Vaheveru 11:37 - Xitsonga (Bibele)

³⁷ Va khandliwile hi maribye va sahiwile, va ringiwile, va dlayiwile hi ku kariha ka fumu, va tsendzeleke hinkwako va ambele madzovo ya tinyimpfu ni ya timbuti; va lahlekeriwa hi hinkwaswo, va xanisiwa, va endliwa hi nsele;

BIBELE Mahungu Lamanene

³⁷ Va khandliwile hi maribye, va pulukanyisiwile hi le xikarhi hi ku sahiwa, va dlayiwile hi mabanga, va famba-famba hinkwako va ambele madzovo ya tinyimpfu ni ya timbuti, va swerile, va ri emaxangwini, va twisiwa ku vaviseka,

Testamente Leyimpsha Xichangana

³⁷ Vakhandliwe hi maribze, vasahiwa hi le xikarhi, vadlayiwile hi matlhari vafambafamba hinkwaku na vayambele svikhumba sva tinyempfu ni sva timbuti, vasvelile, vali maxangwini, vatwisiwa kuvaviseka,

Vaheveru 11:37 Referans Kwoze

2 TIKRONIKA 24:21

Kavaloko va endla rhengu ku n'wi lovisa, kutani va n'wi khandla hi maribye exivaveni xa yindlu ya Yehovha, hi ku lerisa ka hosi.

Yeremiya 26:23

Va ya teka Uriya eEgipta, va n'wi tisa eka hosi Yoyakimi, a n'wi tlhava hi fumu a va a cukumeta ntsumbu wa yena emasirheni ya lava nga vanhu ntsena.

1 TIHOSI 19:10

Yena a ku: “Ndzi khomiwile hi rilondzo hikwalaho ka Yehovha, Xikwembu xa mavandla; hikuva vana va Israele va tshikile ntwanano wa wena, va mbundzuxile tialitari ta wena, va dlayile vaprofeta va wena hi tlhari, ndzi sala ndzi ri swanga, kutani va lava ku ndzi dlaya!”

2 TIHOSI 1:8

Va ku eka yena: “I munhu la ambaleke mavoya, a tibohe xisuti hi vamba ra dzovo.” Kutani a ku: “I Eliya wa Tixibe.”

Timhaka 7:52

Hi wihi muprofeta loyi vatata wa n'wina va nga n'wi xanisangiki? Va dlele ni lava vuleke eku sunguleni ku ta eka loyi a lulameke, loyi sweswi, mi n'wi xengeke, kutani mi hundzukile vadlayi va yena;

Nhlavutelo 11:3

Kutani ndzi ta nyika timbhoni ta mina ha timbirhi ku profeta hi masiku ya khume ra madzana na madzana mambirhi, na ntlhanu wa makume, na khume rin'we 1 260, ti ambele masaka.”

2 Vakorinto 12:10

Hikwalaho ndzi titsakelaka eku tsaneni, ni le xisandzwini, ni le vusiwaneni, ni le ku xanisiweni ni le maxangwini hikwalaho ka Kriste; hikuva siku ndzi tsaneke, hi kona ndzi nga ni matimba.

Timhaka 14:19

Kutani ku fika Vayuda lava pfaka hi le Antiyoka na Ikoniya, va kucetela tiko, va khandla Pawulo hi maribye, kutani va n'wi kokela ehandle ka muti, va anakanya leswaku u file.

Luka 13:34

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena; ndzi rhandzile kangani-ke ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona? Kambe a mi swi rhandzanga.

Matewu 21:35

Kutani varimi va khoma malandza ya yena, va ba un'wana, un'wana va n'wi dlaya, un'wana va n'wi khandla hi maribye.

Matewu 8:20

Kutani Yesu a ku eka yena: “Timhungubye ti ni micele, ni tinyanyana ta le tilweni ti ni swisaka, kambe N'wana wa Munhu a nga na laha a nga seketelaka nhloko ya yena kona.”

Matewu 3:4

Yohane yeloyi a funengele nguvu ya voya bya kamela, a tikhame xisuti hi xifungha xa dzovo: swakudya swa yena a ti ri tinjiya ni vulombe bya nhova.

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

1 TIHOSI 21:10

mi veka ni vanhu vambirhi lavo biha emahlweni ka yena, leswaku va vula vumbhoni ehenhla ka yena, va ku: ‘U rhukanile Xikwembu ni hosi.’ Kutani mi n'wi humesela ehandle, mi n'wi khandla hi maribye, a fa.”

1 TIHOSI 19:14

Yena a ku: “Ndzi khomiwile hi rilondzo hikwalaho ka Yehovha, Xikwembu xa mavandla, hikuva vana va Israele va tshikile ntwanano wa wena, va mbundzuxe tialitari ta wena, va dlayile vaprofeta va wena hi tlhari, ndzi sala ndzi ri swanga, kutani va lava ku ndzi dlaya.”

1 TIHOSI 19:1

Akabu a byela Yezabele hinkwaswo leswi endliweke hi Eliya, hilaha a dlayeke vaprofeta hinkwavo hi tlhari.

1 TIHOSI 18:13

Xana hosi ya nga a yi byeriwanga leswi ndzi swi endleke loko Yezabele a dlayile vaprofeta va Yehovha xana? Ndzi fihlile dzana ra vaprofeta va Yehovha ha ntlhanu wa makume ebakweni, ndzi va phamela vuswa ni mati.

1 TIHOSI 18:4

kakuloko Yezabele a herisa vaprofeta va Yehovha, Obadiya a teka vaprofeta va dzana, a va fihla ha ntlhanu wa makume ebakweni, a va phamela vuswa ni mati.

2 SAMIELE 12:31

Loko va ri vanhu va kona, a va humesa, a va tirhisa emasaheni ni le tipikeni ta nsimbhi, ni le swihlokeni swa nsimbhi, a va vumbisa ni switina; a endlela Sweswo miti hinkwayo ya vana va Amoni. Kutani Davhida a tlhela a muka eYerusalema ni tiko hinkwaro.

1 TIHOSI 19:13

Kuteloko Eliya a wu twa a tifunengeta mombo hi nkhancu wa yena, a huma, a yima enyangweni ya bako. Kutani, maswivo, a twa rito leri nge ka yena: “U endla yini kwala, wena Eliya?”

1 TIHOSI 19:19

Eliya a suka kona, a ya kuma Elixa, n'wana Xafati, a ri karhi a rima; majoko ya tihomu ya khume na mambirhi a ma famba emahlweni ka yena; yena a a ri ni majoko ya khume na mambirhi. Eliya a hundza ekusuhi na yena, kutani a n'wi hoxela jasi ra yena.

2 TIHOSI 2:8

Kavaloko Eliya a teka jasi ra yena, a ri petsa, a ba ha rona mati ya nambu, kutani ma avana hala ni hala; va pela havambirhi laha ku omeke.

2 TIHOSI 2:13

Kutani a teka jasi ra Eliya leri a ri tshikeke ri wa ehansi, a tlhela, a ya yima eribuwini ra Yordani.

1 TIKRONIKA 20:3

Loko va ri vaaki va wona, a va humesa, a va tirhisa emasaheni, ni le tipikeni ta nsimbhi, ni le swihlokeni. Davhida a endlisa sweswo emitini hinkwayo ya vana va Amoni. Kutani Davhida a tlhela a muka eYerusalema, ni tiko hinkwaro.

Zakariya 13:4

Hi siku rolero vaprofeta va ta khomiwa hi tingana, un'wana ni un'wana hi ku bvumbha ka yena loko a ri karhi a profeta, a va nga ha ambali nguvu ya voya ku vula swa mavunwa.

Vaheveru 11:25

a va a tihlawulela ku xaniseka swin'we ni tiko ra Xikwembu, ku nga ri ku tsakela vudyoho nkarhinyana;

Vaheveru 13:3

Anakanyani lava bohiweke, kukota loko ngi mi bohiwile na vona; ni lava xanisiwaka, kukotisa leswi mi nga ni miri, na n'wina.