Vaefesa 6:8 - Xitsonga (Bibele)

⁸ hi ku tiva leswaku un'wana ni un'wana, hambi a ri la fuyiweke, hambi a ri la nga fuyiwangiki, u ta nyikiwa hi Hosi hi mpimo wa leswo saseka leswi a swi endleke.

BIBELE Mahungu Lamanene

⁸ tsundzukani leswaku Hosi yi ta nyika un'wana ni un'wana, hambi hlonga, hambi la nga riki hlonga, hi ku ya hi leswinene leswi a swi endleke.

Testamente Leyimpsha Xichangana

⁸ tsundzukani lesvaku Hosi yitanyika mun'wana ni mun'wana, hambi xikarawa, hambi lweyi angaliki xikarawa, hi kuya hi lesvinene lesvi asviyendleke.

Vaefesa 6:8 Referans Kwoze

Vakolosa 3:24

hikuva ma swi tiva leswaku mi ta nyikiwa hi Hosi hakelo ya ndzhaka; tirhelani Kriste Hosi.

Luka 14:14

kutani u ta kateka, hikuva va pfumala swa ku ku etisela swona, hikuva u ta etiseriwa hi siku ra ku pfuka ka lava lulameke.”

Vakolosa 3:11

Laha a ku na Mugriki, ni loko a ri Muyuda, ni loko ri ri nkwerha, ni loko ri ri khuna, ni loko a ri mubarbari, ni loko a ri Muskita, ni loko a ri hlonga la fuyiweke, ni loko a ri la nga fuyiwangiki, kambe Kriste i hinkwaswo eka hinkwavo.

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Matewu 16:27

Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

Matewu 6:4

leswaku ku nyika ka wena ku va exihundleni; kutani Tata wa wena la vonaka exihundleni, u ta ku tlherisela emahlweni ka vanhu.

Swivuriso 11:18

Lowo biha, u tirha mitirho leyi kanganyisaka, Kambe la byalaka ku lulama u ni hakelo leyi tiyeke.

Vaheveru 10:35

Hikwalaho, mi nga tshuki mi lahla ku tshemba ka n'wina loku nga ni hakelo leyikulu.

Swivuriso 23:18

Hikuva leswi taka, swa ta, Ku tshemba ka wena a ku nga endliwi swahava.

Vaheveru 11:26

a ringanisa leswaku xisandzu xa Kriste i rifuwo leri tlulaka xuma xa Egipta, hikuva a a langutele hakelo.

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Matewu 6:1

“Tilanguteleni leswaku mi nga tshuki mi nyika swa n'wina eka swisiwana emahlweni ka vanhu, leswaku mi ta voniwa hi vona; loko mi endlisa sweswo, mi nga ka mi nga kumi hakelo eka Tata wa n'wina la nga ematilweni.

Matewu 5:12

Tsakani, mi tsaka ngopfu hikuva hakelo ya n'wina i yikulu ematilweni, hikuva va xanisile sweswo vaprofeta lavo rhanga.

Esaya 3:11

U ni khombo mudyohi, u ni khombo, hikuva u ta nyikiwa hakelo ya mitirho ya mavoko ya yena.

Luka 6:35

Kambe n'wina, rhandzani valala va n'wina, mi endla vanhu swinene, mi lomba mi nga tshembi ku ta tlheriseriwa, kutani ku hakeriwa ka n'wina ku ta va lokukulu; mi ta va vana va La nge henhlahenhla, hikuva yena u ni tintswalo eka lava nga khensiki ni ka lavo biha.

1 Vakorinto 12:13

Hikuva hinkwerhu hi khuvuleriwe eMoyeni wu ri wun'we, leswaku hi ta endla miri wun'we: hambi va ri Vayuda hambi va ri Vagriki, hambi va ri lava fuyiweke, hambi va ri lava nga fuyiwangiki; kutani hinkwerhu hi nwile eka Moya wu ri wun'we.

Vakolosa 3:25

Kambe la endlaka leswo homboloka, u ta rhwala leswi a swi endleke, hikuva a ku yiwi hi nghohe ya vanhu.

Matewu 20:7

Va ku eka yena: ‘Hikuva a hi rhambiwanga hi munhu.’ A ku eka vona: ‘Na n'wina, yanani ensin'wini ya mina ya vhinya.’