Vaheveru 10:24 - Xitsonga (Bibele)

²⁴ A hi lavelaneni leswaku hi ta fambisana hi ku chivirika erirhandzwini, ni le mitirhweni leyo saseka.

BIBELE Mahungu Lamanene

²⁴ A hi laveni tindlela to pfuxana, hi kombana rirhandzu ni mintirho leyinene.

Testamente Leyimpsha Xichangana

²⁴ Ahilaveni tindlela topfuxana, hikombana rirhandzu ni mintirho leyinene.

Vaheveru 10:24 Referans Kwoze

1 Vatesalonika 5:11

Hikwalaho khongotelanani, mi akisana, kukotisa leswi mi swi endlaka.

1 Yohane 3:18

Vana vanga, hi nga tshuki hi rhandzana hi ku vulavula, ni ririmi, kambe a ku ve hi ku endla, ni ntiyiso.

Vaheveru 13:1

A ku tiye ku rhandzana.

Vagalatiya 5:13

Vamakwerhu, mi vitaneriwile eku tshunxekeni; kambe ntsena mi nga tshuki mi endla ku tshunxeka wu va nkarhi wa ku hanya hi nyama, kambe tirhisanani hi rirhandzu.

Vakolosa 3:16

Rito ra Kriste a ri tshame eka n'wina, ri andza. Dyondzisanani hi vutlhari hinkwabyo, mi khongotelana hi tipisalema, ni ku yimbelela, ni tinsimu ta Moya, mi ri karhi mi yimbelelela Hosi hi timbilu ta n'wina hi ku khensa.

Tito 3:8

Rito leri ri tiyile, kambe ndzi rhandza leswaku u tiyisa hi matimba timhaka leti, leswaku lava pfumeleke eka Xikwembu va tilangutela, va ta rhanga va chivirikela mitirho leyinene: Hi swona leswinene, leswi lulamelaka vanhu.

1 Timotiya 6:18

va tirha leswo saseka, va fuwa mitirho leyinene va rhandza ku avela van'wana swa vona, va hanana;

Vaheveru 13:3

Anakanyani lava bohiweke, kukota loko ngi mi bohiwile na vona; ni lava xanisiwaka, kukotisa leswi mi nga ni miri, na n'wina.

Vagalatiya 6:1

Vamakwerhu, kungakuloko munhu a kumiwa enandzwini, n'wina va Moya, n'wi pfuxeni hi moya wa ku olova; kutani wena u tilangutela leswaku u nga ringiwi, na wena.

1 Vakorinto 10:33

kukota loko na mina ndzi tsakisa hinkwavo eka hinkwaswo, ndzi nga tilaveri leswi ndzi fanelaka ntsena, kambe ndzi lava leswi fanelaka lavo tala, leswaku va ta ponisiwa.

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

2 Vakorinto 8:8

A ndzi vurisi sweswo hi nawu, kambe hileswaku ndzi ringeta hi ku gingirika ka van'wana, vunene bya rirhandzu ra n'wina.

Timhaka 11:29

Kutani vadyondzisiwa va va ni rito rin'we ku rhumela vamakwavo lava akeke eYudiya leswaku va pfuna hilaha un'wana ni un'wana a nga humesa hakona.

2 Vatesalonika 3:9

Swi nga ri leswaku hi pfumarile timfanelo ta ku endlisa sweswo; kambe a ku ri ku mi endlela ntila ha hina, mi ta hi etisa.

Vagalatiya 5:22

Kambe mihandzu ya Moya, i rirhandzu, ni ku tsaka, ni ku rhula, ni ku yingisela, ni ku tsakelana, ni vunene, ni ku tshembeka, ni ku olova, ni ku tikhoma.

2 Vakorinto 9:2

Hikuva ndzi tiva ku chivirika ka n'wina emhakeni yoleyo, ndzi ri karhi ndzi tidzunisa ha n'wina eka Vamakedoniya, hi ku va byela leswaku va Akaya va tilunghisile n'wexemu; kutani ku chivirika ka n'wina ku pfuxile lavo tala.

Varhoma 12:15

Tsakani ni lava tsakeke, mi rila ni lava rilaka.

Tito 2:4

va ta tlharihisa lavantshwa va va dyondzisa ku rhandza vanuna va vona, ni ku rhandza vana;

1 Vakorinto 9:22

Eka lava tsaneke, ndzi tiendle la tsaneke leswaku ndzi nghenisa lava tsaneke; ndzi tiendle hinkwaswo eka hinkwavo, leswaku ndzi ponisa van'wana hi leswo hinkwaswo.

1 Vatesalonika 1:3

a hi tshiki ku ehleketa ntirho wa ku pfumela ka n'wina, ni nyuku wa rirhandzu ra n'wina, ni ku chivirika ka ku tshemba ka n'wina eka Hosi Yesu Kriste, emahlweni ka Xikwembu, Tata wa hina;

Varhoma 11:4

Kambe Xikwembu xi n'wi hlamurise ku yini xana? Xi te: “Ndzi tihlayisele vavanuna va ntlhanu wa makume na makume mambirhi ya madzana, lava nga khinsamangiki emahlweni ka Baali.”

Pisalema 41:1

Ku katekile loyi a anakanyaka xisiwana, Hi siku ra khombo, Yehovha u ta n'wi lwela.

Swivuriso 29:7

Munhu wo lulama u twisisa timhaka ta xisiwana, Kambe lowo biha a nga na vutivi byo twisisa.

Vaheveru 3:13

kambe mi khongotelana hi masiku hinkwawo, ka ha hlayiwa leswaku: “Namuntlha” leswaku ku nga ti va na un'we exikarhi ka n'wina la tinonon'hwisaka hi ku xisiwa ka vudyoho.