Vagalatiya 1:15 - Xitsonga (Bibele)

¹⁵ Kambe siku swi tsakiseke Xikwembu lexi nga ndzi hlawula, ndza ha ri ekhwirini ra manana, xi va xi ndzi vitana hi tintswalo ta xona,

BIBELE Mahungu Lamanene

¹⁵ Kambe Xikwembu lexi xi ndzi hlawuleke ndzi nga si velekiwa, xi ndzi vitanile hi tintswalo ta xona;

Testamente Leyimpsha Xichangana

¹⁵ Kambe Xikwembu lexi xinihlawuleke na ningasi velekiwa, xinivitanile hi timpsalu ta xona;

Vagalatiya 1:15 Referans Kwoze

Yeremiya 1:5

“Ndzi ku tivile ndzi nga si ku vumba ekhwirini ra mana wa wena, kambe u nga si huma enyimbeni, ndzi ku hlawurile, kutani ndzi ku vekile muprofeta wa matiko.”

Esaya 49:5

Kutani sweswi Yehovha wa vulavula, yena la ndzi vumbeke ndza ha ri ekhwirini ra manana leswaku ndzi ta va nandza wa yena, ndzi n'wi vuyisela Yakobo, ndzi n'wi hlengeletela Israele. Hikuva ndza chaviseka emahlweni ka Yehovha, kutani matimba ya mina i Xikwembu xa mina.

Esaya 49:1

N'wina swihlale, mi ndzi yingisa, na n'wina matiko lama nga ekule, rhiyani tindleve! Yehovha u ndzi vitanile ndza ha ri ekhwirini ra manana; u ndzi thyile vito loko ndzi ri ekhwirini ra mana wa mina.

2 Timotiya 1:9

lexi hi hanyiseke, kutani xi hi vitanile hi ku vitana loku kwetsimaka, ku nga ri hikwalaho ka mitirho ya hina, kambe hi ku tirhandzela ka xona, ni tintswalo leti hi ti nyikiweke ha Yesu Kriste, mikarhi yi nga si va kona,

Vaefesa 1:5

hikuva hi rirhandzu ra xona xi hi hlawurile khale ku hi endla vana va xona ha Yesu Kriste hi ku tirhandzela ka vunene bya xona,

1 Vakorinto 1:9

Xikwembu xa tshembeka, lexi mi vitaneleke ku hlangana ni N'wana wa xona, Yesu Kriste, Hosi ya hina.

Varhoma 1:1

Mina Pawulo, nandza wa Yesu Kriste, ndzi nga vitaniwa ku va muapostola, ndzi hlawuriweke ku tivisa Evhangeli,

Timhaka 13:2

Kakuloko va ri karhi va tirha ntirho wa Hosi, va titsona swakudya, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Timhaka 9:15

Kambe Hosi yi ku eka yena: “Yana, hikuva loyi, i khuwana leri ndzi tihlawuleleke rona, ku yisa vito ra mina eka vamatiko, ni ka tihosi, ni ka vana va Israele;

Varhoma 8:30

Kutani lava xi va hlawuleke eku sunguleni, xi engetile xi va vitana; kutani lava xi va vitaneke xi engete xi va khanisa kutani lava xi va khaniseke, xi vuya xi va dzunisa.

Varhoma 1:5

a nga yena loyi hi nyikiweke ha yena tintswalo ni vuapostola, leswaku exikarhi ka matiko hinkwawo, vanhu va yingisa hi ku pfumela vito ra yena,

Matewu 11:26

Ina, Tatana, hi sweswo hikuva hilaha u tirhandzeleke hakona.

1 SAMIELE 12:22

Hikuva Yehovha a nga ka a nga tshiki tiko ra yena hikwalaho ka vito ra yena lerikulu, hi leswi Yehovha a titsakeleke ku mi endla tiko ra yena.

1 Petro 5:10

Kambe Xikwembu xa tintswalo hinkwato, lexi hi vitaneleke eku kwetsimeni ka xona loku nga heriki ha Yesu Kriste, kutakuloko mi twile ku vaviseka hi mikarhinyana, xi ta mi endla lava hetisekeke, xi mi tiyisa, xi mi nyika matimba, mi nga tsekatseki;

Vaefesa 3:11

hi makungu lawa xi ma endleke ka hari emikarhini ya ku sungula, xi ma hetisela ha Yesu Kriste, Hosi ya hina,

Vaefesa 1:9

xi hi tivisile xihundla xa ku rhandza ka xona, hi ku tirhandzela ka xona, hilaha xi nga tikanelela hakona,

Vagalatiya 1:6

Ndza hlamala hikuva mi tshikile la mi vitaneke etintswalweni ta Kriste, mi hatlise ku hundzela eEvhangelini yin'wana,

1 Vakorinto 15:10

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

1 Vakorinto 1:24

kambe eka lava vitaniweke, hambi va ri Vayuda, hambi va ri Vagriki, Kriste i matimba ya Xikwembu, ni vutlhari bya Xikwembu;

1 Vakorinto 1:1

Pawulo, la vitaniweke muapostola wa Yesu Kriste, hi ku rhandza ka Xikwembu, na Sostena, makwerhu,

Luka 10:21

Enkarhini wolowo, Yesu a tshukatshuka hi ku tsaka emoyeni wa yena a ku: “Ndza ku dzunisa Tatana, Hosi ya le tilweni ni ya misava, hikuva timhaka leti, u ti fihlele lavo tlhariha ni va mano, kambe u ti pfuletele lavatsongo. Ina, Tatana, swi tano, hikuva u swi rhandzise sweswo.

Varhoma 9:24

hikwalaho xi hi vitaneke, ku nga ri exikarhi ka Vayuda ntsena, kambe ni le xikarhi ka vamatiko.

Varhoma 8:28

Kambe ha swi tiva leswaku hinkwaswo swi tirhisana swin'we hi vunene eka lava rhandzaka Xikwembu, va nga lava xi va vitaneke hi makungu ya xona lama tiyeke.

1 Vakorinto 1:21

Hikuva leswi vutlharini bya Xikwembu, misava yi nga ka yi nga tivanga Xikwembu evutlharini bya yona, Xikwembu xi tirhandzele ku hanyisa vapfumeri hi vuhunguki bya ku dyondzisa Evhangeli.

Vagalatiya 1:1

Pawulo, muapostola, ku nga ri hi vanhu, hambi ku ri hi munhu ni un'we, kambe ku ri ha Yesu Kriste, ni Xikwembu, Tatana, la n'wi pfuxeke eku feni;