Vaheveru 10:22 - Xitsonga (Bibele)

²² a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

BIBELE Mahungu Lamanene

²² a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.

Testamente Leyimpsha Xichangana

²² ahitshineleleni Xikwembu hi mbilu leyinamarhelaka ntiyiso ni kupfumela lokuhetisekeke; timbilu ta hina leti n'watsekiweke, atibase tihambana ni ripfalu lerobiha, ni miri wa hina wuva lowuhlampsiweke hi mati lawa yotenga.

Vaheveru 10:22 Referans Kwoze

Ezekiele 36:25

ndzi ta mi xuva hi mati layo basa, mi ta tenga; ndzi ta mi basisa eka mathyaka ya n'wina hinkwawo ni ka swifaniso swa n'wina hinkwaswo.

Yohane 3:5

Yesu a hlamula, a ku: “Kunenenene ndzi ri eka wena: Loko munhu a nga tswariwi hi mati ni Moya, a nga ka a nga ngheni eku fumeni ka Xikwembu.

1 Petro 3:21

kutani wa hi ponisa ni namuntlha hi ku khuvula, yi nga mhaka leyi nga fanisiwa khale, ku nga ri hi ku hlantswa thyaka ra miri, kambe ku ri ku tiboha hi ripfalo lerinene eka Xikwembu, hi ku pfuka ka Yesu Kriste,

Vaefesa 5:26

leswaku a yi kwetsimisa, loko a yi basisile hi ku yi khuvula hi mati hi rito ra yena,

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Vaheveru 7:19

hikuva nawu a wu hetisangi nchumu; kasi ku nghenile ku tshemba loku wu tlurisaka, loku hi tshinelelaka Xikwembu hakona.

2 Vakorinto 7:1

Sweswi, varhandziwa, loko hi ri ni ku tshembisiwa kuloko, a hi tihlantsweni thyaka hinkwaro ra miri ni ra moya, hi ri karhi hi hetisa ku hlawuleka ka hina exichabyeni xa Xikwembu.

Vaheveru 4:16

Hikwalaho, a hi tshineleleni hi ku tshemba xiluvelo xa tintswalo, leswaku hi ta tweriwa vusiwana, hi kuma tintswalo, hi ta pfuniwa enkarhini lowu lulameke.

Vaheveru 12:24

ni le ka Yesu, mulamuri wa ntwanano lowuntshwa, ni le ka ngati leyi ku xuviwaka ha yona, leyi vulaka timhaka leti tlulaka ta ngati ya Avele hi ku saseka.

Tito 3:5

u hi hanyisile, ku nga ri hi mitirho leyinene leyi tirhiweke hi hina, kambe hi tintswalo ta xona, hi ku hlantswa ka ku tswariwa ra vumbirhi, ni vuntshwa bya Moya lowo Kwetsima,

Pisalema 73:28

Loko ndzi ri mina, ku tshinelela Xikwembu, i rifuwo ra mina. Ndzi vekile vuchavelo bya mina eka Hosi Yehovha, Leswaku ndzi ta amba mitirho ya wena hinkwayo.

1 Petro 1:2

va nga lava hlawuriweke hi ku tiviwa emahlweni hi Xikwembu Tatana, va ri karhi va kwetsimisiwa hi Moya, leswaku va ta yingisa Yesu Kriste, ni ku xuviwa hi ngati ya yena: Tintswalo ni ku rhula a swi mi talele!

Vaefesa 3:12

yeloyi hi pfumeleriweke ha yena ku tshinelela Xikwembu hi ku tshemba, hi ku pfumela eka yena.

Yakobo 4:8

Tshinelelani Xikwembu, kutani xi ta mi tshinelela. Hlambani mandla, n'wina vadyohi; na n'wina va timbilu timbirhi hlantswani timbilu ta n'wina.

Vaheveru 9:19

Hikuva Muxe, kuteloko a byerile tiko hinkwaro ku lerisa hinkwako ka nawu, u teke ngati ya marhole ni ya swiphongo, yi nga ni mati, ni voya lebyo tshwuka, ni hisopa, a xuva yona buku, ni tiko hinkwaro, a ku:

Matewu 3:11

Loko ndzi ri mina, ndzi mi khuvula hi mati ntsena leswaku mi tshika swo biha, kambe loyi a taka endzhaku ka mina, wa ndzi tlula hi matimba, kutani a swi ndzi faneri ku n'wi rhwalela tintanghu; hi yena la nga ta mi khuvula hi moya lowo kwetsima ni ndzilo.

Ezekiele 16:9

“Ndzi ku hlantswa ematini, ndzi susa ngati ya wena ehenhla ka wena, ndzi ku tota hi mafurha.

Yeremiya 24:7

Ndzi ta va nyika timbilu leti tivaka leswaku ndzi Yehovha; ri ta va tiko ra mina, mina ndzi va Xikwembu xa vona hikuva va ta hundzukela ka mina hi timbilu hinkwato ta vona.

Levhitika 8:6

Kavaloko Muxe a tshineta Aroni ni vana va yena, a va hlantswa hi mati.

Yakobo 1:6

Ntsena a a kombele hi ku pfumela, a nga kanakani, hikuva la kanakanaka u fana ni magandlati ya lwandle lama biwaka hi moya, ma hoxiwa hinkwako.

Swivuriso 23:26

N'wananga, ndzi he mbilu ya wena, Mahlo ya wena a ma tsakisiwe hi ndlela ya mina.

Pisalema 119:7

Ndzi ta ku dzunisa hi mbilu leyi lulameke, Loko ngi ndzi dyondzile ku avanyisa ka wena loko lulama.

Pisalema 51:10

Oho Xikwembu! Vumba endzeni ka mina mbilu leyo tenga. U tlhela u pfuxa endzeni ka mina moya lowo tiya.

Tinhlayo 8:7

Lexi u nga ta va endlela xona ku va basisa, hi lexi: U ta va xuva hi mati lama hlantswaka swivi, kutani va ta fambisa rikari emirini hinkwawo wa vona; va hlantswa tinguvu ta vona, kutani va ta tibasisa.

Levhitika 14:7

Kutani u ta xuva ha yona kantlhanu ni kambirhi ehenhla ka loyi a faneleke ku basisiwa nhlokonho, u ta n'wi vula la tengeke, kutani a tshika nyanyana leyi hanyaka yi hahela emananga.

Vaheveru 11:28

Hi ku pfumela, u endlile Paseka ni ku xuva ka ngati, leswaku muherisi wa mativula a nga khumbi ya Vaisraele.

Vaheveru 10:19

Hikwalaho, vamakwerhu, leswi hi pfumeleriwaka ku nghena evukwetsimelweni hi ngati ya Yesu,

Zakariya 13:1

“Xihlovo xi ta va kona, hi siku rolero, lexi nga ta funungulelwa yindlu ya Davhida ni vaaki va Yerusalema, ku hlantswa xivi ni thyaka.

Esaya 29:13

Hosi yi te: “Loko tiko leri, ri titshinetile eka mina hi milomu, va ndzi chava hi nomu, kasi timbilu ta vona ti le kule na mina, ni xichavo lexi va ndzi chavaka ha xona, wu ri nawu ntsena wa vanhu lowu va wu dyondzeke.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

Eksoda 29:4

Kutani u ta tshineta Aroni ni vana va yena enyangweni ya Tabernakela ya nhlengeletano, u va hlantswa hi mati.

Vaheveru 9:10

yi nga milawu ya misava ntsena, leyi lerisaka swakudya, ni swakunwa, ni swa ku hlantswa leswo tala, ku ko ku fika nkarhi wa ku pfuxeta hinkwaswo.

1 Timotiya 4:2

hi ku ya hi ku kanganyisa ka vafundhisi lavo hemba, lava mapfalo ya vona ma feke, lava nga ta sivela vanhu ku tekana;

Yeremiya 30:21

Hosi ya wena yi ta huma eka yena mufumi wa yena u ta huma exikarhi ka yena ndzi ta n'wi tshineta, kutani u ta ta eka mina; hikuva i mani la nga ta kanya mbilu leswaku a tshinelela ka mina, ku vula Yehovha.

Yeremiya 3:10

Hambiswiritano, Yuda, makwavo la nga tshembekangiki, a nga ha vuyanga eka mina hi mbilu hinkwayo kambe byi va hi vunwa, ku vula Yehovha.”

Esaya 52:15

hi mukhuva wolowo u ta tsakisa ngopfu matiko ya ku tala; tihosi ti ta pfala milomu ya tona, hikuva ti ta vona leswi ti nga siki tivisiwaka swona, ti ta dyondza leswi ti nga siki yingisaka swona.

Pisalema 119:145

Ndzi huwelela hi mbilu ya mina hinkwayo: Ndzi hlamule, Yehovha, ndzi ta hlayisa timfanelo ta wena.

Nhlavutelo 1:5

ni ka Yesu Kriste, mbhoni leyi tshembekaka, ni mativula exikarhi ka vafi, ni Hosi ya tihosi ta misava!

Vaefesa 6:5

N'wina malandza, yingisani vini va n'wina enyameni hi xichavo, ni ku rhurhumela, timbilu ta n'wina ti basile, kukotisa loko mi yingisa Kriste,

Timhaka 8:21

A ku na ku averiwa ni ku pambuleriwa emhakeni leyi, hikuva mbilu ya wena a yi lulamanga emahlweni ka Xikwembu.

Yohane 8:9

Kuteloko va twile ku hlamula ka yena, va tshinyiwa hi mapfalo, kutani va tisukela va longolokile, ku sungula hi lavakulu, ku hetelela hi lave ndzhaku; Yesu a sala a ri swakwe; wansati yena a yime xikarhi.

Pisalema 119:80

Mbilu hinkwayo ya mina a yi tinyikete timfanelo ta wena, Leswaku ndzi nga khomisiwi tingana.

Pisalema 119:69

Vatikurisi va ndzi lumbeta hi vunwa; Kambe mina ndzi hlayisa swileriso swa wena hi mbilu ya mina hinkwayo.

Pisalema 119:58

Ndzi lavile mombo wa wena hi mbilu hinkwayo ya mina; Ndzi tsetselele hi laha u ndzi tshembiseke hakona!

Pisalema 119:34

Ndzi nyike ku twa swinene, leswaku ndzi ta hlayisa nawu wa wena; Ndzi endla ha wona hi mbilu ya mina hinkwayo!

Pisalema 119:10

Ndzi ku lava hi mbilu ya mina hinkwayo: U nga ndzi tshiki ndzi hambuka ku lerisa ka wena!

Pisalema 119:2

Ku katekile lava hlayisaka ku tsundzuxa ka yena, Lava n'wi lavaka hi timbilu hinkwato ta vona;

Pisalema 111:1

Dzunisani Yehovha! Ndzi ta dzunisa Yehovha hi mbilu hinkwayo ya mina, Eku hlanganeni ka valulami ni le nhlengeletanweni.

Pisalema 94:15

Hikuva ku avanyisa ku ta tlhelela eku lulameni, Kutani hinkwavo va timbilu to lulama va ta ku khensa.

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Pisalema 32:11

Titsakeleni ha Yehovha, mi va mi tsakisisa, n'wina va ku lulama! Yimbelelani hi ku tsaka, n'wina hinkwenu va timbilu to lulama!

Pisalema 9:1

Ndzi ta dzunisa Yehovha hi mbilu hinkwayo ya mina, Ndzi ta vula mahlori ya wena hinkwawo.

1 TIKRONIKA 29:17

Oho! Xikwembu xanga! Ndzi tiva leswaku u kamba mbilu, ni leswaku! U tsakela ku lulama; loko ndzi ri mina, ndzi humesile swilo leswi hinkwaswo hi ku lulama ka mbilu yanga, kutani sweswi, tiko ra wena leri nga kwala, ndzi ri vonile hi ku tsaka loko ri ku humesela mihlengo ya rona.

1 TIKRONIKA 12:33

Va Zebuloni, vavanuna lava humaka nyimpi, lava hlomeke matlhari hinkwawo ya nyimpi, a va ri 500 000 lava humaka eku lweni hi timbilu leti tiyeke.

1 TIHOSI 15:3

A endla swidyoho hinkwaswo leswi endliweke hi tata wa yena, loko a nga si fuma; mbilu ya yena yi nga ri hinkwayo ya Yehovha, Xikwembu xa yena, kukotisa mbilu ya Davhida, tata wa yena.

Levhitika 16:4

U ta ambala hembe leyi hlawuriweke ya ntsembyana, a ambala ni buruku ra ntsembyana ku funengeta vuhava bya yena, a tikhama hi vamba ra ntsembyana, a tifunengeta nhloko hi xihuku xa ntsembyana. Hi tona tinguvu leti hlawulekeke; u ta rhanga a hlamba ematini, kutani u ta ti ambala.

Luka 1:1

Leswi van'wana va ringeteke ku rungula hi ku ti longoloxa timhaka leti humeleleke exikarhi ka hina,

Timhaka 22:16

Kutani sweswi, u hlwelela yini? Yima u khuvuriwa, u hlantswiwa ku dyoha ka wena hi ku khongela vito ra yena.’

Vaheveru 6:11

Kambe hi navela leswaku un'wana ni un'wana wa n'wina a kombisa ku chivirika kuloko leswaku ku tshemba ku ta tiya ku ya fika makumu;

Vaheveru 10:1

Hikuva nawu, leswi wu nga ndzhuti wa leswo saseka leswi nga ta humelela, swi nga riki xifaniso xa xiviri xa timhaka, wu tsandzekile ku hetisisa, ni siku ni rin'we, lava tshinelelaka magandzelo lama humesiwaka hi masiku hi lembe rin'wana ni rin'wana.