Vaheveru 1:8 - Xitsonga (Bibele)

⁸ kambe loko xi vula N'wana, xi te: “Xikwembu, xiluvelo xa wena xi tiyile hilaha ku nga heriki, kutani nhonga ya vuhosi bya wena i nhonga ya ku lulama.

BIBELE Mahungu Lamanene

⁸ Kambe hi tlhelo ra N'wana, xi te: “Xiluvelo xa wena, we Xikwembu, i xa minkarhi ni minkarhi, nhonga ya wena ya vuhosi i nhonga ya ku lulama.

Testamente Leyimpsha Xichangana

⁸ Kambe hi tlhelo ra N'wana, xite: “Xiluvelo xa wena, we Xikwembu, i xa minkarhi ni minkarhi, nhonga ya wena ya vuhosi i nhonga ya kululama.

Vaheveru 1:8 Referans Kwoze

Yohane 10:30

Mina na Tatana hi endla un'we.”

Varhoma 9:5

hi vona lava humaka eka vatatana, lava Kriste a humeke eka vona hitlhelo ra nyama, yena la nga ehenhla ka swilo hinkwaswo, Xikwembu lexi vongiwaka hilaha ku nga heriki. Amen!

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Pisalema 145:13

Ina, ku fuma ka wena i ku fuma ka mikarhi hinkwayo, Ni vuhosi bya wena byi kona ku yisa etinxakeni leti nga heriki.

Malakiya 3:1

Vonani, ndzi ta rhuma ntsumi ya mina, yi ta lunghisa ndlela emahlweni ka mina; kutani xikan'we, Hosi leyi mi yi lavaka yi ta nghena etempeleni ya yona, yi nga ntsumi ya ntwanano lowu mi wu navelaka. Vonani, wa ta, ku vula Yehovha wa mavandla.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

1 Vakorinto 15:25

Hikuva u fanele ku fuma a kondza a veka valala hinkwavo ehansi ka mikondzo ya yena.

Yohane 20:28

Tomasi a hlamula, a ku eka yena: “Hosi yanga ni Xikwembu xanga!”

Hosiya 1:7

Loko yi ri yindlu ya Yuda, ndzi ta yi tsetselela, ndzi yi ponisa ha Yehovha, Xikwembu xa yona, ndzi nga ka ndzi nga va ponisi hi miseve; ni tlhari, ni ku lwa, ni tihanci, ni vakhandziyi.”

2 SAMIELE 23:3

Xikwembu xa Israele xi vurisile, Ribye ra xichavelo xa Israele ri te eka mina: “Un'wana la lulameke u ta fuma vanhu, Mufumi la chavaka Xikwembu,

Pisalema 99:4

A va dzunise matimba ya Hosi leyi rhandzaka ku lulama! Hi wena la tiyisaka ku lulama, La humeseleke Yakobo ku avanyisa ni ku lulama.

Duteronoma 2:37

Kambe a ku tshinelanga tiko ra vana va Amoni, ni loko ri ri ribuwu hinkwaro ra nambu wa Yaboko, ni loko yi ri miti ya ntshava, ni loko swi ri hinkwaswo leswi Yehovha, Xikwembu xa hina, xi hi siveleke swona.

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

Yohane 10:33

Vayuda va n'wi hlamula, va ku: “A ku khandleriwi ntirho lowunene, kambe hikwalaho ka xisandzu, hikuva hambi u ri munhu, u tiendla Xikwembu.”

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Yeremiya 38:15

“Loko ndzi ku byela mhaka, a wu nga ndzi dlayi xana? Hambi ndzi ku byela mhaka, u ta ala ku ndzi yingisa xana?”

Esaya 45:25

Eka Yehovha va ta lulamisiwa, va va va dzunisiwa hinkwavo va rixaka ra Israele.

Pisalema 72:7

Emasikwini ya yona, lowo lulama u ta hluka; Ni ku rhula ku ta andza, n'weti wu ko wu nga ha ri kona.

Duteronoma 7:14

U ta tlula hi ku kateka matiko hinkwawo; ku nga ka ku nga vi na mhika eka rikwenu, hambi a ri wanuna, hambi wansati, hambi swi ri swifuwo emitlhambini ya wena.

2 Petro 1:11

Hikuva hi mukhuva wolowo, mi ta hiwa ku nghena eku fumeni loku nga heriki ka Yesu Kriste, Hosi ni Mulondzovoti wa hina.

Luka 1:75

hi mukhuva lowo saseka, lowu lulameke emahlweni ka yena, hi masiku hinkwawo ya ku hanyaka hina.