Vaefesa 5:6 - Xitsonga (Bibele)

⁶ Munhu a nga tshuki a mi kanganyisa hi ku vulavula ka swahava, hikuva hikwalaho ka swona leswo, ku kariha ka Xikwembu ku ta ta ehenhla ka vanhu lava nga pfumeriki.

BIBELE Mahungu Lamanene

⁶ Ku nga vi na munhu loyi a mi kanganyisaka hi marito lama nga pfuniki nchumu: Swidyoho leswi, hi swona leswi endlaka leswaku vukari bya Xikwembu byi wela vanhu lava nga yingisiki.

Testamente Leyimpsha Xichangana

⁶ Kungavi na munhu lweyi amikanganyisaka hi marito lamangapfuniki nchumu: Svijoho lesvi, hi svona lesviyendlaka lesvaku vukarhi bza Xikwembu bziwela vanhu lavangayingisiki.

Vaefesa 5:6 Referans Kwoze

Varhoma 1:18

Hikuva vukari bya Xikwembu bya tikombisa hi le tilweni, ku ba xisandzu, ni ku homboloka hinkwako ka vanhu lava khotselaka ntiyiso eku hombolokeni;

Matewu 24:4

Yesu a va hlamula, a ku: “Tilanguteleni, mi nga ti tshuka mi xisiwa hi munhu.

Vakolosa 2:8

Tilanguteleni leswaku munhu a nga tshuki a mi koka hi filosofi ni mavunwa ya swahava, hi ku landzelela mikhuva ya vanhu ni timhaka to rhanga ta misava, ku nga ri ha Kriste.

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

Vakolosa 3:6

hikwalaho ka leswo ku kariha ka Xikwembu ku telaka vanhu lava nga pfumeriki;

Marka 13:5

Yesu a sungula ku va byela, a ku: “Tilanguteleni leswaku mi nga tshuki mi xisiwa hi munhu.

Matewu 24:24

Hikuva ku ta humelela lava tivulaka Kriste hi vunwa, kambe vaprofeta va mavunwa va ta endla masingita lamakulu, ni mahlori lama nga ta hambukisa na vona vahlawuriwa, loko swi nga koteka.

1 Petro 2:8

va nga lava khunguvanyekaka hi Rito, va tiarisa, kutani hi swona leswi va swi averiweke.

2 Vatesalonika 2:3

mi nga tshuki mi xisiwa niswitsongo hi munhu, hikuva swi fanele leswaku ku tlhelela endzhaku ku va kona eku sunguleni, ni ku humelela ka munhu wa xidyoho, n'wana wa ku lahleka,

Vakolosa 2:4

Ndzi mi byela swona, leswaku munhu a nga tshuki a mi kanganyisa hi ku vulavula loku dyelelaka.

Marka 13:22

hikuva ku ta humelela vakriste vo hemba lavo tala, ni vaprofeta va mavunwa; va ta endla masingita ni swikombiso leswi nga ta hambukisa na vona vahlawuriwa, loko swa endleka.

Vakolosa 2:18

Munhu a nga tshuki a mi tekela hakelo hi ku rhandza ka yena, wo nge a swi endla hi ku titsongahata ni ku gandzela tintsumi; a tinghenisa eka leswi a nga swi vonangiki, hi ku tikurisela swahava hi ku anakanya ka nyama ya yena;

Pisalema 78:31

Ku kariha ka Xikwembu ku va pfukela; Xi dlaya tinhenha ta vona, Xi wisa majaha ya Israele.

Vaheveru 3:19

Kutani ha swi vona leswaku swi va tsandzile ku nghena, hikwalaho ka leswi va nga pfumelangiki.

Mikiya 3:5

Ku vula Yehovha ematshan'weni ya vaprofeta lava xisaka tiko ra mina, volavo, loko va ha nhlampfunha hi meno va vula ku rhula, kambe loko va nga nyikiwanga nchumu, va ri pfuxela nyimpi.

Yeremiya 29:31

“Ku vula Yehovha hikwalaho ka Xemaya wa Nehelami, a ku: ‘Leswi Xemaya a mi profeteke kasi a ndzi n'wi rhumanga, kutani a mi tshembise mavunwa;

2 TIHOSI 18:20

U vurile marito ya hava. Makungu ni matimba swi fanele ku va kona loko va huma nyimpi. Sweswi u tshemba mani ku ndzi pfukela-ke?

Yeremiya 27:9

“ ‘Kutani n'wina, mi nga tshuki mi yingisa vaprofeta va n'wina, hambi va ri vabvumbi va n'wina, hambi va ri valorhi va n'wina, hambi ti ri tin'anga ta n'wina, hambi va ri vangoma va n'wina, lava mi byelaka, va ku: “Mi nga ka mi nga tirheli hosi ya Babilona.

Yeremiya 37:9

Ku vula Yehovha: Mi nga tikanganyisi, mi ku: “Vakalediya va ta suka va ya ekule na hina; kasi a va nga suki.”

Vaheveru 13:9

Mi nga hambukisiwi hi tidyondzo leti hambaneke ta le handle; hikuva swi sasekile loko mbilu yi tiyisiwa hi tintswalo, ku nga ri hi swakudya leswi nga pfuniki nchumu eka lava swi tshembeke.