Vaefesa 6:5 - Xitsonga (Bibele)

⁵ N'wina malandza, yingisani vini va n'wina enyameni hi xichavo, ni ku rhurhumela, timbilu ta n'wina ti basile, kukotisa loko mi yingisa Kriste,

BIBELE Mahungu Lamanene

⁵ N'wina mahlonga, yingisani vini va n'wina va laha misaveni, hi xichavo ni ku titsongahata, mi swi endla hi timbilu to basa, ku fana ni loko mi tirhela Kriste hi xiviri;

Testamente Leyimpsha Xichangana

⁵ N'wina svikarawa, yingisani vinyi va n'wina va laha misaveni, hi xichavu ni kurhurhumela, misviyendla hi mbilu leyibaseke, kufana ni loko mitirhela Kriste hi xiviri;

Vaefesa 6:5 Referans Kwoze

Vaefesa 5:22

N'wina vavasati, yingisani vanuna va n'wina kukotisa loko mi yingisa Hosi;

Malakiya 1:6

“N'wana u chava tata wa yena, ni nandza u chava hosi ya yena. Kambe loko ndzi ri tatana, ku kwihi ku dzunisiwa ka mina xana? Ni loko ndzi ri hosi, ku kwihi ku chaviwa ka mina xana? ku vula Yehovha wa mavandla eka n'wina, vaprista, lava solaka vito ra mina. Kambe mi ri: ‘Hi sandzile vito ra wena ha yini-ke?’

1 Petro 3:2

loko va ta va va vonile mikhuva ya n'wina leyi tengeke, leyi nga ni xichavo.

Filemoni 1:16

ku nga ri kukotisa khumbi, kambe a va la tlurisaka khumbi, a va ndzisana leyi rhandziwaka ngopfu hi mina, na wena u nga n'wi rhandza ku tlurisa, hambi enyameni, hambi eHosini.

Vafilipiya 2:12

Varhandziwa va nga, kukotisa loko mi yingisile hi masiku, ku nga ri loko ndzi ri eka n'wina ntsena, kambe ngopfungopfu loko ndzi nga ri kona, tirhelani ku hlayiseka ka n'wina hi nchavo ni ku rhurhumela;

Pisalema 86:11

Oho Yehovha, ndzi dyondzise ndlela ya wena! Ndzi ta famba eku tshembekeni ka wena. Byisa mbilu yanga ku chava vito ra wena.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

1 Vakorinto 7:22

Hikuva la vitiweke hi Hosi a ri khumbi, i muntshunxiwa wa Hosi; na yena la vitiweke a nga ri khumbi, u fuyiwile hi Kriste.

Matewu 8:9

Hikuva, na mina, ndzi nga munhu la fumiwaka hi van'wana, ndzi ni masocha lama nga ehansi ka mina; loko ndzi ku eka un'wana: ‘Famba!’ wa famba; eka un'wana: ‘Tana!’ wa ta; ni ka nandza wa mina: ‘Endla swo karhi,’ wa swi endla.”

Matewu 6:24

“A ku na munhu la nga swi kotaka ku tirhela tihosi timbirhi; hikuva u ta venga yin'wana, a rhandza yin'wanyana, kumbe u ta namarhela yin'wana, a sandza yin'wanyana. Mi nge swi koti ku tirhela Xikwembu na Mamona.

Genesa 16:9

Kutani ntsumi ya Yehovha yi ku eka yena: “Tlhelela eka n'wini wa wena, u tisola ehansi ka voko ra yena.”

Vaefesa 6:24

Tintswalo a ti ve ni hinkwavo lava rhandzaka Hosi ya hina, Yesu Kriste, hi rirhandzu leri nga onhakiki.

Pisalema 123:2

Vonani! Tanihi mahlo ya malandza lama langutaka voko ra n'wini va wona, Tanihi mahlo ya nandza wa wansati lama langutaka voko ra n'wini wa yena, Mahlo ya hina ma langutisa sweswo eka Yehovha, Xikwembu xa hina, A kondza a hi twela vusiwana.

1 TIKRONIKA 29:17

Oho! Xikwembu xanga! Ndzi tiva leswaku u kamba mbilu, ni leswaku! U tsakela ku lulama; loko ndzi ri mina, ndzi humesile swilo leswi hinkwaswo hi ku lulama ka mbilu yanga, kutani sweswi, tiko ra wena leri nga kwala, ndzi ri vonile hi ku tsaka loko ri ku humesela mihlengo ya rona.

Yoxuwa 24:14

“Sweswi, chavani Yehovha, mi n'wi tirhela hi ku hetiseka ni ntiyiso. Susani swikwembu leswi vatata wa n'wina va swi tirheleke ehase ka nambu, na Egipta, mi tirhela Yehovha.

2 Vakorinto 7:15

Hikokwalaho, loko a anakanya ku yingisa ka n'wina hinkwenu, ni hilaha mi n'wi rhurheleke hi xichavo ni ku rhurhumela, rirhandzu ra yena eka n'wina ri engetelekile.

1 Vakorinto 2:3

Na mina loko ndzi ri kona exikarhi ka n'wina, a ndzi ri ku tsaneni ni le ku chaveni ni le ku rhurhumeleni lokukulu;

Timhaka 2:46

Na swona a va tiyisela etempeleni hi masiku hinkwawo, va ri ni mbilu yin'we, va ri karhi va phema vuswa endlwini yin'wana ni yin'wana, va dya swakudya swa vona hi ku tsaka, ni timbilu leti tengeke,

Matewu 6:22

“Rivoningo ra miri i tihlo, hikwalaho, loko tihlo ra wena ri ri rinene, miri hinkwawo wa wena wu ta voningiwa.

Varhoma 9:3

hikuva, loko ndzi ri mina, ndzi nga rhandza ku va anathema, ndzi hambanyisiwa na Kriste, hikwalaho ka vamakwerhu lava nga rixaka rin'we na mina hi nyama,