Vafilipiya 2:13 - Xitsonga (Bibele)

¹³ hikuva Xikwembu, hi xona lexi tirhaka eka n'wina ku rhandza ni ku endla hi ku tirhandzela ka xona.

BIBELE Mahungu Lamanene

¹³ hikuva i Xikwembu lexi tirhaka eka n'wina, lexi endlaka leswaku mi tsakela ni ku yingisa ku rhandza ka xona.

Testamente Leyimpsha Xichangana

¹³ hikuva i Xikwembu lexitirhaka ka n'wina lexiyendlaka lesvaku mitsakela ni kuyingisa kurhandza ka xona.

Vafilipiya 2:13 Referans Kwoze

Vaheveru 13:21

a swi xi mi lunghise ku tirha ntirho wun'wana ni wun'wana lowo saseka, mi ta endla ku rhandza ka xona, xi ri karhi xi endla eka n'wina, leswi xi tsakisaka ha Yesu Kriste; ku kwetsima a ku ve eka yena hilaha ku nga heriki.

2 Vakorinto 3:5

swi nga ri leswaku hi tiva hi ri sweru ku ringanyeta mhaka leyi nga huma eka hina,

2 Timotiya 1:9

lexi hi hanyiseke, kutani xi hi vitanile hi ku vitana loku kwetsimaka, ku nga ri hikwalaho ka mitirho ya hina, kambe hi ku tirhandzela ka xona, ni tintswalo leti hi ti nyikiweke ha Yesu Kriste, mikarhi yi nga si va kona,

Varhoma 9:16

Hikwalaho a hi mhaka ya loyi a rhandzaka, ni ya la tsutsumaka; kambe i ya Xikwembu lexi tsetselelaka.

1 Vakorinto 15:10

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

Yohane 3:27

Yohane a hlamula, a ku: “Munhu a nga ka a nga amukeri nchumu loko xi nga ri lexi a xi nyikiweke hi tilo.

Vaefesa 1:11

Kambe eka Kriste hi nyikiwile ndzhaka, hilaha hi nga hlawuriwa hakona khale hi makungu ya loyi a tirhaka swilo hinkwaswo hi ku hisekela ka rirhandzu ra yena,

1 Vakorinto 12:6

ni maendlelo ma avene, kambe Xikwembu, i xin'we ntsena lexi tirhaka hinkwaswo eka hinkwavo.

2 Vatesalonika 1:11

Hikwalaho ha mi khongelela hi mikarhi, leswaku Xikwembu xa hina xi mi veka lava lulamelaka rivitano ra xona, xi hetisa makungu ya xona lamanene, ni mitirho hinkwayo ya ku pfumela;

Vaefesa 1:5

hikuva hi rirhandzu ra xona xi hi hlawurile khale ku hi endla vana va xona ha Yesu Kriste hi ku tirhandzela ka vunene bya xona,

Vaefesa 2:8

Hikuva mi hlayisekile hi tintswalo, hi ku pfumela, kutani leswo a swi humi ka n'wina, i ku nyika ka Xikwembu;

1 TIHOSI 8:58

kambe a tikokela eka yena, timbilu ta hina, leswaku hi famba etindleleni hinkwato ta yena, hi hlayisa milawu hinkwayo ya yena ni marito hinkwawo ya yena ni ku lerisa hinkwako ka yena loku a ku leriseke vatatana!

Pisalema 119:36

Kokela mbilu ya mina leswaku yi yingisa ku tsundzuxa ka wena, Ku nga ri leswaku yi rhandza ku fuwa.

Luka 12:32

“U nga chavi, wee ntlhambinyana, hikuva swi tsakisile Tata wa n'wina ku mi nyika vuhosi.

Vaefesa 1:9

xi hi tivisile xihundla xa ku rhandza ka xona, hi ku tirhandzela ka xona, hilaha xi nga tikanelela hakona,

Yohane 6:65

Kutani a ku: “Hikwalaho ndzi nga mi byela, ndzi ku: A ku na munhu la nga taka eka mina, loko a nga nyikiwi hi Tatana.”

Yeremiya 32:38

Ri ta va tiko ra mina, mina ndzi va Xikwembu xa vona.

Varhoma 9:11

hikuva, kuteloko mahahla ma nga si velekiwa, ma nga si endla swo saseka ni swo biha, leswaku ku ta vonaka leswaku makungu ya Xikwembu ma tiyile, loko xi hlawurile munhu ku nga ri hi mitirho, kambe ku ri hi ku rhandza ka la vitanaka,

Yeremiya 31:33

Kambe hi lowo ntwanano lowu ndzi nga ta wu endla ni yindlu ya Israele endzhaku ka masiku lawa, ku vula Yehovha: Ndzi ta veka nawu wa mina exikarhi ka vona, ndzi wu tsala etimbilwini ta vona, ndzi va Xikwembu xa vona, vona va va tiko ra mina.

Swivuriso 21:1

Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

Ezra 1:1

Hi lembe ro sungula ra Korexe, hosi ya Peresi, hileswaku ku endlakala rito ra Yehovha leri a ri vuleke hi nomu wa Yeremiya, Yehovha a pfuxa mbilu ya Korexe, hosi ya Peresi, kutani a twarisa hinkwako eku fumeni ka yena hi mukhosi ni matsalwa mhaka leyi nge:

Ezra 7:27

A ku vongiwe Yehovha, Xikwembu xa vatata wa hina, lexi vekeke timhaka letonghasi embilwini ya hosi, ta ku dzunisa yindlu ya Yehovha eYerusalema, ni la ndzi kumiseke tintswalo eka hosi, ni ka tindhuna ta yena ta huvo, ni ka tihosana hinkwato ta matimba ta hosi!

Ezra 1:5

Kutani tihosi ta tinyimba ta ka Yuda na Benjamini, ni vaprista, ni Valevhi, swin'we ni lava timbilu ta vona ti pfuxiweke hi Yehovha, va suka va ya aka yindlu ya Yehovha eYerusalema.

2 TIKRONIKA 30:12

Voko ra Yehovha ri va kona ni le tikweni ra Yuda ku va nyika mbilu yin'we ku endla hilaha hosi ni tihosana ti leriseke hakona hi rito ra Yehovha.

Yohane 6:45

Ku tsariwile ebukwini ya vaprofeta, va ku: ‘Va ta dyondzisiwa hinkwavo hi Xikwembu.’ Hikwalaho un'wana ni un'wana la yingiseke Tatana, kutani a dyondzisiwa hi yena, u ta eka mina.

Esaya 26:12

Yehovha, hi wena la hi haka ku rhula, hikuva hi wena la tirhaka mitirho ya hina hinkwayo.

Pisalema 141:4

U nga byiseri mbilu ya mina etimhakeni leto biha, Ndzi nga tshuki ndzi endla leswo biha ni lava endlaka swo homboloka, Ndzi nga tshuki ndzi hlangana na vona emikhubyeni ya vona!

Nehemiya 2:4

Kutani hosi yi ku eka mina: “U kombela yini ka mina-ke?” Kutani ndzi khongela Xikwembu xa le matilweni,

1 Petro 1:3

A ku khensiwe Xikwembu Tata wa Hosi ya hina Yesu Kriste, la nga hi tswala ra vumbirhi hi tintswalo ta yena letikulukumba, leswaku hi va ni ku tshemba loku hanyaka hi ku pfuka ka Yesu Kriste exikarhi ka vafi,

Timhaka 11:21

Kutani voko ra Hosi ri va na vona; vanhu lavo tala va pfumela, va hundzukela eka Hosi.

Pisalema 110:3

Tiko ra wena ri ta va lera mapfundzu siku u hlengeletaka nyimpi ya wena. Hi ku saseka loku hlawuriweke, lavantshwa va ta huma eka wena, Kukotisa mberha leyi humaka evuxeni.

Ntirho 33:29

“Vona, Xikwembu xi endle sweswo hinkwaswo, Kambirhi, ni kanharhu eka munhu,

Luka 2:14

“Ku kwetsima a ku ve eka Xikwembu ematilweni ya le henhla, ku tsaka a ku ve emisaveni eka vanhu lava khensiwaka.”

Varhoma 12:3

Hikuva hi tintswalo leti ndzi ti nyikiweke, ndzi byela munhu un'wana ni un'wana exikarhi ka n'wina leswaku, a nga tshuki a tiringanisa hi vukulu ku tlurisa leswi fanelaka, kambe a a ve ni miehleketo ya ku titsongahata a ya hi mpimo wa ku pfumela loku Xikwembu xi ku aveleke un'wana ni un'wana.