Vaefesa 5:3 - Xitsonga (Bibele)

³ Kambe loko byi ri vuoswi ni vumbhisa hinkwabyo, ni ku navela ka ku fuwa, swi nga tshuki swi vuriwa ni mavito ya swona exikarhi ka n'wina hilaha swi fanelaka vakwetsimi,

BIBELE Mahungu Lamanene

³ Mi vahlawuriwa va Xikwembu, kutani vuoswi, ni swa thyaka hinkwaswo, ni makwanga, a swi laveki exikarhi ka n'wina, ni ku kumbuka swi nga kumbukiwi.

Testamente Leyimpsha Xichangana

³ Mi vahlawuliwa va Xikwembu, kutani vuwosvi, ni sva chaka hinkwasvu, ni makwanga, asvilaveki xikarhi ka n'wina, ni kukumbuka svingakumbukiwi.

Vaefesa 5:3 Referans Kwoze

Vakolosa 3:5

Dlayani hakona swirho swa n'wina swa la emisaveni, hileswaku vuoswi, ni vumbhisa, ni ku tiyingisa ka tingana, ni ku navela leswo biha, ni ku navela rifuwo loku ku nga ku tirhela swikwembu swahava;

Vaefesa 5:5

hikuva ma swi tiva leswaku muoswi, hambi yi ri mbhisa, ni la rhandzaka rifuwo, a nga munhu la tirhelaka swikwembu swahava, a nga ka a nga vi na ku averiwa eku fumeni ka Kriste ni Xikwembu.

1 Vatesalonika 4:3

hikuva ku rhandza ka Xikwembu hileswaku mi kwetsimisiwa, ni leswaku mi tshika vuoswi,

1 Vakorinto 6:18

Xidyoho xin'wana ni xin'wana lexi endliwaka hi munhu xi le handle ka miri wa yena; kambe la oswaka u tidyohela miri wa yena.

1 Vatesalonika 4:7

Hikuva Xikwembu a xi hi vitanelangi ethyakeni, kambe eku kwetsimeni.

1 Vakorinto 6:13

“Swakudya, i swa khwiri, kutani khwiri i ra swakudya”; kambe Xikwembu xi ta herisa swona na rona.

Vaefesa 5:12

hikuva swi khomisa tingana loko ku vuriwa ntsena leswi va swi endlaka exihundleni.

Matewu 15:19

Hikuva miehleketo leyo biha, ni ku dlayana, ni timholovo, ni vuoswi, ni vukhamba, ni ku hembelana, ni ku sandzana swi huma embilwini,

Nhlavutelo 2:21

Ndzi n'wi nyikile nkarhi wa ku hundzuka, kambe a nga swi rhandzi ku hundzuka evuoswini bya yena.

1 Vakorinto 10:8

Kambe hi nga tshuki hi oswana, kukota van'wana exikarhi ka vona va nga tinyiketa byona vuoswi; kutani hi siku rin'we, ku wa vanhu va 23 000.

Nhlavutelo 22:15

Kambe ehandle, i timbyana, ni vakanganyisi, ni vaoswi ni vadlayi ni lava gandzelaka swifaniso swa swikwembu, ni hinkwavo lava rhandzaka vunwa ni lava tirhaka hi byona.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

Nhlavutelo 2:14

Kambe ndzi ni timhaka ti nga ri tingani ehenhla ka wena: Kwalaho, u ni lava khomeke dyondzo ya Balaama, a nga dyondzisa Balaka ku veka xikhunguvanyiso emahlweni ka vana va Israele, va ta dya leswi nga tlhaveriwa swifaniso swa swikwembu, ni ku endla vuoswi;

1 Vakorinto 5:1

Ku twele hinkwako leswaku vuoswi byi kona exikarhi ka n'wina, byi nga vuoswi lebyi nga vuriwiki exikarhi ka matiko, va te, un'wana u ni nsati wa tata wa yena.

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Eksoda 20:17

“U nga tshuki u navela yindlu ya warikwenu, u nga tshuki u navela nsati wa yena, hambi a ri nandza wa yena wa wanuna, kumbe wa wansati hambi yi ri homu ya yena, hambi yi ri mbhongolo ya yena, hambi xi ri xilo xin'wana xa warikwenu.”

Nhlavutelo 9:21

Kutani a va hundzukanga eku dlayeni ka vona, ni le vungomeni bya vona, ni le vuoswini bya vona, ni le ku yiveni ka vona.

2 Petro 2:3

kutani leswi va navelaka ku fuwa, va ta bindzula ha n'wina hi ku vulavula loku kanganyisaka, volavo, ku avanyisa ka vona ka khale ku nga lolohiki, ni ku lova ka vona ku nga etleriki.

Vaheveru 12:16

Ku nga tshuki ku va na un'wana wa muoswi, hambi a ri musandzi, kukota Esawu, la nga xava swakudyanyana hi vuhosi bya yena.

2 Vakorinto 12:21

kutani kungakuloko ndzi vuyile ka n'wina, kumbe Xikwembu xa mina xi ta ndzi tsongahata ha n'wina, kutani ndzi ta vaviseka hikwalaho ka lavo tala lava dyoheke va nga tisolangiki ethyakeni, ni le vuoswini, ni le swidyohweni leswi va swi endleke.

Tito 2:3

Na vona vavasati lava kuleke, a va ve ni ku famba loku lulamelaka ku kwetsima, va nga tshuki va hleva, va nga toloveli ku nwa vhinyo leyo tala; va dyondzisa leswo lulama;

2 Timotiya 3:2

Hikuva vanhu va ta va lava tirhandzelaka, lava rhandzaka mali, lava tibombisaka, lava tikurisaka, lava hlevaka, lava nga yingisiki vatswari va vona, va nga tivi ku khensa, vasandzi,

Timhaka 15:20

kambe va tsaleriwa leswaku va tshika thyaka ra swifaniso, ni vuoswi, ni leswi dlayiweke hi xihluku, ni ngati;

Eksoda 18:21

U hlawula exikarhi ka tiko hinkwaro vavanuna lavanene, lava chavaka Xikwembu, vavanuna lava lulameke, lava vengaka bindzu leri nga lulamangiki; u va veka tindhuna ta madzanadzana, ni ta madzana, ni ta ntlhanu na makume, ni ta makume;

2 Petro 2:14

Mahlo ya vona ma tele vuoswi a ma rhuteri ku dyoha; va rhiya mimoya leyi tsekatsekaka, va ni timbilu leti tlharihelaka makwanga, i vana va ndzhukano.

2 Petro 2:10

ngopfungopfu lava landzaka nyama eku naveleni ka thyaka, va sandza vuhosi, va tiarisa, va tikurisa, va nga chavi ku sola leswi kwetsimeke;

1 Petro 5:2

Risani ntlhambi wa Xikwembu lowu nga na n'wina mi wu langutela, ku nga ri hi ku sindzisiwa, kambe ku va hi ku swi rhandza; ku nga ri hikwalaho ka bindzu lero biha, kambe ku va hi ku chivirika;

Tito 1:11

lava hambukisaka vanhu hinkwavo va tindlu tin'wana, va dyondzisa leswi nga faneriki, hi ku tihlengeletela rifuwo ra ku homboloka.

Tito 1:7

Hikuva swi fanele murisi leswaku a va munhu la nga riki na xisandzu, hikuva i mulaveleri wa Xikwembu; a nga tshuki a va la tirhandzaka, ni mukarihi, ni la pyopyiwaka hi vhinyo, ni la lavaka rifuwo hi ku dyelela;

1 Timotiya 3:3

a nga vi munhu la tinyiketaka vhinyo ni la lwaka, kambe a a ve munhu wa musa, la nga rhandziki timholovo, la nga naveriki mali,

1 Timotiya 2:10

kambe ku va hi mitirho leyo saseka, hilaha swi lulamelaka hakona vavasati lava tivulaka leswaku va dzunisa Xikwembu.

Vafilipiya 1:27

Ntsena, tifambeleni hi mukhuva lowu fanelaka Evhangeli ya Kriste, leswaku hambi ndzi ta mi vona, hambi ndzi nga ri kona, ndzi nga twa timhaka ta n'wina leswaku ma ha yima emoyeni wun'we, ni ku lwela swin'we ku pfumela ka Evhangeli hi mbilu yi ri yin'we,

Varhoma 16:2

mi n'wi amukela eHosini, kukota leswi vakwetsimi va fanelaka ku amukeriwa kutani mi n'wi pfuna eswilweni hinkwaswo leswi a nga swi lavaka eka n'wina, hikuva, na yena, u pfunile lavo tala, na mina hi xiviri.

Varhoma 6:13

Kambe mi nga tshuki mi nyiketa vudyoho swirho swa n'wina ku va swilo leswi tirhelaka ku homboloka; kambe tinyiketeni eka Xikwembu kukota lava hanyaka, lava ingi va file, kutani mi veka swirho swa n'wina eka Xikwembu ku tirha leswo lulama.

Varhoma 1:29

Va tele ku homboloka hinkwako, ni lunya, ni mona, ni vuciva, ni ku kanganyisa; va tele ku tshohoka, ni ku dlaya, ni ku kanetana, ni ku xisa, ni ku kucetela;

Timhaka 20:33

A ndzi navelanga macheleni, ni loko ti ri tipondho, hambi yi ri nguvu ya munhu ni un'we.

Luka 16:14

Vafarisi lava nga ni makwanga, a va yingisa timhaka teto hinkwato, kutani va n'wi tsan'wa.

Mikiya 2:2

Va rhandza ku titekela masimu ni tindlu; kutani va pfukela wanuna ni yindlu ya yena, ni munhu la nga ni ndzhaka ya yena.

Yeremiya 22:17

“Kasi wena a ku na mahlo, hambi yi ri mbilu, loko yi nga ri ya ku phanga ni ku halata ngati leyi nga riki na nandzu, ni ku tirha ku karhata, ni ku pfukela vanhu matimba.”

Yeremiya 8:10

“Hikwalaho ndzi ta nyika van'wana vasati va vona, ni vaphangi masimu ya vona; hikuva hinkwavo va tinyiketile ku navela ka rifuwo, ku sungula eka lontsongo ku yisa eka lonkulu, muprofeta ni muprista, va endla hi vunwa.

Yeremiya 6:13

“Hikuva va tinyiketile ku navela ka ku fuwa hinkwavo, lontsongo ni lonkulu, muprofeta ni muprista, un'wana ni un'wana va endla e vunwa.

Swivuriso 28:16

Mufumi la kalaka miehleketo i muxanisi lonkulu, Kambe la vengaka ku dya vanhu u ta engeteleriwa masiku ya yena.

Pisalema 119:36

Kokela mbilu ya mina leswaku yi yingisa ku tsundzuxa ka wena, Ku nga ri leswaku yi rhandza ku fuwa.

Pisalema 10:3

Hikuva lowo biha u tidzunisa hi ku navela ka mbilu ya yena; Ni khamba ri rhukana, kambe ri sandza Yehovha.

1 SAMIELE 8:3

Kambe vana va yena a va fambanga etindleleni ta yena, va hambuka hi ku navela mali, a va amukela ni tinyiko, va voyamisa ku lulama.

Yoxuwa 7:21

Ndzi vonile exumeni nguvu leyo saseka, ya Xinara, ni madzana mambirhi ya tixikele ta silivhere, ni nsuku lowu vumbiweke wa tixikele ta 50 ta ku tika, ndzi swi naverile, ndzi va ndzi swi teka; kutani waswivo, swi fihliwile emisaveni entsongeni wa mina, kambe mali yi le hansi ka swona.”

Tinhlayo 25:1

Israele a a tshamile Xitimi, kutani tiko ri sungula ku tinyiketa vuoswi ni vanhwanyana va Mowabu.

Eksoda 23:13

Mi ta hlayisa hinkwaswo leswi ndzi mi leriseke swona. Mi nga tshuki mi vula mavito ya swikwembu swin'wana; ma nga humi emilon'wini ya n'wina.

1 Timotiya 6:10

Hikuva rirhandzu ra rifuwo i rimitsu ra vudyoho hinkwabyo; van'wana, hi ku ri navela, va lahlekeriwe hi ku pfumela, kutani va titlhavile hi mahlomulo layo tala.

Luka 12:15

Kutani a ku eka vona: “Tivoneleni, mi chava timbilu ta makwanga, hikuva vutomi bya munhu byi nga ka byi nga humi eswilweni leswi a swi fuweke, hambi swi n'wi andzele ngopfu.”

Levhitika 15:18

Loko a ri nsati la etleleke ni nuna loyi, u ta yila na yena, un'wana ni un'wana u ta hlamba ematini, kambe va ta va lava yilaka ku fika nimadyambu.