Vaheveru 11:36 - Xitsonga (Bibele)

³⁶ Van'wana va ringiwile hi ku soriwa, ni ku biwa, ni ku bohiwa, ni khotso.

BIBELE Mahungu Lamanene

³⁶ Van'wana va xanisiwile hi ku hlekuriwa ni ku biwa, hambi ku ri ku bohiwa hi tinketani, va hoxiwa ekhotsweni.

Testamente Leyimpsha Xichangana

³⁶ Van'wana vaxanisiwile ni kutseketseliwa ni kubiwa, hambi kuli kubohiwa hi machini, vanghenisiwa jele.

Vaheveru 11:36 Referans Kwoze

Yeremiya 20:2

kavaloko Paxahuru a ba muprofeta Yeremiya, kutani a n'wi nghenisa ekhotsweni ra le nyangweni leyi tlakukeke ya Benjamini, endlwini ya Yehovha.

Genesa 39:20

Kutani n'wini wa Yosefa a n'wi khoma, a n'wi hoxa endlwini ya khotso, exivandleni lexi lava bohiweke hi hosi va khotsiwaka eka xona; kutani a tshama kona ekhotsweni.

2 TIKRONIKA 30:10

Vatsutsumi va ya emutini wun'wana ni wun'wana etikweni ra Efrayimi ni ra Manase va ya fika eZebuloni; kambe va va hleka va va sandza.

Vaheveru 10:34

Hikuva mi twele vusiwana lava bohiweke, kutani mi pfumerile hi ku tsaka loko swa n'wina swi tekiwa hi ku tiva leswaku mi ni rifuwo leri tlurisaka, leri nga kona hi masiku etilweni.

Matewu 23:34

“Hikwalaho, maswivo ndzi mi rhumela vaprofeta, ni tintlhari, ni vatsari; mi ta dlaya van'wana, mi vamba van'wana; mi ta ba van'wana emasinagogeni ya n'wina, mi va xanisa emutini wun'wana ni wun'wana;

Yeremiya 20:7

Oho Yehovha, u tshama u ndzi khorwisa, kutani ndzi khorwile; u tshama u ndzi sindzisa hi matimba, kutani u ndzi hlurile; ndzi endliwa xihlekiso siku rin'wana ni rin'wana, va ndzi hleka hinkwavo.

2 TIKRONIKA 16:10

Kavaloko Asa a karihela muvoni, a n'wi nghenisa ekhotsweni, hikuva a a n'wi karihele emhakeni leyi. Enkarhini wolowo Asa a xanisa van'wana va tiko.

Nhlavutelo 2:10

U nga chavi nchumu eka leswi u nga ta xanisiwa ha swona. Vona, Diyavulosi u ta nghenisa van'wana va n'wina ekhotsweni leswaku mi ringiwa kutani mi ta va ni nhlomulo wa masiku ya khume. U va u tshembeka ku yisa eku feni, kutani ndzi ta ku nyika harhi ya vutomi.

2 Timotiya 2:9

yi nga Evhangeli leyi ndzi twaka ku vaviseka hikwalaho ka yona, ndzi ko ndzi bohiwa kukota mudyohi; kambe rito ra Xikwembu a ri bohiwanga.

2 Timotiya 1:16

Hosi a yi tsetselele yindlu ya Onesiforo hikuva u ndzi chavelele kanyingi kambe a nga vanga na tingana hikwalaho ka ku bohiwa ka mina.

Vaefesa 4:1

Hikwalaho-ke, mina ndzi nga mubohiwa eHosini ndza mi khongotela, ndzi ri: Fambani hi mukhuva lowu fanelaka ku vitiwa loku mi vitiweke hakona,

Timhaka 24:27

Kambe loko ku hundzile malembe mambirhi, Porkiyo Festo a vekiwa ematshan'weni ya Felikisi; kutani Felikisi a siya Pawulo ekhotsweni, hikuva a a rhandzile ku khensiwa hi Vayuda.

Timhaka 21:33

Kavaloko ndhuna ya nyimpi yi tshinela, yi n'wi khoma, kutani yi lerisa leswaku a bohiwa hi timpecana timbirhi; kutani a vutisa leswaku i mani, ni leswaku xana lexi a xi endleke i yini?

Timhaka 8:3

Kambe Sawulo a a ri karhi a hlasela kereke, a nghena endlwini yin'wana ni yin'wana, a kokela vavanuna ni vavasati, a va nyiketa ku nghenisiwa ekhotsweni.

Timhaka 5:40

Kutani va n'wi yingisa. Kakuloko va vitanile vaapostola, va va ba hi mikhavi; kutani va va lerisa leswaku va nga tshuki va dyondzisa hi vito ra Yesu, kutani va va tshunxa.

Timhaka 5:18

va khoma vaapostola, va va nghenisa ekhotsweni ra muti.

Timhaka 4:3

Kutani va va khoma, va va nghenisa ekhotsweni ri ko ri xa, hikuva a ma ri madyambu.

Luka 23:36

Na tona tinhenha ti n'wi tseketsela, ti tshinela, ti n'wi nyika ntsuvi, ti ku eka yena:

Luka 23:11

Kutani Heroda a n'wi sandza a ri ni tinhenha ta yena, a n'wi tseketsela; kuteloko a n'wi funengetile hi nguvu leyi vangamaka, a n'wi tlherisela eka Pilato.

Luka 18:32

Hikuva u ta nyiketiwa vamatiko, va ta n'wi tseketsela, va n'wi sandza, va n'wi tshwutela hi marhi;

Marka 10:34

va n'wi sola, va n'wi ba, va n'wi tshwutela hi marhi, va n'wi dlaya; kambe u ta pfuka hi siku ra vunharhu.”

Matewu 27:26

Kutani a va tshunxela Barabasi; loko a ri Yesu, kuteloko va n'wi xupurile, a n'wi nyiketa leswaku a vambiwa.

Matewu 21:35

Kutani varimi va khoma malandza ya yena, va ba un'wana, un'wana va n'wi dlaya, un'wana va n'wi khandla hi maribye.

Matewu 20:19

naswona va ta n'wi nyiketa eka vahedeni leswaku va n'wi tseketsela, va n'wi ba hi mikhavi, ni ku n'wi vamba exihambanweni, kutani hi siku ra vunharhu u ta pfuka.”

Yeremiya 38:28

Kutani Yeremiya a tshama erivaleni ra yindlu ya khotso ku fikela siku leri Yerusalema, a ngheniwaka ha rona.

Yeremiya 36:6

A ku ye wena u hlaya buku leyi u yi tsaleke hi nomu wa mina, ma nga marito ya Yehovha u ma hlaya etindleveni ta tiko endlwini ya Yehovha, siku ra ku titsona swakudya, u hlaya etindleveni ta va Yuda hinkwavo lava humeke emitini ya vona.

Yeremiya 29:26

‘Yehovha u ku vekile muprista ematshan'weni ya muprista Yehoyada leswaku u va mukamberi endlwini ya Yehovha eka munhu un'wana ni un'wana la hlanyaka, la tiendlaka muprofeta leswaku u n'wi pfalela, u n'wi nghenisa ni le khotsweni.

2 TIKRONIKA 36:16

Kambe a va rhukana tintsumi ta Xikwembu, va sandza marito ya xona, va hleka vaprofeta va xona, vukari bya Yehovha byi ko byi pfuka tiko ra yena swonghasi leswaku ku nga ha vi na ku ponisiwa.

2 TIHOSI 2:23

A suka kona, a ya eBetele, kutani kakuloko a tlhandluka hi ndlela, varisanyana va huma emutini, va n'wi hleka, va ku: “Tlhandluka, wee mpandhla! Tlhandluka wee mpandhla!”

1 TIHOSI 22:27

‘Hosi yi vurisa sweswo, yi ku: “Nghenisani munhu loyi, ekhotsweni, mi n'wi phamela vuswa ni mati ya khombo, ndzi ko ndzi vuya hi ku rhula.” ’ ”

1 TIHOSI 22:24

Kavaloko Sedekiyasi, n'wana Kenana, a tshinelela Mikaya a n'wi phakata rhama, a ku: “Xana moya wa Yehovha wu humise ku yini eka mina wu vulavula na wena-ke?”

Vaavanyisi 16:25

Kutani leswi timbilu ta vona ti tsakeke va ku: “A ku vitaniwe Samsoni a ta tlanga emahlweni ka hina.” Kutani va ya teka Samsoni ekhotsweni, a ta, a tlanga emahlweni ka vona; kambe a va n'wi yimisile exikarhi ka timhandze.

Vaefesa 3:1

Hikwalaho-ke, mina Pawulo, ndzi nga mubohiwa wa Yesu Kriste hikwalaho ka n'wina vahedeni.

Yeremiya 32:8

“Kutani Hanamele, n'wana tatana lontsongo, a ta eka mina exivaveni xa khotso, hilaha Yehovha a vuleke hakona, a ku eka mina: ‘A ku ndzi xaveri nsimu ya mina, leyi nga eAnatoto, etikweni ra ka Benjamini, hikuva mfanelo ya ku hlayisa i ya wena, ni yo kutsula i ya wena; u tixavela yona.’ Kutani ndzi tiva leswaku i rito ra Yehovha.

Yeremiya 39:15

Rito ra Yehovha ri ta eka Yeremiya loko a ha ri erivaleni ra yindlu ya khotso, ri ku:

2 TIKRONIKA 18:26

mi ku eka vona: ‘Hosi yi vurisa sweswo, yi ku: “Nghenisani munhu loyi ekhotsweni, mi n'wi phamela vuswa ni mati ya khombo, ndzi ko ndzi vuya hi ku rhula.” ’ ”

Daniele 11:33

Kutani lava tlhariheke, lava nga exikarhi ka tiko, va ta dyondzisa lavo tala, kambe van'wana va ta herisiwa hi matlhari, ni malangavi, ni ku bohiwa, ni ku phangiwa hi masiku man'wana.