Vafilipiya 1:8 - Xitsonga (Bibele)

⁸ Hikuva Xikwembu i mbhoni yanga leswaku ndzi mi xuva hinkwenu hi rirhandzu ra Yesu Kriste.

BIBELE Mahungu Lamanene

⁸ Xikwembu i mbhoni ya mina ya leswaku ndzi lava ngopfu ku va na n'wina hinkwenu, hi ku navela loku humaka eka Kriste Yesu.

Testamente Leyimpsha Xichangana

⁸ Xikwembu i mboni ya mina ya lesvaku nilava ngopfu kuva na n'wina hinkwenu, hi kunavela loku kuhumaka ka Kriste Yesu.

Vafilipiya 1:8 Referans Kwoze

Vafilipiya 4:1

Hikwalaho, vamakwerhu lava rhandziwaka, lava naveriwaka ngopfu, lava mi nga ku tsaka ka mina, ni harhi ya mina, tiyiselani sweswo eHosini, varhandziwa.

Varhoma 1:9

Hikuva Xikwembu lexi ndzi xi tirhelaka emoyeni wa mina eEvhangelini ya N'wana wa xona, hi yona mbhoni ya mina loko ndzi ku: A ndzi tshiki ku mi anakanya,

2 Timotiya 1:4

kutani ndzi navela ngopfu ku ku vona leswaku ndzi va ni ku tsaka;

1 Vatesalonika 2:8

hi mukhuva wolowo wa ku mi rhandza ngopfu, hi anakanyile leswaku hi nga ka hi nga mi nyiki Evhangeli ya Xikwembu ntsena, kambe hi nga mi nyika ni vutomi bya hina, hikuva mi ri varhandziwa va hina swinene.

Varhoma 9:1

Ndzi vula ndzi tiyisa emahlweni ka Kriste, a ndzi hembi, ripfalo ra mina ri ndzi yimela hi Moya lowo Kwetsima, loko ndzi ku:

Filemoni 1:12

N'wi amukele, hikuva i ngati ya mina.

Yeremiya 31:20

“Xana Efrayimi i n'wana la rhandziwaka eka mina xana, kumbe n'wana loyi ndzi n'wi tsakelaka xana? Hikuva hi masiku loko ndzi n'wi vula, ndzi anakanya yena hi ku tlurisa; hikwalaho marhumbu ya mina ma pfumaka hikwalaho ka yena; kunene ndzi ta n'wi tsetselela, ku vula Yehovha.

Vakolosa 2:1

Hikuva ndzi rhandza leswaku mi tiva nyimpi leyikulu leyi ndzi mi lwelaka yona, n'wina, ni va Lawodikiya, ni hinkwavo lava nga ka va nga voni mombo wa mina;

Vagalatiya 4:19

Vana vanga, n'wina lava ndzi mi velekaka eku vavisekeni, Kriste a ko a vumbiwa endzeni ka n'wina!

Vagalatiya 1:20

Timhaka leti ndzi mi tsalelaka tona, ndzi tiyisa emahlweni ka Xikwembu, a ndzi hembi vunwa.

2 Vakorinto 7:15

Hikokwalaho, loko a anakanya ku yingisa ka n'wina hinkwenu, ni hilaha mi n'wi rhurheleke hi xichavo ni ku rhurhumela, rirhandzu ra yena eka n'wina ri engetelekile.

2 Vakorinto 6:12

a mi manyanangi endzeni ka hina, kambe mi manyanisa endzeni ka n'wina;

Luka 1:78

hikwalaho ka tintswalo letikulu ta Xikwembu hi dyambu ra vuxa,

Esaya 63:15

Languta u ri ematilweni, u vona u le ndlwini ya wena leyo kwetsima, leyo twala: Ku chivirika ka wena ku kwihi ni matimba ya wena? Ku tshuka ka marhumbu ya wena, ni tintswalo ta wena a swa ha tirhi ka mina.

Esaya 16:11

Hikwalaho marhumbu ya mina ma pfuma ehenhla ka Mowabu, tanihi xitendze, ni mbilu yanga yi endlisa sweswo ehenhla ka Kiri-Herexe.

1 Yohane 3:17

Kambe kungakuloko munhu a ri ni swilo swa vutomi bya misava, kutani a vona makwavo a pfumala, kutani a n'wi pfalela mbilu ya yena, rirhandzu ra Xikwembu ri nga tshamisisa ku yini eka yena?

Filemoni 1:20

Ina, makwerhu, a ndzi tsakisiwe sweswo hi wena eHosini.

1 Vatesalonika 2:5

Hikuva a hi vanga na rito ra ku kanganyisa hi ku sasela ni siku ni rin'we, na n'wina ma swi tiva, ni loko ma ri mano lama fihlaka ku navela ku fuwa; Xikwembu i mbhoni ya hina.

Vakolosa 3:12

Funengelani hakona, leswi mi nga vahlawuriwa va Xikwembu, vakwetsimi ni varhandziwa, ku tiyingisa ka tintswalo, ni vunene, ni ku titsongahata, ni ku olova, ni ku yingisela;

Vafilipiya 2:26

hikuva u naverile ngopfu ku mi vona hinkwenu, kutani a a vaviseka ngopfu hi leswi mi tweke ku vabya ka yena.

Vafilipiya 2:1

Hikwalaho, kungakuloko ku chavelela ku ri kona ka Kriste, ni loko rirhandzu ri ri kona leri tiyisaka timbilu, ni ku hlangana ka Moya, ni ku tsetselelana, ni tintswalo,

2 Vakorinto 13:9

Hi tsakile loko hi ri karhi hi tsana; kutani leswi hi swi kombelaka, i ku hetiseka ka n'wina.

Ntirho 16:19

Ni sweswi, vona, mbhoni ya mina yi le matilweni, Mulandzuleri wa mina u le tlhelweni ra le henhlahenhla.

Vagalatiya 3:26

hikuva hinkwenu mi vana va Xikwembu hi ku pfumela eka Yesu Kriste.