Vaefesa 5:18 - Xitsonga (Bibele)

¹⁸ Kutani mi nga tshuki mi pyopyiwa hi vhinyo, hikuva yi ni vuhunguki, kambe mi tala Moya,

BIBELE Mahungu Lamanene

¹⁸ Mi nga nwi vhinyo yi mi pyopya, hikuva swi vanga vundendele, kambe ematshan'wini ya sweswo mi tala Moya.

Testamente Leyimpsha Xichangana

¹⁸ Minganweneni vhinyu rimidakwa, hikuva rivanga timholova, kambe matshan'wini ya svosvo mitala hi Moya.

Vaefesa 5:18 Referans Kwoze

Swivuriso 20:1

Vhinyo i musandzi, byalwa i pongo, Hinkwavo lava tinyiketaka ka swona a va na vutlhari.

Varhoma 13:13

A hi fambeni hi mukhuva lowu fanelaka, kukota vanhu lava fambaka ninhlekanhi, ku nga ri hi mahlomi ni ku pyopyiwa, ni vuoswi, ni vumbhisa, ni timholovo, ni mona;

Luka 1:15

hikuva u ta va nkulukumba emahlweni ka Hosi, a nga ka a nga nwi vhinyo ni byalwa, kambe u ta tala moya lowo kwetsima a ha ri ekhwirini ra mana wa yena.

Esaya 5:22

Va ni khombo lava nga ni matimba eku nweni ka vhinyo ni lava nga ni matimba eku kandzeleni ka byalwa;

1 Vakorinto 5:11

Kambe sweswi, ndzi mi tsalela leswaku mi nga tshuki mi tolovelana ni la tivulaka makwenu, kambe a ri muoswi, kumbe la navelaka rifuwo, ni loko a ri la gandzelaka swikwembu swahava, ni loko a ri mulumbeti, kumbe mupyopyi, kumbe khamba; mi nga tshuki mi dya ni lowo tano.

Timhaka 11:24

Hikuva a a ri wanuna wa tintswalo, la teleke Moya lowo Kwetsima ni ku pfumela; kutani ntshungu lowukulu wu namarhela Hosi.

1 Vatesalonika 5:7

Hikuva lava etlelaka, va etlela nivusiku ni lava pyopyaka, va pyopya nivusiku.

Luka 12:45

Kambe, kungakuloko nandza yeloyi a vulavula embilwini ya yena, a ku: ‘Hosi ya mina yi hlwela ku ta,’ kutani a sungula ku ba malandza ya vavanuna ni ya vavasati a dya, a nwa, a pyopyiwa;

Luka 11:13

Kutani-ke, leswi n'wina mi nga lavo biha mi tivaka ku nyika vana va n'wina leswo nandziha, Tatana la nga etilweni u ta tlurisa swonghasi ku nyika Moya lowo Kwetsima eka lava wu kombelaka eka yena?”

1 Vakorinto 6:10

Mi nga tshuki mi lahleka: Loko va ri va thyaka, ni lava gandzelaka swifaniso, ni vaoswi, ni swipombolo, ni loko va ri va Sodoma, ni vayivi, ni lava navelaka rifuwo, ni vapyopyi, ni lava hlevaka van'wana, ni lava dyelelaka, lavo tano, va nga ka va nga dyi ndzhaka ya ku fuma ka Xikwembu.

Tito 1:6

loko u kuma munhu la nga riki na xisandzu, a ri nuna wa nsati, un'we, la nga ni vana lava pfumeleke, lava nga soriwiki hikwalaho ka mikhuva leyo biha, kumbe lava nga yingisiki.

Luka 21:34

“Kambe tivoneni leswaku timbilu ta n'wina ti nga tshuki ti tikeriwa hi madyo, ni ku pyopya, ni ku vilela hi swa vutomi lebyi, kutani siku lero ri mi khoma hi xipuku;

Esaya 55:1

“N'wina hinkwenu lava nga ni torha, tanani ematini hambi n'wina lava pfumalaka mali! Tanani, mi ta xava, mi dya; tanani, mi xava vhinyo ni ntswamba, hambi mi nga ri na mali, a mi nga hakeri!

Duteronoma 21:20

kutani va ta ku eka vakulukumba va muti: ‘N'wana wa hina loyi a tiarisaka, a nga yingisi rito ra hina, i muoswi ni munwi.’

1 Vakorinto 11:21

hikuva loko mi dya, un'wana ni un'wana a sungula ku titekela xilalelo xa yena, kutani un'wana a twa ndlala, kasi un'wana u xurhile.

Risimu ra Tinsimu 1:4

Ndzi koke, hi ta ku landzela hi le ndzhaku! Hosi a yi ndzi tise etindlwini ta yona; Hi ta tsaka, hi tsakela wena, Hi ta dzunisa rirhandzu ra wena leri tlulaka vhinyo; Va ku rhandza hakona, lava ku rhandzaka.

Genesa 9:21

Kutani a nwa vhinyo, a pyopya, a hluvula tinguvu entsongeni wa yena.

Matewu 23:25

“Mi ni khombo n'wina, vatsari ni Vafarisi, vamanyunyu, hikuva mi hlantswa ndzheko ni nkambana ehandle, kasi endzeni, ku tele vukhamba ni ku onha.

Esaya 25:6

Yehovha wa tinyimpi u ta lunghisela matiko hinkwawo entshaveni leyi, swakudya swa tinyama leti noneke, ni swakunwa swa tivhinyo leti tengeke, leti kumiwaka ehenhla ka xisense; ti ri tinyama leti noneke, leti teleke, ni mafurha, ni tivhinyo ta khale leti tengisiweke.

Pisalema 69:12

Lava tshamaka ehubyeni, va vulavula ha mina, Ndzi risimu ra lava phyophyaka.

Matewu 24:49

kutani a sungula ku ba malandzakulobye, a dya, a nwa ni lava pyopyaka,

Risimu ra Tinsimu 7:9

A ndzi ku: Ndzi ta khandziya murhi wa ncindzu, Ndzi ta khoma marhavi ya wona! Mavele ya wena a ma ve tani hi swidzumba swa vhinya, Ni ku nun'hwela ka ku hefemula ka wena, tani hi ku nun'hwela ka maapula!

Levhitika 10:9

“Mi nga tshuki mi nwa vhinyo ni byalwa, hambi u ri wena, hambi va ri vana va wena, loko mi ta nghena etabernakeleni ya nhlengeletano, mi nga ta fa; i nawu lowu nga heriki etinxakeni hinkwato,

Yohane 2:10

“Munhu un'wana ni un'wana u rhanga a humesa vhinyo leyo nandziha kutani loko va nwile, ku tisiwa leyi nga nandzihiki ngopfu; kambe wena u hlayisile vhinyo leyo nandziha ku fika sweswi!”