Vaefesa 6:11 - Xitsonga (Bibele)

¹¹ Hakarhani matlhari hinkwawo ya Xikwembu, leswaku mi ta tiva ku hlula miringo ya Diyavulosi.

BIBELE Mahungu Lamanene

¹¹ Havaxelani swisirhelelo ni matlhari hinkwawo lawa Xikwembu xi mi nyikaka wona, leswaku mi ta kota ku yima mi lwa ni mano layo biha ya Diyavulosi.

Testamente Leyimpsha Xichangana

¹¹ Yambalani svisirhelelo ni matlhari hinkwawu lawa Xikwembu ximinyikaka wona, lesvaku mitakota kuyima milwa ni mindzingo yobiha ya Diyavulosi.

Vaefesa 6:11 Referans Kwoze

2 Vakorinto 10:4

Hikuva matlhari ya hina a hi ya nyama, kambe ma ni matimba ha Xikwembu ku wisa makhokholo,

Varhoma 13:12

Vusiku byi hundzile, dyambu ri tshinele; a hi cukumeteni hakona mitirho ya munyama, kutani hi hakarha matlhari ya ku vonakala.

1 Vatesalonika 5:8

Kambe hina hi nga va nhlekanhi, a hi tihlayiseni, kutani hi ambala xisirhelelo xa xifuva, ku nga ku pfumela ni rirhandzu, hi havaxela ni xihuku xa ku tshemba ku hlayiseka.

Vaefesa 6:13

Hikwalaho-ke hlomani matlhari hinkwawo ya Xikwembu, mi ta tiva ku tiya hi siku ra khombo, ni ku yima mi hlurile hinkwaswo.

1 Petro 5:8

Tikhomeni, mi hiteka; hikuva nala wa n'wina, a nga Diyavulosi wa mi wonga kukota nghala leyi vombaka, yi lava loyi yi nga n'wi dyaka.

2 Vakorinto 2:11

leswaku hi nga tshuki hi kamanyetiwa ha nchumu hi Satana, hikuva hi tiva makungu ya yena.

Vaefesa 4:14

hileswaku hi nga ha ti tshama hi va swihlangi leswi nga ni ku kanakana ni ku tsekatsekisiwa hi mheho yihi ni yihi ya dyondzo, hi ku dyelela ka vanhu, ni mano ya vona yo hambukisa hi mavunwa;

Vakolosa 3:10

mi va mi funengele munhu lontshwa la dzuvulaka eku tiveni, hi xifaniso xa la n'wi tumbuluxeke.

Varhoma 13:14

kambe mi tifunengeta ha Hosi Yesu Kriste, kutani mi nga tsetseleri nyama hi ku yi xurhisa eku naveleni ka yona.

2 Vakorinto 11:3

Kambe ndzi tshukile leswaku, kumbexana swi ta kotisa loko nyoka yi ringile Evha hi mano ya yona, ni ka n'wina mianakanyo ya n'wina yi nga onhaka, yi lahlekeriwa hi vunene bya Kriste.

2 Vakorinto 6:7

hi tipfuna hi matlhari ya ku lulama, lama tameriwaka hi voko ra xinene ni ra ximatsi;

Nhlavutelo 2:24

Loko mi ri n'wina ni van'wana va Tiyatira lava nga landzangiki dyondzo leyi, ni lava nga tivangiki ku enta ka Satana, hilaha va vulaka ha kona; ndza mi byela leswaku ndzi nga ka ndzi nga mi rhwexi ndzhwalo wun'wana.

Vaefesa 4:24

ni leswaku mi ambala munhu lontshwa, la vumbiweke hi xifaniso xa Xikwembu, eku lulameni ni le ku kwetsimeni ka ntiyiso.

Vaheveru 7:25

Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.

Yuda 1:24

Eka loyi a nga ni matimba ya ku mi hlayisa mi nga khunguvanyeki, ni ku mi yimisa mi nga ri na xivati emahlweni ka yena, eku kwetsimeni ni le ku tsakeni;

2 Vakorinto 4:4

va nga valavo xikwembu xa misava leyi xi va dlayeke mahlo ya ku anakanya, hileswaku va nga pfumeri, va nga ti tshuka va tsuvukeriwa hi ku vonakala ka Evhangeli leyi kwetsimaka ya Kriste, xi nga xifaniso xa Xikwembu.

1 Vakorinto 10:13

A mi si humelela hi ndzingo lowu nga ringaniki munhu. Kambe Xikwembu xa tshembeka, xi nga ka xi nga pfumeri leswaku mi humeleriwa hi ndzingo lowu mi hlulaka; kambe ndzingo, loko wu ri kona, xi ta mi nyika ni ndlela ya ku huma eka wona, mi ta kota ku wu rhwala.

Marka 13:22

hikuva ku ta humelela vakriste vo hemba lavo tala, ni vaprofeta va mavunwa; va ta endla masingita ni swikombiso leswi nga ta hambukisa na vona vahlawuriwa, loko swa endleka.

Nhlavutelo 12:9

Kutani dragona leyikulu, yi nga nyoka ya khale, leyi vuriwaka Diyavulosi na Satana, leyi xisaka misava hinkwayo, yi cukumetiwa emisaveni ni tintsumi ta yona ti cukumetiwa na yona.

Nhlavutelo 19:20

Kutani xivandza xi khomiwa swin'we ni muprofeta wa mavunwa, loyi a nga endla emahlweni ka xona mahlori lawa a hambukiseke ha wona lava nga amukela mfungho wa xivandza, ni lava gandzeleke xifaniso xa xona havambirhi va cukumetiwa va ha hanya etiveni leri pfurhaka ra ndzilo ni xivavula.

Yakobo 4:7

Hikwalaho, tivekani ehansi ka Xikwembu; alelani Diyavulosi, kutani u ta suka eka n'wina.

Vaavanyisi 3:2

leswaku tinyimba ta vana va Israele ti ta tiva ku dyondza nyimpi, ti ri leti nga tivangiki tinyimpi to sungula:

Nehemiya 4:13

Kutani ndzi veka valanguteri exivandleni xa le hansi endzhaku ka rirhangu; exivandleni lexi ahlameke, ndzi veka tiko kona hi tinyimba ta vona va ri ni mikwana ya vona, ni matlhari ya vona, ni miseve ya vona.