Vaefesa 6:14 - Xitsonga (Bibele)

¹⁴ Tiyani hikwalaho, mi ri karhi mi titsimbile swifungha hi vamba ra ntiyiso, mi ambele exifuveni xisirhelelo xa leswo lulama;

BIBELE Mahungu Lamanene

¹⁴ Loko swi ri tano, tshamani mi tilulamisile. Tikhameni hi ntiyiso wu va vamba ra n'wina. Ambalani ku lulama xi va xisirhelelo xa n'wina xa le xifuveni,

Testamente Leyimpsha Xichangana

¹⁴ Loko svilitano, tshamani na mitilulamisile. Tikhameni hi ntiyiso wuva bandi ra n'wina. Yambalani kululama xiva xisirhelelo xa n'wina xa le xifuveni,

Vaefesa 6:14 Referans Kwoze

Esaya 59:17

Wa ambala ku lulama kukota xisirhelelo, kutani u veka enhlokweni e xihuku xa ku hlayiseka; u ambala tinguvu ta ku tirihisela, kutani u tifunengeta hi rilondzo kukota nkhancu.

1 Vatesalonika 5:8

Kambe hina hi nga va nhlekanhi, a hi tihlayiseni, kutani hi ambala xisirhelelo xa xifuva, ku nga ku pfumela ni rirhandzu, hi havaxela ni xihuku xa ku tshemba ku hlayiseka.

Esaya 11:5

Ku lulama ku ta va vamba ra xisuti xa yena, ku tshembeka ku ta va vamba ra matsheve ya yena.

Luka 12:35

“A ku tsimbiwe swisuti swa n'wina, mavoningo ya n'wina a ma lumekiwe.

1 Petro 1:13

Hikwalaho, na n'wina, tiboheni swisuti swa ku twisisa ka n'wina mi hanya hi ku tikhoma, mi tshemba hi mukhuva lowu hetisekeke tintswalo leti mi nga ta nyikiwa tona siku Yesu Kriste a nga ta humelela;

2 Vakorinto 6:7

hi tipfuna hi matlhari ya ku lulama, lama tameriwaka hi voko ra xinene ni ra ximatsi;

Vaefesa 5:9

fambani hakona, kukoti swa vana va ku vonakala,

Nhlavutelo 9:17

Emahlorini ya mina ndzi vonisa sweswo tihanci ni lava ti khandziyeke va ri ni swisirhelelo leswi fanaka ni ndzilo, ni yakinta, ni xivavula; tinhloko ta tihanci a ti fana ni tinhloko ta tinghala; ku huma emilon'wini ya tona ndzilo, ni musi, ni xivavula.

Nhlavutelo 9:9

A ti ri ni swisirhelelo eswifuveni kukota swisirhelelo swa nhumbu, mpfumawulo wa timpapa ta tona a wu fana ni mpfumawulo wa tigolonyi ta tihanci leto tala, lama tsutsumelaka enyimpini.

Ntirho 29:14

A ndzi funengela ku lulama, kutani ku lulama ku tifunengeta ha mina; Ku tenga ka mina a yi ri nguvu ya mina ni xihuku xa nuna.

Varhoma 13:12

Vusiku byi hundzile, dyambu ri tshinele; a hi cukumeteni hakona mitirho ya munyama, kutani hi hakarha matlhari ya ku vonakala.

Vaefesa 6:13

Hikwalaho-ke hlomani matlhari hinkwawo ya Xikwembu, mi ta tiva ku tiya hi siku ra khombo, ni ku yima mi hlurile hinkwaswo.

2 TIHOSI 3:21

Vamowabu hinkwavo, kuteloko va swi twile leswaku tihosi leti a ti tlhandlukile ku lwa na vona, va hlengeletana, va yima endzilakaneni va ri hinkwavo lava hlomeke ni van'wana.