Vaheveru 10:12 - Xitsonga (Bibele)

¹² kambe yena, kuteloko a humesile mhamba yi ri yin'we hikwalaho ka vudyoho, u titshamele evokweni ra xinene ra Xikwembu hilaha ku nga heriki,

BIBELE Mahungu Lamanene

¹² Kasi Kriste ú humesile kan'we gandzelo rin'we ro susa swidyoho, a ri humesela vanhu va minkarhi hinkwayo, kutani ú yile a ya tshama evokweni ra xinene ra Xikwembu.

Testamente Leyimpsha Xichangana

¹² Kasi Kriste ahumesile kan'we mhamba yin'we yosusa svijoho, kutani atshame vokweni ra xinene ra Xikwembu.

Vaheveru 10:12 Referans Kwoze

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Vakolosa 3:1

Sweswi, loko mi pfukile na Kriste, lavani leswi nga ehenhla, laha Kriste a tshameke kona evokweni ra xinene ra Xikwembu.

Varhoma 8:34

Kriste, loyi a feke, a engeta a pfuka, hi yena la nga evokweni ra xinene ra Xikwembu; hi yena kambe la hi khongelelaka.

Vaheveru 9:12

u nghenile kan'we exikwetsimisweni, ku nga ri hi ngati ya swiphongo ni ya marhole, kambe hi ngati ya yena hi xiviri; kutani u kumile ku kutsula loku nga heriki.

Vaheveru 8:1

Kutani nhloko ya timhaka leti vuriweke hileswaku, hi ni muprista lonkulu lowo tano, la tshamaka evokweni ra xinene ra xiluvelo xa vuhosi le matilweni,

Pisalema 110:1

Yehovha u te eka hosi ya mina: “Tshamisa evokweni ra mina ra xinene, Ndzi ko ndzi endla lava nga valala eka wena Vunavelo bya mikondzo ya wena.”

Marka 16:19

Hosi, kuteloko yi vulavurile na vona, yi tekeriwa etilweni, kutani yi ya tshamisa evokweni ra xinene ra Xikwembu.

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

Vaheveru 5:1

Hikuva muprista lonkulu, hambi a ri mani na mani, leswi a tekiwaka exikarhi ka vanhu, a vekeriwa ta Xikwembu hikwalaho ka vanhu, leswaku a ta humesa mihlengo ni magandzelo hikwalaho ka swidyoho,

Vaheveru 5:3

Kutani hikwalaho ka yona, swa n'wi fanela leswaku a tihumesela magandzelo hikwalaho ka swidyoho swa yena, kukotisa loko a humesele tiko.

Vaheveru 7:27

la nga faneriki hi masiku hinkwawo kukotisa vaprista lavakulu, ku rhanga a humesa magandzelo hikwalaho ka vudyoho bya yena, a tlhela a humesa ni ya vudyoho bya tiko, hikuva leswi, u swi endlile kan'we, a ri yena mhamba.

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

Vaheveru 10:10

Hi ku rhandza kuloko, hi basisiwa hi magandzelo ya miri wa Yesu Kriste, lama nga endliwa kan'we.

Vaheveru 10:14

Hikuva hi ku humesa mhamba kan'we, u hetisile hilaha ku nga heriki lava basisiweke.