Vaheveru 10:1 - Xitsonga (Bibele)

¹ Hikuva nawu, leswi wu nga ndzhuti wa leswo saseka leswi nga ta humelela, swi nga riki xifaniso xa xiviri xa timhaka, wu tsandzekile ku hetisisa, ni siku ni rin'we, lava tshinelelaka magandzelo lama humesiwaka hi masiku hi lembe rin'wana ni rin'wana.

BIBELE Mahungu Lamanene

¹ Leswi Nawu wu nga ndzhuti ntsena wa leswo saseka leswi nga ta humelela, ematshan'wini ya ku va xivumbeko xa xiviri xa swilo swa kona, wu nga ka wu nga swi koti, hi magandzelo man'we ni lama humesiwaka kambe na kambe malembe hinkwawo, ku endla leswaku lava tshinelelaka Xikwembu va va lava hetisekeke.

Testamente Leyimpsha Xichangana

¹ Lesvi Nawu wunga ndzhuti ntsena wa lesvosaseka lesvingatahumelela, ahi ntiyiso wa xiviri wa svilo svakona, xilesvo svingakala svingasvikoti, kuva timhamba tin'we ni leti tihumesiwaka hi kuphindhaphindha malembe hinkwawu, kuyendla lesvaku lavatshinelelaka Xikwembu vava lavahetisekeke.

Vaheveru 10:1 Referans Kwoze

Vaheveru 8:5

va nga lava gandzelaka hi mukhuva wa xifaniso ni ndzhuti wa leswi nga etilweni, hilaha Muxe a lerisiweke hakona, loko a ta endla tabernakela, hileswaku: “Tivonele, u endla hinkwaswo hilaha u kombisiweke hakona, u ri entshaveni.”

Vaheveru 9:11

Kambe Kriste loko a humelele, a ri muprista lonkulu wa swilo swo saseka leswi nga ta ta, u tsemakanyile tabernakela leyi tlurisaka hi vukulu ni ku hetiseka, leyi nga endliwangiki hi mavoko, hileswaku leyi nga riki ya misava leyi,

Vakolosa 2:17

swi ri leswi nga ndzhuti wa leswi nga ta ta, kambe miri wa swona i Kriste.

Vaheveru 9:23

Kunene a swi fanekela leswaku swilo leswi fanisaka swa le tilweni swi hlantswiwa hi mukhuva wolowo, kambe loko swi ri swa le tilweni, a swi fanela ku hlantswiwa hi magandzelo lama tlurisaka walawo.

Vaheveru 9:25

swi nga ri leswaku a tiendla kangani mhamba kukotisa muprista lonkulu, loko a nghena evukwetsimelweni hi lembe rin'wana ni rin'wana, a tamele ngati leyi nga riki ya yena,

Varhoma 8:3

Hikuva leswi ngi swi tsandza nawu hikwalaho ka nyama, Xikwembu xi swi endlile, xi avanyisile vudyoho enyameni, loko xi rhumile N'wana wa xona enyameni leyi fanaka ni ya vadyohi, hikwalaho ka vudyoho;

Vaheveru 7:11

Loko ngi ku hetiseka a ku ri kona evupristeni bya Levhi (vuprista byolebyo tiko ri tiyisiweke ha byona), xana swi fanela ha yini leswaku ka ha pfukelela muprista un'wana loyi a vuriwaka hi mukhuva wa Melkisedeke, ku nga ri hi mukhuva wa a Aroni xana?

Vaheveru 10:22

a hi tshineleleni hi mbilu leyinene, ni ku pfumela loku hetisekeke, timbilu ta hina ti basisiwile, ti nga ha ri na mapfalo layo biha,

Levhitika 9:16

Kutani a humesa holokosta, a yi humesa hi nawu wa yona.