Vaheveru 11:3 - Xitsonga (Bibele)

³ Hi ku pfumela, ha swi tiva leswaku misava ni hinkwaswo swi lunghisiwile hi rito ra Xikwembu, hileswaku leswi voniwaka a swi humanga eka leswi vonekaka.

BIBELE Mahungu Lamanene

³ Hi ku pfumela, hi twisisa leswaku tilo ni misava swi tumbuluxiwile hi rito ra Xikwembu, hileswaku leswi voniwaka swi endliwile swi huma eka leswi nga voniwiki.

Testamente Leyimpsha Xichangana

³ Hi kupfumela, hitwisisa lesvaku tilo ni misava svitumbuluxiwile hi rito ra Xikwembu, hi lesvaku lesvivoniwaka sviyendliwile svihuma ka lesvingavoniwiki.

Vaheveru 11:3 Referans Kwoze

Pisalema 33:6

Matilo ma endliwile hi rito ra Yehovha, Ni vandla hinkwaro ra wona hi ku hefemula ka nomu wa yena.

2 Petro 3:5

Hikuva va endla ha vomu loko va nga tivi leswaku matilo a ma ri kona khale ni misava leyi nga humesiwa ematini, yi va yi hanya exikarhi ka mati, hi rito ra Xikwembu;

Yohane 1:3

Swilo hinkwaswo swi endliwile hi rona, kutani exikarhi ka swilo leswi endliweke, a ku na xilo lexi endliweke handle ka rona.

Varhoma 4:17

kukota leswi ku tsariweke leswaku: “Ndzi ku vekile tata wa matiko layo tala”; u tano emahlweni ka Xikwembu lexi a pfumeleke eka xona, lexi hanyisaka lava feke, kutani xi vitana swilo leswi nga riki kona kukota loko ngi swi ri kona.

Timhaka 17:24

Xikwembu lexi nga endla misava ni hinkwaswo leswi nga eka yona, yi nga yona Hosi ya matilo ni misava, xi nga ka xi nga aki etitempeleni leti akiweke hi mavoko;

Nhlavutelo 4:11

“Hosi ni Xikwembu xa hina, u lulameriwe hi ku kwetsima, ni xichavo, ni matimba, hikuva u tumbuluxile swilo hinkwaswo, kutani swi kona, kambe swi tumbuluxiwe hi ku rhandza ka wena.”

Vaheveru 1:2

kambe sweswi, hi masiku walawo ya makumu, xi vulavule na hina hi N'wana wa xona, yeloyi xi n'wi vekeke mudyandzhaka wa swilo hinkwaswo, yeloyi kambe xi endleke ha yena hinkwaswo leswi vumbiweke,

Yeremiya 10:11

“Mi ta va byerisa sweswo, mi ku: ‘Swikwembu leswi nga ka swi nga endli tilo ni misava, swona swi ta susiwa emisaveni ni le hansi ka matilo.’ ”

Genesa 1:1

Eku sunguleni Xikwembu xi tumbuluxile tilo ni misava.

Esaya 40:26

Tlakusani mahlo ya n'wina, mi languta! I mani la tumbuluxeke swilo sweswo, la fambiseke hi ku ri xaxameta vandla ra swona xana? U swi vitana hinkwaswo hi mavito ya swona, hi ntamu lowukulu wa yena, ni matimba lamakulu ya yena, ku hava ni xin'we lexi pfumalekaka.

Timhaka 14:15

“Vavanuna, mi endlisela yini sweswo xana? Kasi na hina hi vanhu lava fanaka na n'wina hi ntumbuluko; kutani ho mi byela leswaku mi tshika timhaka leti ta swahava, ni leswaku mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga eka swona;

Yeremiya 10:16

Ku averiwa ka Yakobo a ku kotisi leswo tano, hikuva hi yena la vumbeke swilo hinkwaswo, kutani Israele i tiko leri nga ndzhaka ya yena; Yehovha wa tinyimpi i vito ra yena.

Pisalema 33:9

Hikuva wa vula, kutani xilo xi kona; Wa lerisa, kutani swi humelela.

1 Vakorinto 2:7

kambe hi vula vutlhari bya Xikwembu xi nga xihundla xa vutlhari lebyi fihliweke, lebyi Xikwembu xi byi lunghiseke eku sunguleni, malembe ma nga si va kona, ku va ku dzunisa ka hina;

1 Timotiya 4:5

hikuva hinkwaswo swi kwetsimisiwile hi rito ra Xikwembu ni xikhongelo.

Vaheveru 6:5

lava engeteke va nantswa rito lerinene ra Xikwembu, ni matimba ya mikarhi leyi nga ta ta,