehovha.

Varhoma 4:13

Hambi ku ri ku hlayeriwa leswaku a ta va mudyandzhaka wa misava, a ku nyikiwanga Abrahama ni vatukulu va yena hi nawu kambe ku nyikiwile hi ku lulama ka ku pfumela.

Luka 17:26

Kukotisa leswi humeleleke enguveni ya Nowa, swi ta va tano enguveni ya N'wana wa Munhu.

Vafilipiya 3:9

kutani ndzi kumiwa eka yena ndzi nga ri na ku lulama ka mina loku humaka eka nawu, kambe ndzi ri ni ku lulama loku humaka eku pfumeleni eka Kriste, ku ri ku lulama loku humaka eka Xikwembu hi ku pfumela;

Vagalatiya 5:5

Kambe hina hi langutela hi Moya ku tshemba ka ku lulama loku humaka eku pfumeleni.

Ezekiele 14:20

hambi Nowa, na Daniele na Yobo va ri kona, ndza hanya, ku vula Hosi Yehovha, a va nga swi koti ku lamulela vana va xinuna ni va xisati, va ta ponisa mimoya ya vona ntsena hi ku lulama ka vona.

Vaheveru 5:7

Hi yena loyi, emasikwini ya nyama ya yena, a tiseleke loyi ngi a ri ni matimba ya ku n'wi ponisa eku feni, mikhongelo ya ku chivirika, a ri karhi a huwelela ni ku rila; a tlhela a yingisiwa, a susiwa tingana;

Varhoma 3:22

ku lulama ka Xikwembu i ku pfumela eka Yesu Kriste, loku nga ka hinkwavo, ni le henhla ka hinkwavo lava pfumelaka;

Varhoma 1:17

Hikuva ku hlavuteriwile eka yona, ku lulama ka Xikwembu, ku hume eku pfumeleni, ku yisa eku pfumeleni, kukotisa leswi tsariweke leswaku: “La lulameke u ta hanya hi ku pfumela.”

Matewu 3:7

Kambe loko a vona Vafarisi ni Vasaduki lavo tala va ta eka yena eku khuvuriweni, a va byela, a ku: “Rixaka ra timhiri, i mani a nga mi kombisa ku balekela ku kariha loku taka?

Swivuriso 27:12

Munhu wa ku anakanya u vona khombo ra ha ta, a tisivelela; Murivali, yena, u hundza emahlweni, a rihiseriwa.

Genesa 7:23

Hinkwaswo leswi hanyeke emisaveni swi herisiwa, ku suka eka munhu, ku fika eka swifuwo, ku fika eka swikokovi ni le ka tinyanyana ta tilo, swi herisiwa emisaveni, ku sala ntsena Nowa ni leswi ngi a ri na swona engalaveni.

2 Petro 3:6

swoleswo, misava ya nkarhi lowuya, yi nga lovisiwa ha swona, yi mbundzuxiwa hi mati.

2 Petro 2:5

ni loko xi nga tsetselelangi tiko ra khale, kambe xi hlayisa Nowa, yena wa ntlhanu na vunharhu, mudyondzisi wa ku lulama, hi nkarhi xi tisaka khombo ra ndhambi ehenhla ka misava ya vasandzi;

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

Vaheveru 11:1

Kambe ku pfumela i xitshembiso xa xiviri xa swilo leswi languteriwaka ni xikombiso lexi khorwisaka xa leswi nga voniwiki.

Varhoma 10:6

Kambe ku lulama loku humaka eku pfumeleni, ku vula leswaku: U nga tshuki u ku embilwini ya wena: “I mani la nga ta tlhandlukela etilweni?” Ku vula sweswo, i ku xikisa Kriste;

Varhoma 4:11

Kutani a nyikiwa mfungho wa ku yimba ku tiyisa ku lulama ka ku pfumela, loku ngi a ri na kona loko a nga si yimba, leswaku a va tata wa hinkwavo lava pfumelaka hambi va nga yimbanga, leswaku na vona va hlayeriwa ku lulama;

Matewu 24:38

hikuva kukotisa emikarhini ya ndhambi ya mati, loko vanhu a va ri karhi va dya, va nwa, va teka, va hlomisana, ku ko ku fika siku leri Nowa a ngheneke engalaveni ha rona,

Matewu 24:25

Maswivo, ndzi rhangile ndzi mi byela timhaka leti;

Genesa 19:14

Lota a huma, a ya byela vakon'wana va yena lava ngi va vutile vana va yena, a ku eka vona: “Pfukani mi huma exivandleni lexi, hikuva Yehovha u ta lovisa muti.” Kambe eka vakon'wana va yena, a va swo ngi wa hleka.

Genesa 7:5

Kutani Nowa a endlisa sweswo, hilaha Yehovha a nga n'wi lerisa hinkwaswo hakona.

Genesa 6:9

Hi vona lavo vana va Nowa: Nowa a a ri munhu la lulameke ni la sasekeke enkarhini wa yena. Nowa a tshama a famba ni Xikwembu.

Varhoma 9:30

Xana hi ta ku yini-ke? Hi ta ku: “Vamatiko lava ngi va nga lavi ku lulama, va ku kumile, ku nga ku lulama loku humaka eku pfumeleni;

Swivuriso 22:3

Munhu wa vutlhari u vona khombo, kutani a tumbela, Kambe varivali va ya emahlweni va biwa.

Matewu 24:15

“Kutakuloko mi vona manyala ya ku herisiwa, lama nga vuriwa hi muprofeta Daniele, ma yimile exivandleni lexi hlawuriweke (la hlayaka u fanele ku anakanya);

Genesa 8:16

“Huma engalaveni wena ni nsati wa wena, ni vana va wena, ni vasati va vana va wena swin'we na wena.

Genesa 6:22

Kutani Nowa a endlisa sweswo; a endla hinkwaswo hilaha Xikwembu xi n'wi leriseke hakona.

Ezekiele 33:5

U wu twile mpfumawulo wa mhalamhala, kambe a nga tsundzukanga; ngati ya yena yi ta va ehenhla ka yena, kambe la tsundzukaka u ta ponisa moya wa yena.

Matewu 2:12

Kutani loko va kombisiwile hi Xikwembu hi norho leswaku va nga ha hundzi hi le ka Heroda, va tlhelela eka rikwavo hi ndlela yin'wanyana.

Vaheveru 8:5

va nga lava gandzelaka hi mukhuva wa xifaniso ni ndzhuti wa leswi nga etilweni, hilaha Muxe a lerisiweke hakona, loko a ta endla tabernakela, hileswaku: “Tivonele, u endla hinkwaswo hilaha u kombisiweke hakona, u ri entshaveni.”

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

2 TIHOSI 4:5

Kutani wansati a suka, a famba, a ya tipfalela endlwini ni vana va yena; vona a va n'wi tisela timbita, yena a chela.

Ntirho 35:8

Ku biha ka wena ku nga onha munhu wo kotisa wena, Ku lulama ka wena ku nga pfuna n'wana wa munhu ntsena.