Vaheveru 11:23 - Xitsonga (Bibele)

²³ Hi ku pfumela, Muxe, kuteloko a velekiwile, a fihliwa hi vatswari va yena hi tin'hweti tinharhu, hikuva a va n'wi vona leswaku a a ri n'wana lowo saseka, kutani a va chavanga nawu wa hosi.

BIBELE Mahungu Lamanene

²³ Hi ku pfumela, loko Muxe a velekiwile, vatswari va yena va n'wi tumbetile nkarhi wo ringana tin'hweti tinharhu, hi ku vona ku saseka ka n'wana, kutani a va chavanga swileriso swa hosi.

Testamente Leyimpsha Xichangana

²³ Hi kupfumela, loko Moxe apsaliwile, vapsali va yena vamutumbetile nkarhi woringana tihweti tinharhu, hi kuvona kusaseka ka n'wana, kutani avachavanga svileriso sva hosi.

Vaheveru 11:23 Referans Kwoze

Eksoda 1:22

Kutani Faro a lerisa tiko ra yena hinkwaro, a ku: “Vandzisanyana hinkwavo lava nga ta velekiwa, va cukumeteni enambyeni; kambe vanhwanyana hinkwavo, mi va tshika va hanya.”

Eksoda 1:16

“Loko mi tshamela vasati va Vaheveru, loko mi va vona va veleka, loko n'wana a ri wa wanuna, mi n'wi dlaya; kambe loko a ri wanhwanyana, n'wi tshikeni a hanya.”

Vaheveru 13:6

Hikwalaho hi nga vula hi ku tshemba, hi ku: “Hosi i mupfuni wa mina, ndzi nga ka ndzi nga chavi nchumu; munhu a nga ndzi endla yini xana?”

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Timhaka 7:20

“Enkarhini lowu, ku velekiwa Muxe; a va n'wana la sasekeke emahlweni ka Xikwembu; kutani a wundliwa hi tin'hweti tinharhu endlwini ya tata wa yena.

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Pisalema 118:6

Yehovha wa ndzi yimele, a ndzi nga chavi nchumu. Munhu a nga ndzi endla yini?

Daniele 6:10

Kambe Daniele, loko a tiva leswaku nawu wolowo wu tsariwile, a tiyela endlwini ya yena; kutani mafasitere ya yindlu ya yena leyi nga ehenhla ma pfuleriwe hitlhelo ra Yerusalema, a khinsama hi matsolo kanharhu hi siku, a khongela a va a vonga Xikwembu xa yena, kukotisa leswi a tshamaka a endla eku sunguleni.

Esaya 51:12

“Hi mina, hi mina la mi chavelelaka. U mani wena u chavaka vanhu lava nga ta fa, ni vana va vanhu lava nga ta hundza kukota byanyi,

Esaya 51:7

“Ndzi yingiseni, n'wina lava tivaka swo lulama, wena tiko leri nga ni nawu wa mina embilwini ya wena! Mi nga chaveni xisandzu xa vanhu, mi nga tshukisiwi hi mirhukano ya vona;

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Pisalema 56:4

Eka Xikwembu, ndzi ta twarisa rito ra xona; Ndzi tshemba Xikwembu, a ndzi chavi nchumu; Xana a nga ndzi endla yini la nga nyama ntsena?