Vaheveru 10:26 - Xitsonga (Bibele)

²⁶ Hikuva kungakuloko hi dyoha ha vomu, leswi hi nga amukela ku tiva ka ntiyiso, a ka ha ri na mhamba ya ku susa vudyoho,

BIBELE Mahungu Lamanene

²⁶ Loko hi dyoha ha vomu endzhaku ka loko hi nyikiwile ku tiva ntiyiso, a ka ha ri na mhamba yin'wana yo susa swidyoho,

Testamente Leyimpsha Xichangana

²⁶ Loko hiya mahlweni hijoha ha vomu ndzhaku ka loko hinyikiwile kutiva ntiyiso, akahali na mhamba yin'wana yosusa svijoho,

Vaheveru 10:26 Referans Kwoze

Yohane 9:41

Yesu a ku eka vona: “Loko ingi mi file mahlo, a mi nga ti va na nandzu; kambe sweswi mi nge: ‘Ha vona,’ hikwalaho xidyoho xa n'wina xi tshama eka n'wina.

Luka 12:47

“Nandza la tivaka ku rhandza ka hosi ya yena, kutani a nga lunghisanga nchumu, a nga endlanga ku rhandza ka hosi ya yena, u ta biwa ngopfu;

Yakobo 4:17

Loko swi ri tano, la tivaka ku endla leswo saseka, kambe a nga swi endli, u ni vudyoho. Ku tshinyiwa vafuwi lava nga lulamangiki.

1 Yohane 5:16

Kungakuloko munhu a vona makwavo a dyoha hi ku dyoha loku nga yisiki eku feni, a a n'wi khongelele, kutani Xikwembu xi ta n'wi nyika vutomi, loko va nga ri lava dyohaka hi ku dyoha loku yisaka eku feni. Xidyoho xi kona lexi yisaka eku feni, a ndzi vuri leswaku ku khongeleriwa xona.

2 Vatesalonika 2:10

ni ku kanganyisa hinkwako ka ku homboloka ka lava lovaka, hikuva a va amukelangi ni ku rhandza ntiyiso leswaku va hanyisiwa.

Yohane 13:17

Loko mi tiva timhaka teto, mi katekile loko mi ti endla.

1 Timotiya 1:13

Kambe ndzi tsetseleriwile hi tintswalo, hikuva a ndzi endla hi ku kohleka, ndzi nga si pfumela;

Duteronoma 17:12

Kambe munhu la nga ta tikurisa, a nga yingisi muprista la yimaka ku tirhela Yehovha Xikwembu xa wena, kumbe muavanyisi, munhu loyi u ta fa. U ta susa lowo biha eIsraeleni.

Levhitika 4:2

“Byela vana va Israele, u ku: ‘Loko munhu a tlula wun'wana wa milawu ya Yehovha ku nga ri ha vomu, eswilweni leswi nga faneriki ku endliwa, ni loko a endlile xin'wana xa swona:

Levhitika 4:13

“ ‘Kungakuloko nhlengeletano hinkwayo ya Israele yi dyohile ku nga ri ha vomu, ni loko mhaka leyi, yi nga tiviwi hi nhlengeletano, loko va tlurile wun'wana wa milawu ya Yehovha hi ku endla xin'wana xa swilo leswi nga faneriki ku endliwa, kutani va tilavele nandzu;

1 SAMIELE 2:25

Kungakuloko munhu a dyohele munhukulobye, Xikwembu xi ta n'wi avanyisa; kambe loko a dyohela Yehovha, i mani la nga ta n'wi khongelela?” Kambe a va yingisangi rito ra tata wa vona, hikuva Yehovha a a rhandza ku va lovisa.

1 Timotiya 2:4

la rhandzaka leswaku vanhu hinkwavo va hlayiseka, va fika eku tiveni ka ntiyiso;