Vaheveru 11:32 - Xitsonga (Bibele)

³² Kutani ndzi nga engeta ndzi vula tihi-ke? Kasi ndzi nga heleriwa hi nkarhi loko ndzi vula ta Gidiyoni, ni ta Baraka, ni ta Samsoni, ni ta Yefta, ni ta Davhida, ni ta Samiele, ni ta vaprofeta;

BIBELE Mahungu Lamanene

³² Kutani ndzi nga ha vula yini swin'wana? Hikuva nkarhi wu nga ndzi helela loko ndzi nga mi byela hi ta Gidiyoni, na Baraka, na Samsoni, na Yefta, ni ta Davhida na Samiele, ni ta vaprofeta.

Testamente Leyimpsha Xichangana

³² Kutani ningahavula yini svin'wana? Hikuva nkarhi wunganihelela loko ningamibzela hi ta Gidiyoni, na Baraka, na Samisoni, na Jefta, ni ta Davhida na Samuwele, ni ta vaprofeta.

Vaheveru 11:32 Referans Kwoze

1 SAMIELE 16:1

Yehovha a ku eka Samiele: “U ta rila Sawulo ku yisa kwihi-ke, loko mina ndzi n'wi cukumetile leswaku a nga ha fumi Israele? Tata rimhondzo ra wena hi mafurha, u famba; ndza ku rhuma eka Yese wa Betlehema hikuva ndzi vonile exikarhi ka vana va Yese loyi a faneleke ku va hosi.”

1 SAMIELE 1:20

Kutani Elikana a tiva Hana, nsati wa yena, kutani Yehovha a n'wi tsundzuka. Hi lembe rolero, Hana a tika nyimba, kutani a veleka n'wana wa wanuna. A n'wi thya vito ra Samiele hikuva a ku: “Ndzi n'wi komberile eka Yehovha.”

1 SAMIELE 16:13

Kavaloko Samiele a teka rimhondzo ra mafurha a n'wi chela exikarhi ka vamakwavo, kutani Moya wa Yehovha wu khoma Davhida, ku sungula siku leri ni ku ya emahlweni, Kavaloko Samiele a pfuka a muka eRhama.

Yohane 21:25

Timhaka tin'wana ta ha ri kona leto tala, leti Yesu a ti endleke; loko ingi ti tsariwile ha yin'weyin'we, a ndzi tshembi leswaku misava yi nga ringana tibuku leti nga tsariwaka.

2 Petro 1:21

Hikuva vuprofeta a byi tisiwanga hi ku rhandza ka munhu ni siku ni rin'we, kambe vanhu va Xikwembu lava hlawuriweke va vurile va ri karhi va susumetiwa hi Moya lowo Kwetsima.

Varhoma 7:7

Hi ta ku yini-ke? Xana nawu wu bihile xana? A swi tano! Kambe loko a ku nga ri hi nawu, ingi ndzi nga tivanga vudyoho; hikuva a ndzi nga tivi ku navela, loko ngi nawu a wu nga vulanga leswaku: “U nga tshuki u navela!”

Varhoma 4:1

Loko swi ri tano, hi ta ku yini? Xana Abrahama, tata wa hina u fuwe yini hitlhelo ra nyama-ke?

Varhoma 3:5

Kambe loko ku homboloka ka hina ku vonakisa ku lulama ka Xikwembu, hi ta ku yini? Xana hi ta ku: “Xikwembu xi hombolokile loko xi endla hi ku kariha” xana? (Ndzi vula hi mukhuva wa vanhu.)

Timhaka 13:20

Endzhaku ka swona, xi va nyika vaavanyisi, hi malembe lama lavaka ku va mune wa madzana na ntlhanu wa makume, ku yisa eka muprofeta Samiele.

Timhaka 10:43

Hi yena vaprofeta hinkwavo va n'wi vuleke hi mhaka leyi nge: Un'wana ni un'wana la pfumelaka eka yena, u ta kuma ku khomeriwa ka swidyoho hi vito ra yena.”

Timhaka 3:24

Na swona, vaprofeta hinkwavo lava nga vulavula, ku sungula eka Samiele ni lava n'wi tlhandlamaka, hinkwavo va bvumbhile masiku lawa.

1 SAMIELE 12:11

Kavaloko Yehovha a rhuma Yerubaali, na Bedani, na Yefta, na Samiele, a mi ponisa emavokweni ya valala va n'wina lava mi rhendzeriweke hi vona, kutani mi akile hi ku rhula.

2 Petro 3:2

leswaku mi ta anakanya timhaka leti nga bvumbhiwa hi vaprofeta lava hlawuriweke, ni milawu ya vaapostola va n'wina, leyi nga ya Hosi ni Mulondzovoti:

Yakobo 5:10

Vamakwerhu, khomani ntila wa nhlomulo ni wa ku tiyisela ka vaprofeta lava vulavuleke hi vito ra Hosi.

Varhoma 6:1

Hi ta ku yini-ke? Xana hi ta tshama eku dyoheni leswaku tintswalo ti ta andza xana?

Luka 16:31

Abrahama a engeta a ku eka yena: ‘Loko va nga yingisi Muxe ni vaprofeta, va nga ka va nga pfumeri, hambi un'wana wa vafi a pfuka.’ ”

Luka 13:28

Hilaha ku nga ta va ni mikosi ni ku getsela ka meno, loko mi vona Abrahama, na Isaka, na Yakobo, ni vaprofeta hinkwavo eku fumeni ka Xikwembu kasi n'wina mi cukumetiwa handle.

Matewu 5:12

Tsakani, mi tsaka ngopfu hikuva hakelo ya n'wina i yikulu ematilweni, hikuva va xanisile sweswo vaprofeta lavo rhanga.

Yeremiya 15:1

Kambe Yehovha a ku eka mina: “Hambiloko Muxe na Samiele va nga yima emahlweni ka mina, mbilu ya mina a yi nga tlheri eka tiko leri. U ri hlongola emahlweni ka mina, ri suka.

Pisalema 99:6

Muxe na Aroni exikarhi ka vaprista va yena; Na Samiele, un'wana wa lava khongelaka vito ra yena, Va khongele Yehovha, kutani a va yingisa.

1 SAMIELE 2:18

Samiele a tshama a tirha ntirho emahlweni ka Yehovha, a ri wandzisanyana la ambaleke efodi ya ntsembyana.

1 SAMIELE 2:11

Elikana a tlhelela ekaya ka yena eRhama, kutani wandzisanyana a pfuna entirhweni wa Yehovha, emahlweni ka Heli, muprista.

Vaavanyisi 13:24

Kutani wansati a veleka wandzisanyana, a n'wi thya vito ra Samsoni; n'wana a kula, Yehovha a n'wi katekisa.

Vaavanyisi 6:11

Kutani ntsumi ya Yehovha yi ta, yi tshamisa ehansi ka nsinya wa munga lowu nga eOfira, wa Yowasi, Muabiezere. Gidiyoni, n'wana wa yena, a a ri karhi a hula mavele exikhuvutelweni, leswaku a ta ya fihlela Vamidiyani.

Vaavanyisi 4:1

Kuteloko Ehudi a file, vana va Israele va engeta va endla swo biha emahlweni ka Yehovha.

Vaavanyisi 6:1

Vana va Israele va engeta va endla leswo biha emahlweni ka Yehovha kutani Yehovha a va nyiketa emavokweni ya Vamidiyani hi malembe ya ntlhanu na mambirhi.

Vaavanyisi 6:14

Kutani Yehovha a rhendzelekela eka yena, a ku: “Yana hi matimba lawa u nga na wona, u ta lamulela Vaisraele emavokweni ya Vamidiyani. Xana a ndzi ku rhumanga xana?”

Vaavanyisi 15:20

Kutani a avanyisela Vaisraele hi malembe ya 20, emikarhini ya Vafilista.

1 SAMIELE 2:4

Vurha bya lava matimba byi tshoviwile, Kambe lava tsaneke va tiboha hi matimba.

1 SAMIELE 17:45

Davhida a hlamula a ku eka Mufilista: “U tile eka mina hi banga, ni tlhari, ni ntlhuvana, kambe mina ndzi ta eka wena hi vito ra Yehovha wa mavandla, ni ra Xikwembu xa tinyimpi ta Israele leti u ti sandzeke.