Vafilipiya 2:11 - Xitsonga (Bibele)

¹¹ kutani tindzimi hinkwato ti vula leswaku Yesu Kriste i Hosi, ku ve ku dzuniseni ka Xikwembu Tatana.

BIBELE Mahungu Lamanene

¹¹ ni tindzimi hinkwato ti vula leswaku Yesu Kriste i Hosi, eku dzuniseni ka Xikwembu Tatana.

Testamente Leyimpsha Xichangana

¹¹ ni tindzimi hinkwatu tivula lesvaku Yesu Kriste i Hosi, akudzuniseni ka Xikwembu Tatana.

Vafilipiya 2:11 Referans Kwoze

1 Yohane 4:15

Un'wana ni un'wana la vulaka leswaku Yesu i N'wana wa Xikwembu, Xikwembu xi tshama eka yena, na yena u tshama eka Xikwembu.

Varhoma 14:11

Hikuva ku tsariwile leswaku: “Hi wena la hanyaka; ku vula Hosi; matsolo hinkwawo ma ta khinsama emahlweni ka wena, ni tindzimi hinkwato ti ta dzunisa Xikwembu.”

Yohane 13:13

Mi ndzi vula Mufundhisi ni Hosi, swona ma vurisa, hikuva ndzi yena.

1 Yohane 4:2

Tivani Moya wa Xikwembu hakona: Moya wun'wana ni wun'wana lowu vulaka leswaku Yesu Kriste u tile enyameni, i wa Xikwembu.

Varhoma 14:9

Hikuva Kriste u file, kambe u tlhele a hanya, leswaku a va yena la fumaka vafi ni lava hanyaka.

1 Vakorinto 12:3

Hikwalaho ndzi mi ti visaka leswaku a ku na munhu la vulavulaka hi Moya wa Xikwembu, a ku: “Yesu i anathema.” Na swona a ku na munhu la nga tivaka ku vula a ku: “Yesu i Hosi,” loko ku nga ri hi Moya lowo Kwetsima.

Yohane 14:13

Hinkwaswo leswi mi nga ta swi kombela hi vito ra mina, ndzi ta swi endla, leswaku Tatana a dzunisiwa eka N'wana.

1 Petro 1:21

lava pfumeleke ha yena eka Xikwembu, lexi n'wi pfuxeke eku feni, xi va xi n'wi nyika ku kwetsima, leswaku ku pfumela ka n'wina ni ku tshemba ka n'wina ku va ka Xikwembu.

1 Vakorinto 8:6

hambiswiritano, eka hina, ku ni Xikwembu xin'we ntsena, a nga Tatana, xi nga lexi hinkwaswo swi humaka eka xona, na hina hi ri eka xona; kambe hi ni Hosi yi ri yin'we ntsena, a nga Yesu Kriste, loyi Hinkwaswo swi endliweke hi yena, na hina hi tumbuluxiwe hi yena.

Nhlavutelo 3:5

“ ‘La nga ta hlula, u ta ambala tinguvu leto basa, kutani ndzi nga ka ndzi nga hlanguri vito ra yena ebukwini ya vutomi, kambe ndzi ta vula vito ra yena emahlweni ka Tatana, ni le mahlweni ka tintsumi ta yena.

Matewu 10:32

“Un'wana ni un'wana la nga ta ndzi vula emahlweni ka vanhu, na mina, ndzi ta n'wi vula emahlweni ka Tatana la nga ematilweni.

Timhaka 10:36

Hi rona rito leri xi ri rhumeleke vana va Israele loko xi vula ku rhula ha Yesu Kriste yi nga Hosi ya hinkwavo.

Timhaka 2:36

Hikwalaho, yindlu hinkwayo ya Israele yi fanele ku tiva swinene leswaku Xikwembu xi n'wi endle Hosi ni Kriste, Yesu loyi mi n'wi vambeke.”

Yohane 9:22

Vatswari va yena va vurisa sweswo hi ku chava Vayuda; hikuva Vayuda a va kanerile leswaku loko munhu a n'wi vula Kriste, u ta hlongoriwa esinagogeni.

Yohane 5:23

leswaku hinkwavo va ta chava N'wana hilaha va chavaka Tatana hakona. La nga chaviki N'wana, a nga chavi na Tatana la n'wi rhumeke.

Pisalema 110:1

Yehovha u te eka hosi ya mina: “Tshamisa evokweni ra mina ra xinene, Ndzi ko ndzi endla lava nga valala eka wena Vunavelo bya mikondzo ya wena.”

2 Yohane 1:7

Hikuva vaxisi lavo tala va tile emisaveni, lava landzulaka leswaku Yesu Kriste u tile hi nyama; la vulaka sweswo, hi yena muxisi ni Antikriste.

1 Vakorinto 15:47

Munhu lowo rhanga a a ri wa misava, u endliwile hi misava; kambe munhu wa vumbirhi, a nga Hosi, u huma etilweni.

Varhoma 15:9

leswaku vamatiko va dzunisa Xikwembu hikwalaho ka tintswalo ta xona, kukota leswi tsariweke leswaku: “Hikwalaho, ndzi ta ku twarisa exikarhi ka matiko, ndzi ta yimbelela vito ra wena hi tinsimu.”

Yohane 20:28

Tomasi a hlamula, a ku eka yena: “Hosi yanga ni Xikwembu xanga!”

Yohane 17:1

Kuteloko Yesu u vurile timhaka leti, a tlakusela mahlo ya yena ehenhla, a ku: “Tatana, nkarhi wu tile, dzunisa N'wana wa wena, leswaku N'wana wa wena a ku dzunisa na yena;

Yohane 12:42

Hambiswiritano, lavo tala, ni le xikarhi ka vakulukumba, va pfumela eka yena; kambe a va nga tivuli hikwalaho ka Vafarisi, leswaku va nga hlongoriwi emasinagogeni.

Luka 2:11

hileswaku namuntlha mi velekeriwile Mulondzovoti emutini wa Davhida; i Kriste Hosi.

Yeremiya 23:6

Emikarhini ya yena, Yuda u ta hanya, Israele a tiakela eku tsakeni kutani hi rona vito lero va nga ta n'wi vitana ha rona: ‘Yehovha, ku lulama ka hina.’

Pisalema 18:49

Hikwalaho ndzi ta ku vonga exikarhi ka matiko, oho Yehovha! Ndzi ta yimbelela ku kwetsima ka vito ra wena.

Yohane 14:23

Yesu a hlamula a ku eka yena: “Kungakuloko munhu a ndzi rhandza, u ta hlayisa marito ya mina, kutani Tatana u ta n'wi rhandza, kutani hi ta ta eka yena, hi aka eka yena.

Yohane 13:14

Kutani loko mina ndzi nga Hosi ni Mufundhisi, ndzi mi hlantswile milenge, na n'wina mi fanele ku hlantswana milenge.