Vaheveru 1:14 - Xitsonga (Bibele)

¹⁴ Xana hinkwato a hi mimoya leyi tirhaka xana, leyi rhumiweke entirhweni, yi rhumeriwa lava nga ta fuwa ndzhaka ya ku hlayiseka xana?

BIBELE Mahungu Lamanene

¹⁴ Xana tintsumi hinkwato a hi mimoya leyi tirhelaka Xikwembu, leyi rhumiweke ku pfuna vanhu lava fanelaka ku kuma ku ponisiwa xana?

Testamente Leyimpsha Xichangana

¹⁴ Xana tintsumi hinkwatu ahi mimoya leyitirhelaka Xikwembu, leyirhumiweke kupfuna vanhu lavafanelaka kukuma kuponisiwa ke?

Vaheveru 1:14 Referans Kwoze

Pisalema 34:7

Ntsumi ya Yehovha yi rhendzela lava n'wi chavaka, Kutani yi va kutsula.

Matewu 18:10

“Tilanguteleni, mi nga tshuki mi sola un'wana wa lavatsongo lava hikuva ndzi ri eka n'wina, tintsumi ta vona ematilweni ti languta hi masiku mombo wa Tatana la nga ematilweni.

Daniele 6:22

Xikwembu xa mina xi rhumile ntsumi ya xona, yi sivile milomu ya tinghala leswaku ti nga tshuki ti ndzi endla nchumu, hikuva ndzi kumiwile ndzi nga ri na nandzu emahlweni ka xona; ni le mahlweni ka wena, hosi, a ndzi dyohanga nchumu.”

Timhaka 27:23

Hikuva ntsumi ya Xikwembu lexi ndzi nga wa xona, lexi ndzi xi gandzelaka, yi tikombisile eka mina evusikwini lebyi,

Timhaka 5:19

Kambe ntsumi ya Hosi yi pfula tinyangwa ta khotso nivusiku, yi va humesela ehandle, yi ku:

Timhaka 12:7

Kambe vonani, ntsumi ya Hosi yi humelela, ku vonakala ku vangama endlwini; kutani yi hlakahla Petro etsheveni, yi n'wi pfuxa, yi ku: “Hatlisa u pfuka.” Kutani timpecana ti wa emavokweni ya yena.

Luka 1:19

Ntsumi yi n'wi hlamula, yi ku: “Hi mina Gabriele la yimaka emahlweni ka Xikwembu; ndzi rhumiwile ku ta vulavula na wena ni ku ku byela timhaka toleto letinene.

Matewu 1:20

Kakuloko a anakanya swona, ntsumi ya Xikwembu, yi ta eka yena hi norho, yi ku: “Yosefa, n'wana Davhida u nga chavi ku titekela Mariya, nsati wa wena, hikuva leswi xurheke hi yena, i swa Moya lowo Kwetsima;

Daniele 3:28

Kutani Nebukadnetsara a vulavula, a ku: “A ku dzunisiwe Xikwembu xa Xadraka, na Mexaka, na Abedi-Nego lexi rhumeke ntsumi ya xona, xi hlayisile malandza ya xona lama xi tshembeke, lama tluleke ku lerisa ka hosi; va tshiketile miri ya vona leswaku va nga tshuki va tirhela ni ku khongela xikwembu xin'wana, loko xi nga ri Xikwembu xa vona.

Luka 16:22

Kambe xisiwana xi fa, kutani tintsumi ti n'wi tekela exifuveni xa Abrahama. Mufuwi, na yena, a fa, a lahliwa esirheni.

Timhaka 12:23

Kutani hi nomu lowu, ntsumi ya Hosi yi n'wi ba, hikuva a nga dzunisanga Xikwembu; kutani a dyiwa hi swivungu, a fa.

Luka 2:9

Kutani, hi nomu lowu, ntsumi ya Hosi yi humelela eka vona, ku vonakala ka Hosi ku va rhendzela, kutani va chava hi ku chava lokukulu.

Luka 2:13

Kutani hi nomu lowu, vunyingi bya mavandla ya le henhla byi va ni ntsumi, byi vonga Xikwembu, byi ku:

Pisalema 104:4

U teka mimoya a endla tintsumi ta yena ha yona U tlhela a teka malangavi ya ndzilo a endla malandza ya yena ha wona.

Matewu 2:13

Kuteloko va sukile, ntsumi ya Hosi, yi ta eka Yosefa hi norho, yi ku: “Pfuka, u teka xihlangi, ni mana wa xona, u balekela eEgipta, u tshama kona ndzi ko ndzi ku byela, hikuva Heroda u ta lava xihlangi ku xi dlaya.”

Tito 3:7

leswaku, leswi hi nga hlayiwa lava lulameke hi tintswalo ta xona, hi ta va ni ku tshemba ku endliwa vadyandzhaka va vutomi lebyi nga heriki.

Nhlavutelo 5:6

Kutani ndzi vona exikarhi ka xiluvelo ni swivumbiwa leswi hanyaka leswa mune, ni le xikarhi ka vakulukumba, xinyimpfana lexi ngi xi ri kona, lexi ngi xi tlhaviwile, xi ri ni timhondzo ta ntlhanu na timbirhi, ni mahlo ya ntlhanu na mambirhi, leyi nga mimoya ya ntlhanu na mimbirhi va Xikwembu, leyi rhumiweke hinkwako la emisaveni.

1 Petro 1:12

Kutani va kombisiwile leswaku a va titirhelanga, kambe va tirhele hina, etimhakeni leti mi ti byeriweke sweswi, hi lava mi dyondziseke hi Moya lowo Kwetsima lowu rhumiweke, wu huma etilweni, ti nga timhaka leti tintsumi ti navelaka ngopfu ku ti hlometela.

Matewu 25:34

“Hilaha Hosi yi nga ta byela va le vokweni ra yena ra xinene, yi ku: ‘Tanani n'wina lava katekisiweke hi Tatana, amukelani ndzhaka ya ku fuma, leyi mi nga lunghiseriwa kaharhi loko misava yi tumbuluka;

Yuda 1:14

Hi vona valavo Enoko, wanuna lowa vuntlhanu na vambirhi ku sukela eka Adamu, a nga va bvumbha loko a te:

1 Petro 1:4

hi ta nyikiwa ndzhaka leyi nga boriki, leyi nga nyamisiwiki, yi nga vuniki, leyi hlayiseriweke hina ematilweni,

Vaheveru 6:17

Hi sweswo ni Xikwembu, loko xi rhandza ku kombisisa vadyandzhaka va ku tshembisa ku tiya ka makungu ya xona, xi nghenisa ku hlambanya,

2 Vatesalonika 1:7

siku Hosi Yesu a vonakalaka, a huma etilweni ni tintsumi ta yena leta matimba,

Vafilipiya 2:25

Kambe ndzi anakanyile leswaku ndzi fanele ku mi rhumela Epafrodito makwerhu, ni nakulorhi emitirhweni ni le ku lweni; i murhumiwa wa n'wina ni loyi a nga ndzi pfuna evusiwaneni,

2 Vakorinto 9:12

Hikuva ku pfuna ka ntirho wolowo a ku khorwisi vapfumeri va vakwetsimi ntsena, kambe ku andzisa ngopfu ku khensa eka Xikwembu;

Varhoma 15:27

Va swi tsakerile hikuva va ni nandzu eka vona swinene. Hikuva vamatiko, loko va averiwile xuma xa vona xa Moya na vona, va fanele ku va tirhela hi xuma xa vona xa nyama.

Varhoma 15:16

leswaku ndzi va nandza wa Yesu Kriste exikarhi ka vamatiko, ku tirha ntirho wa Evhangeli ya Xikwembu, leswaku vamatiko va ve nhlengo lowu nandzihelaka Xikwembu, wu ri karhi wu kwetsimisiwa hi Moya lowo Kwetsima.

Varhoma 13:6

Hikwalaho mi humesaka ndzuvo; hikuva tihosi, i vatirhi va Xikwembu lava tiyiselaka entirhweni wa vona hi mikarhi.

Timhaka 13:2

Kakuloko va ri karhi va tirha ntirho wa Hosi, va titsona swakudya, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Timhaka 11:22

Timhaka teto, kuteloko ti fikile etindleveni ta kereke leyi nge Yerusalema, yi rhuma Barnaba leswaku a endza eAntiyoka.

Luka 1:23

Kuteloko masiku ya ku tirha ka yena ma herile, a tlhelela endlwini ya yena.

Matewu 24:31

U ta rhuma tintsumi ta yena leti yimbaka tinanga ta mpfumawulo lowukulu, ti ta hlengeleta vahlawuriwa va yena etimhehweni leta mune, ku sungula emakun'wini ya matilo, ku yisa emakun'wini man'wana.

Matewu 13:41

N'wana wa Munhu u ta rhuma tintsumi ta yena, ti ta humesa ehandle ka ku fuma ka yena vakhunguvanyisi hinkwavo, ni lava endlaka leswo biha.

Daniele 7:10

Nambu wa ndzilo a wu huma wu khuluka emahlweni ka yena. A tirheriwa hi madzana ya madzana, kutani dzana ra timiliyoni a ti yimile emahlweni ka yena. Kavaloko vaavanyisi va tshama, kutani tibuku ti phendliwa.

Ntirho 1:6

Siku rin'wana vana va Xikwembu va ya humelela emahlweni ka Yehovha na yena Satana a nghena exikarhi ka vona.

1 Petro 3:7

Hi mukhuva wolowo, na n'wina vavanuna, tshamani ni vasati va n'wina hi mukhuva lowu sasekeke, mi tiva leswaku va kotisa swibya leswi nga tiyangiki, mi va ni xichavo, hikuva na vona, swin'we na n'wina, va ta dya ndzhaka ya tintswalo ta vutomi, leswaku ku khongela ka n'wina ku nga ti tsandzekisiwa.

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Vaheveru 10:11

Loko a ri muprista un'wana ni un'wana, a ri karhi a yima hi masiku hinkwawo, a tirhela Xikwembu, a humesa kanyingi magandzelo ma ri man'we lama nga tiviki, ni siku ni rin'we, ku susa swidyoho;

Vaheveru 8:6

Kambe sweswi, Kriste u kumile ntirho lowu tlulaka yin'wana swonghasi, leswaku a va mulamuri wa ntwanano lowu sasekeke hi ku tluriswa lowu tiyisiweke hi ku tshembisa loku tlurisaka hi ku saseka.

Vaheveru 6:12

leswaku mi nga ti hundzuka lava lolohaka, kambe mi va valandzeri va lava kumaka ndzhaka ya ku tshembisiwa, hi ku pfumela ni ku leha ka mbilu.

Vaheveru 5:9

kutani, kuteloko a hetisekile, a va n'wini wa ku kutsula loku nga heriki, eka hinkwavo lava n'wi yingisaka;

Vafilipiya 2:17

Swi nga tsandza ni loko ndzi endliwa mhamba hikwalaho ka ku gandzela ka n'wina, ni ku tirhela ku pfumela ka n'wina, kona ndzi nga tsaka, ndzi va ndzi tsakisisa na n'wina hinkwenu.

Vaefesa 3:6

xi nga leswaku vahedeni i vadyandzhaka swin'we ni Vaisraele va miri wu ri wun'we va ni ku averiwa kun'we eku tshembiseni ka Yesu Kriste eEvhangelini,

Vagalatiya 3:29

Kutani loko mi ri va Kriste, hilaha mi nga rixaka ra Abrahama, mi ri vadyandzhaka, hilaha ku tshembisiweke hakona.

Vagalatiya 3:9

hikwalaho, lava nga vapfumeri, va katekisiwa ni mupfumeri Abrahama.

Vagalatiya 3:7

tsundzukani hakona leswaku lava nga va ku pfumela, hi vona vana va Abrahama.

Varhoma 8:17

Kutani loko hi ri vana, hi vadyandzhaka na swona; ndzi ri vadyandzhaka va Xikwembu, ni vadyandzhakakulobye na Kriste, loko kunene hi twa ku vaviseka na yena, hi ta kwetsimisiwa na yena.

Timhaka 16:26

Kambe hi nomu lowu, ku tsekatseka lokukulu ka misava ku va kona; masungulo ya khotso ma tsekatsekisiwa, tinyangwa hinkwato ti pfuleka, kutani timpecana ta hinkwavo ti tshunxeka.

1 TIHOSI 22:19

Kutani Mikaya a ku: “Hikwalaho, yingisa rito ra Yehovha: Ndzi vonile Yehovha a tshamisile exiluvelweni xa yena, a ri ni vandla hinkwaro ra matilo ekusuhi na yena exineneni ni le ximatsini.

Genesa 32:24

Yakobo a sala a le swakwe; kutani munhu a lwa na yena, a kamana na yena byi ko byi xa.

Matewu 4:11

Kwalaho Diyavulosi a n'wi tshika; kutani vonani, tintsumi ti n'wi tshinelela, ti n'wi tirhela.

Marka 10:17

Kuteloko a humele endleleni, un'wana a tsutsuma, a khinsama emahlweni ka yena, a n'wi vutisa, a ku: “Mufundhisi lonene, ndzi ta endla yini ku dya ndzhaka ya vutomi le byi nga heriki?”

Varhoma 11:14

leswaku, kumbe ndzi ta pfuxa va nyama ya mina hi rilondzo, ndzi ponisa van'wana va vona.

1 Vakorinto 1:21

Hikuva leswi vutlharini bya Xikwembu, misava yi nga ka yi nga tivanga Xikwembu evutlharini bya yona, Xikwembu xi tirhandzele ku hanyisa vapfumeri hi vuhunguki bya ku dyondzisa Evhangeli.

Vaheveru 2:3

hina hi ta chupukisa ku yini, loko hi nga xiyi ku hlayiseka loko tano, loku nga sungula ku vuriwa hi Hosi, kambe ku tiyisiwile eka hina hi lava swi yingiseke,

Vaheveru 9:28

hi mukhuva wolowo, na yena Kriste, kuteloko a tiendlile mhamba kan'we ku susa ku dyoha ka lavo tala, a ta humelela ra vumbirhi a nga ha ri na swidyoho, eka lava n'wi languteleke leswaku a va hanyisa.