Vaheveru 11:6 - Xitsonga (Bibele)

⁶ Kambe ku pfumela, loko ku nga ri kona, a ku na laha Xikwembu xi nga tsakisiwaka hakona; hikuva la tshinelelaka Xikwembu, u fanele ku pfumela leswaku hi yena muhakeri wa lava xi lavaka.

BIBELE Mahungu Lamanene

⁶ kutani ehandle ka ku pfumela a swi endleki ku tsakisa Xikwembu. Un'wana ni un'wana loyi a lavaka ku tshinelela Xikwembu ú fanele ku pfumela leswaku xi kona, ni leswaku xi hakela lava va xi lavaka.

Testamente Leyimpsha Xichangana

⁶ kutani handle ka kupfumela asvikoteki kutsakisa Xikwembu. Mani na mani lweyi alavaka kutshinelela Xikwembu afanele kupfumela lesvaku xiko na, ni lesvaku xihakela lava vaxilavaka.

Vaheveru 11:6 Referans Kwoze

Swivuriso 8:17

Ndzi rhandza lava ndzi rhandzaka, Lava ndzi lavaka, va ta ndzi kuma.

Matewu 6:33

Kambe rhangani mi tilavela ku fuma ka Xikwembu ni ku lulama ka xona kutani leswo hinkwaswo mi ta engeteleriwa swona.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

Luka 12:31

Ngopfungopfu, lavani ku fuma ka Xikwembu, kutani swilo leswi hinkwaswo mi ta engeteleriwa swona.

Pisalema 119:10

Ndzi ku lava hi mbilu ya mina hinkwayo: U nga ndzi tshiki ndzi hambuka ku lerisa ka wena!

Vaheveru 7:25

Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.

Varhoma 10:14

Kambe va ta khongerisa ku yini eka loyi va nga pfumeriki eka yena? Va ta pfumerisa ku yini eka loyi va nga twangiki timhaka ta yena? Va ta ti tivisa ku yini, loko mudyondzisi a nga ri kona?

Vaheveru 3:12

Tivoneleni, vamakwerhu, leswaku ku nga tshuki ku va na un'we exikarhi ka n'wina loyi mbilu ya yena yi nga leyo biha, yi tiarisaka, yi fularhela Xikwembu lexi hanyaka,

Pisalema 73:28

Loko ndzi ri mina, ku tshinelela Xikwembu, i rifuwo ra mina. Ndzi vekile vuchavelo bya mina eka Hosi Yehovha, Leswaku ndzi ta amba mitirho ya wena hinkwayo.

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

2 Petro 1:5

Hikwalaho, na n'wina, mi va ni ku chivirika hinkwako, mi engetela eku pfumeleni ka n'wina, vunene; ni le vuneneni, ku tiva;

Vaheveru 4:6

Hikwalaho, leswi mhaka leyi, yi tiyeke, leswaku van'wana va nghena kona, kasi lava dyondzisiweke eku sunguleni, a va nghenanga hikwalaho ka ku tiarisa ka vona,

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

2 Petro 3:14

Hikwalaho, varhandziwa, loko mi langutela leswo, chivirikani leswaku mi ta kumiwa hi yena eku rhuleni, mi nga ri na xivati ni xisandzu.

Tinhlayo 14:11

Kutani Yehovha a ku eka Muxe: “Tiko leri ri ta ndzi sandza ku yisa kwihi xana? Ri ta ndzi kaneta ku yisa kwihi; hambi ndzi endlile masingita hinkwawo lawa exikarhi ka rona!

Yohane 8:24

Hikwalaho ndzi mi byerile, ndzi ku: Mi ta fela eku dyoheni ka n'wina. Kungakuloko mi nga pfumeri leswaku hi mina loyi, mi ta fela eswidyohweni swa n'wina.”

2 Petro 1:10

Hikwalaho, vamakwerhu, chivirikani ngopfungopfu ku tiyisa ku vitiwa ni ku hlawuriwa ka n'wina; hikuva loko mi endlisa sweswo, mi nga ka mi nga khunguvanyeki ni siku ni rin'we.

Vaheveru 7:19

hikuva nawu a wu hetisangi nchumu; kasi ku nghenile ku tshemba loku wu tlurisaka, loku hi tshinelelaka Xikwembu hakona.

Pisalema 78:32

Hambi swilo leswi hinkwaswo swi humelele va engeta va dyoha, A va pfumelanga masingita ya xona.

Vaheveru 4:2

Hikuva na hina hi byeriwile Evhangeli kukotisa vona; kambe valavo, rito leri va ri yingiseke a ri va pfunanga nchumu, hikuva a ri pfangananga ni ku pfumela etimbilwini ta lava yingiseke.

Swivuriso 11:18

Lowo biha, u tirha mitirho leyi kanganyisaka, Kambe la byalaka ku lulama u ni hakelo leyi tiyeke.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

Tinhlayo 20:12

Kambe Yehovha a ku eka Muxe na Aroni: “Leswi mi nga pfumelangiki eka mina ku ndzi hlawula emahlweni ka vana va Israele, mi nga ka mi nga nghenisi nhlengeletano leyi etikweni leri ndzi va nyikeke rona.”

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Vaheveru 11:26

a ringanisa leswaku xisandzu xa Kriste i rifuwo leri tlulaka xuma xa Egipta, hikuva a a langutele hakelo.

Marka 16:17

Hi wona masingita lama nga ta endliwa hi lava pfumeleke: Va ta hlongola mademona hi vito ra mina, va ta vulavula tindzimi letintshwa;

Esaya 55:3

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.

Esaya 7:9

Kutani nhloko ya Efrayimi, i Samariya; ni nhloko ya Samariya, i n'wana Remaliya. Loko mi nga pfumeri, mi nga ka mi nga tiyi!”

Pisalema 58:11

Kutani vanhu va ta ku: “Kunene hakelo yi kona ya la lulameke, Kunene xi kona Xikwembu lexi avanyisaka emisaveni.”

Luka 6:35

Kambe n'wina, rhandzani valala va n'wina, mi endla vanhu swinene, mi lomba mi nga tshembi ku ta tlheriseriwa, kutani ku hakeriwa ka n'wina ku ta va lokukulu; mi ta va vana va La nge henhlahenhla, hikuva yena u ni tintswalo eka lava nga khensiki ni ka lavo biha.

Pisalema 106:24

Va nyenya tiko lero nandziha; A va pfumelanga rito ra xona,

Ntirho 21:14

Hambiswiritano, va ku eka Xikwembu: ‘Suka eka hina, A hi rhandzi ku tiva tindlela ta wena.

Pisalema 78:22

Hikuva a va pfumelangi eka Xikwembu, A va tshembanga ku pfuna loku humaka eka xona.

Rhuti 2:12

Yehovha a a ku tlherisele leswi u swi endleke! U amukela hakelo leyi hetisekeke ya Yehovha, Xikwembu xa Israele, loyi u teke ku ta chavela etimpapeni ta yena!”

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Matewu 6:5

“Kutani loko mi khongela, mi nga tshuki mi kotisa vamandzendze lava rhandzaka ku khongela va yimile emasinagogeni ni le mahlanganeni ya mitsendzele, leswaku va ta voniwa hi vanhu. Kunene ndza mi byela leswaku va kumile hakelo ya vona.

Yeremiya 2:31

N'wina va rixaka leri, yingisani rito ra Yehovha! Xana ndzi ve tiko leri nga mananga eka Israele, kumbe tiko ra munyama lowa ntima? Tiko ra mina ri vulisa ku yini, loko ri ku: ‘Hi ta tsutsumela lahaya ni lahaya, a hi nga ha tlheleri eka wena.’

Matewu 5:12

Tsakani, mi tsaka ngopfu hikuva hakelo ya n'wina i yikulu ematilweni, hikuva va xanisile sweswo vaprofeta lavo rhanga.

Matewu 11:26

Ina, Tatana, hi sweswo hikuva hilaha u tirhandzeleke hakona.