Vaheveru 10:29 - Xitsonga (Bibele)

²⁹ xana loko mi ehleketa, a hi ku biwa loku tlurisaka loku a nga ta ringanisiwa hakona, loyi a kandziyeleke N'wana wa Xikwembu, a ringaniseke leswaku ngati ya ntwanano leyi a hlantswiweke ha yona a hi nchumu, a engeta a sandza Moya wa tintswalo xana?

BIBELE Mahungu Lamanene

²⁹ Kutani, xana mi ehleketa yini hi munhu loyi a soleke N'wana wa Xikwembu, a nga vuli nchumu hi ngati ya ntwanano leyi a nga hlawulekisiwa ha yona, a tlhela a rhuketela Moya wa tintswalo, xana? Xana yena ú ta biwa hi nkhavi lowo vavisa ku yini?

Testamente Leyimpsha Xichangana

²⁹ Kutani-ke, miyehleketa yini hi munhu lweyi akandziyeleke milengeni ya N'wana wa Xikwembu, lweyi anyamiseke ngati ya ntwananu leyi angakwetsimisiwa ha yona, atlhela arhuketela Moya wa timpsalu, xana? Xana munhu lweyi atabiwa hi nhonga leyovavisa kufika kwihi ke?

Vaheveru 10:29 Referans Kwoze

Vaheveru 6:6

kutani va khunguvanyeka, swi nga ka swi nga endleki leswaku va nga tlhela va hundzuka hikuva va engeta va tivambela n'wana wa Xikwembu, va ri karhi va n'wi endla xisandzu.

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

Esaya 63:10

Kambe vona va tiarisile, kutani va vavisile moya wa yena lowo kwetsima; kutani yena u hundzuke nala wa vona, a va a lwa na vona.

1 Vakorinto 11:27

Hikwalaho-ke, mani na mani la dyaka xinkwa lexi, kumbe la nwelaka exinwelweni xa Hosi hi mukhuva lowu nga faneriki, u ta va ni nandzu wa miri ni wa ngati ya Hosi.

Luka 12:10

“Un'wana ni un'wana la dyohelaka N'wana wa Munhu, u ta rivaleriwa, kambe la sandzeke Moya lowo Kwetsima, a nga ka a nga rivaleriwi.

Vaheveru 2:3

hina hi ta chupukisa ku yini, loko hi nga xiyi ku hlayiseka loko tano, loku nga sungula ku vuriwa hi Hosi, kambe ku tiyisiwile eka hina hi lava swi yingiseke,

Timhaka 7:51

“N'wina va tinhamu le to nonon'hwa, mi nga yimbisiki timbilu ni tindleve! Mi alela Moya lowo Kwetsima hi masiku, mi kotisa vatata wa n'wina!

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

Vaheveru 9:13

Hikuva leswi ngati ya tinkunzi, ni ya swiphongo, ni nkuma wa rhole, lowu ku hungiwaka ha wona lava nga ni thyaka, yi tivaka ku hlantswa hitlhelo ra nyama,

1 Vakorinto 11:29

hikuva la dyaka ni la nwaka hi mukhuva lowu nga faneriki, u dya ni ku nwa ku avanyisiwa ka yena; hikuva a nga tsundzukangi miri wa Hosi.

Vaheveru 6:4

Hikuva swi nga ka swi nga endleki leswaku lava nga voningiwa kan'we, lava nantsweke ku ha ka le tilweni, lava averiweke Moya lowo Kwetsima,

Vaheveru 2:11

Hikuva, hambi a ri la basisaka, hambi va ri lava basisiweke, hinkwavo va huma eka un'we; hikwalaho a nga na tingana ku va vula vamakwavo,

Yohane 17:19

Kutani ndzi tibasisela vona, leswaku na vona va basisiwa entiyisweni.

Matewu 7:6

“Mi nga tshuki mi hoxela timbyana swilo leswi hlawuriweke, na kona mi nga tshuki mi cukumeta tidayimani ta n'wina emahlweni ka tinguluve, swi nga ri leswaku ti nga ti kandziyela hi milenge, ti hundzukela eka n'wina, ti mi kawutlula hi meno.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Vaheveru 13:20

Xikwembu xa ku rhula lexi vuyiseke exikarhi ka vafi, Hosi ya hina Yesu, murisi lonkulu wa tinyimpfu, hi ngati ya ntwanano lowu nga heriki;

Yohane 10:36

xana n'wina mi ndzi byela ha yini, mi ku: ‘Wa sandza,’ loko ndzi te: ‘Ndzi N'wana wa Xikwembu’? Kasi hi mina loyi Tatana a nga n'wi hlawula ni ku n'wi rhuma emisaveni.

Mikiya 7:10

Loyi a nga nala wa mina u ta swi vona, kutani u ta khomiwa hi tingana, loyi a nge eka mina: “Yehovha, Xikwembu xa wena, xi kwihi xana?” Mahlo ya mina ma ta khorwisiwa hi khombo ra yena; kutani u ta kandziyeriwa ku fana ni ndzhope wa tindlela!

Esaya 14:19

kambe wena u cukumetiwile ekule ni sirha ra wena, tanihi hluke lero biha leri sandziwaka, tanihi nguvu ya vanhu lava dlayiweke hi fumu, lava cukumetiweke exikarhi ka maribye ya sirha, tanihi ntsumbu lowu kandziyeriwaka hi mikondzo.

2 TIHOSI 9:33

“N'wi hoxeni ehansi!” Va n'wi hoxa, kutani ngati ya yena yi phyandlukela ekhumbini ni le tihancini, kutani ti n'wi phyandlasa hi mikondzo ya tona.

Vaheveru 9:20

“Hi leyi ngati ya ntwanano lowu Xikwembu xi nga mi lerisa wona.”

1 Vakorinto 15:25

Hikuva u fanele ku fuma a kondza a veka valala hinkwavo ehansi ka mikondzo ya yena.

Varhoma 16:20

Xikwembu xa ku rhula, hi xona lexi nga ta hatlisa ku pfotlosa Satana ehansi ka milenge ya n'wina. Tintswalo ta Yesu Kriste, Hosi ya hina, a ti ve na n'wina!

Matewu 26:28

hikuva lexi, i ngati ya mina ya ntwanano lowuntshwa, leyi halateriwaka lavo tala eku rivaleriweni ka swidyoho.

Swirilo 1:15

“Hosi yi herisile exikarhi ka mina, tinhenha ta mina hinkwato, Kutani u rhambile nyimpi Ku ta dlayetela malandza ya mina lamantshwa; Hosi yi kandziyile exikandziyelweni xa nhwanyana, n'wana Yuda.

Esaya 28:3

Xintlontlo lexi tiarisaka xa vapyopyiwa va Efrayimi xi ta kandziyeriwa hi milenge;

Pisalema 143:10

Ndzi letele ku endla leswi rhandziwaka hi wena! Hikuva u Xikwembu xa mina. Moya wa wena lowa vunene a wu ndzi fambise endleleni ya ku lulama!

1 Vakorinto 15:27

“hikuva Xikwembu xi vekile hinkwaswo ehansi ka mikondzo ya yena.” Loko kutani “hinkwaswo swi vekiwe ehansi ka yena,” swa twakala leswaku la vekeke hinkwaswo ehansi ka yena, a nga hlayiwi kona.

Ezekiele 16:6

“A ndzi hundza ekusuhi na wena, ndzi ku vona u etlele engatini ya wena, ndzi ku: ‘Hanya engatini ya wena!’ Ndzi engeta ndzi ku: ‘Hanya engatini ya wena!’

Yeremiya 1:5

“Ndzi ku tivile ndzi nga si ku vumba ekhwirini ra mana wa wena, kambe u nga si huma enyimbeni, ndzi ku hlawurile, kutani ndzi ku vekile muprofeta wa matiko.”

Pisalema 91:13

U ta kandziyela nghala ni mhiri, U ta phyandlasa xinghalana ni ngwenya.

Eksoda 24:8

Kavaloko Muxe a teka ngati, a xuva tiko ha yona, a ku: “Hi yona ngati ya ntwanano lowu Yehovha a wu endleke na n'wina hi marito lawa hinkwawo.”

Daniele 8:13

Kutani ndzi yingisa un'wana wa vahlawuriwa a vulavula; kutani muhlawuriwa un'wana a hlamula la nga sungula ku vulavula, a ku: “I mangani masiku lama hlayiweke eka xivono lexi ematshan'weni ya gandzelo ra masiku, ni le matshan'weni ya xidyoho lexi onhaka xana? Xikwetsimisiso ni mavandla swi ta hluriwa swi kandziyeriwa ku yisa kwihi?”

Marka 7:2

kutani va vona vadyondzisiwa va yena van'wana va dya xinkwa hi mavoko ya thyaka, hi leswaku lama nga hlantswiwangiki, va va sola.

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Vaefesa 5:26

leswaku a yi kwetsimisa, loko a yi basisile hi ku yi khuvula hi mati hi rito ra yena,

Vaheveru 4:14

Hikwalaho, leswi hi nga ni muprista lonkulu ngopfu, la tsemakanyeke matilo, a nga Yesu, N'wana wa Xikwembu, a hi tiyiseleni eka lexi hi tivuleke xona.

Vaheveru 10:10

Hi ku rhandza kuloko, hi basisiwa hi magandzelo ya miri wa Yesu Kriste, lama nga endliwa kan'we.

Nhlavutelo 1:5

ni ka Yesu Kriste, mbhoni leyi tshembekaka, ni mativula exikarhi ka vafi, ni Hosi ya tihosi ta misava!